மெகா சூப்ரீம் ஹீரோ சாய் துர்கா தேஜ் (Sai Durgha Tej) , இயக்குநர் ரோஹித் KP(Rohith KP) , K. நிரஞ்சன் ரெட்டி (K Niranjan Reddy) மற்றும் சைதன்யா ரெட்டி ஆகியோரின் கூட்டணியில், பிரைம்ஷோ என்டர்டெயின்மென்ட் நிறுவனத்தின் (Primeshow Entertainment’s ) மிகப் பிரம்மாண்டமான பான் இந்தியத் திரைப்படமான ‘SYG’ (‘சம்பராலா ஏடி கட்டு’) படத்தின் 160 நாட்களுக்கும் மேலாக நடைபெற்ற தீவிரப் படப்பிடிப்பு நிறைவடைந்துள்ளது.

பிரைம்ஷோ என்டர்டெயின்மென்ட் தயாரிப்பில், ரோஹித் KP இயக்கத்தில் உருவாகும் ‘சம்பரலா ஏடி கட்டு’ படப்பிடிப்பு நிறைவு! ஜனவரி 12, 2027 அன்று உலகம் முழுவதும் திரையரங்குகளில் வெளியாகிறது!

மெகா சூப்ரீம் ஹீரோ சாய் துர்கா தேஜ் நடிப்பில், இயக்குநர் ரோஹித் KP இயக்கத்தில் உருவாகி வரும் பெரிதும் எதிர்பார்க்கப்படும் திரைப்படம் ‘சம்பராலா ஏடி கட்டு’ (SYG). இப்படத்தின் படப்பிடிப்பு வெற்றிகரமாக நிறைவடைந்துள்ளது. ‘ஹனுமேன்’ என்ற பிளாக்பஸ்டர் படத்தைத் தயாரித்த பிரைம்ஷோ என்டர்டெயின்மென்ட் நிறுவனம் சார்பில் K. நிரஞ்சன் ரெட்டி மற்றும் சைதன்யா ரெட்டி இணைந்து இப்படத்தைத் தயாரித்துள்ளனர். இந்நிறுவனத்தின் இதுவரையிலான மிகப் பிரம்மாண்டமான திரைப்படமாக இப்படம் உருவாகியுள்ளது.

படப்பிடிப்பு நிறைவைக் கொண்டாடும் வகையில், படத்தின் உருவாக்கப் பணிகள், பிரம்மாண்டமான ஆக்‌ஷன் காட்சிகள் மற்றும் படக்குழுவினரின் உணர்வுப்பூர்வமான நட்புறவை வெளிப்படுத்தும் வகையில் மேக்கிங் வீடியோ வெளியிடப்பட்டுள்ளது.

மிகப்பெரிய பொருட்செலவில் உருவாகியுள்ள இப்படத்தின் படப்பிடிப்பு, 10-க்கும் மேற்பட்ட கட்டங்களாக 160 நாட்களுக்கும் மேலாக நடைபெற்றுள்ளது. சாய் துர்கா தேஜின் திரைப்பயணத்திலேயே மிகப்பெரிய படமாகக் கருதப்படும் ‘சம்பராலா ஏட்டி கட்டு’, அவரது ரசிகர்களிடையே பெரும் எதிர்பார்ப்பை ஏற்படுத்தியுள்ளது.

படப்பிடிப்பு நிறைவடைந்த தருணத்தில், படக்குழுவினருக்கு தனது நன்றியைத் தெரிவித்துக் கொண்டார் சாய் துர்கா தேஜ். இதனைத் தொடர்ந்து, படக்குழுவினர் உற்சாகமாகக் கொண்டாடினர். ஒருவரையொருவர் கட்டித்தழுவியும், தண்ணீர் மற்றும் படப்பிடிப்பிற்காக உருவாக்கப்பட்ட ரத்தத்தைத் தெளித்தும் மகிழ்ச்சியை வெளிப்படுத்தினர்.

‘சம்பராலா சங்கராந்தி’ என்ற பெயரில் இப்படத்தைப் படக்குழுவினர் அறிமுகப்படுத்தி வருகின்றனர். 2027-ஆம் ஆண்டின் தொடக்கத்தில், சங்கராந்தி பண்டிகைக் காலத்தில் ரசிகர்களுக்கு ஒரு பிரம்மாண்டமான திரையரங்கு அனுபவத்தை வழங்க இப்படம் தயாராகி வருகிறது.

இப்படத்தில் பாலிவுட்டின் முன்னணி நடிகர் ஒருவர் முக்கிய கதாபாத்திரத்தில் நடிக்கிறார். கன்னட நடிகர் தனஞ்செயா முக்கியமான கதாபாத்திரத்தில் நடித்துள்ளார். இவர்களுடன் ஐஸ்வர்யா லட்சுமி, ஜெகபதி பாபு, நரேஷ் வி கிருஷ்ணா, சாய் குமார், ஸ்ரீகாந்த் மற்றும் அனன்யா நாகள்ள உள்ளிட்ட பலரும் நடித்துள்ளனர்.

படத்தின் பிரம்மாண்டத்துக்கு வலுசேர்க்கும் வகையில் அனுபவம் வாய்ந்த தொழில்நுட்பக் கலைஞர்கள் பணியாற்றியுள்ளனர். ஒளிப்பதிவை வெற்றிவேல் பழனிசாமி கவனிக்க, இசையமைப்பை B.அஜனீஷ் லோக்நாத் மேற்கொண்டுள்ளார். நவீன் விஜய் கிருஷ்ணா படத்தொகுப்பையும், காந்தி நதிக்குடிகர்  தயாரிப்பு வடிவமைப்பை கவனித்துள்ளனர். 

படப்பிடிப்பு நிறைவடைந்துள்ள நிலையில், அடுத்தகட்டப் பணிகளில் படக்குழுவினர் தீவிரமாக ஈடுபடத் தயாராகி வருகின்றனர்.

இப்படத்தை உலகளவில் 2027 ஜனவரி 12 அன்று வெளியிடப் படக்குழுவினர் திட்டமிட்டுள்ளனர். பிரம்மாண்டமான உருவாக்கம், சாய் துர்கா தேஜின் அதிரடியான தோற்றம் மற்றும் பண்டிகைக் கால வெளியீடு ஆகியவற்றால், 2027 சங்கராந்தி வெளியீடுகளில் முக்கியமான திரைப்படமாக ‘சம்பராலா ஏடி கட்டு’ அமையும் என எதிர்பார்க்கப்படுகிறது.

படக்குழு விவரம்

நடிகர்கள்: சாய் துர்கா தேஜ், ஐஸ்வர்யா லட்சுமி, தனஞ்செயா, ஜெகபதி பாபு, நரேஷ், சாய் குமார், ஸ்ரீகாந்த், அனன்யா நாகள்ள, ரவி கிருஷ்ணா.

எழுத்து மற்றும் இயக்கம்: ரோஹித் KP

தயாரிப்பாளர்கள்: கே. நிரஞ்சன் ரெட்டி, சைதன்யா ரெட்டி

தயாரிப்பு நிறுவனம்: பிரைம்ஷோ என்டர்டெயின்மென்ட்

ஒளிப்பதிவு: வெற்றி பழனிசாமி

இசை: B . அஜனீஷ் லோக்நாத்

படத்தொகுப்பு: நவீன் V. கிருஷ்ணா

தயாரிப்பு வடிவமைப்பை : காந்தி நதிக்குடிகர்

ஆடை வடிவமைப்பு: ஆயிஷா மரியம்

மக்கள் தொடர்பு: யுவராஜ்

மார்க்கெட்டிங்: ஹேஷ்டேக் மீடியா

வெளியீட்டுத் தேதி: ஜனவரி 12, 2027

 

பன்முகத் திறமை கொண்ட நட்சத்திர நடிகர் துல்கர் சல்மான், 'ஏஒ டி' (AOT) திரைப்படத்தின் மூலம் தனது அகில இந்திய அளவிலான ரசிகர் வட்டத்தை மேலும் விரிவுபடுத்துகிறார்.

தனித்துவமான கதை சொல்லும் முறையாலும், வழக்கத்திற்கு மாறான திரைப்பட உருவாக்க அணுகுமுறையாலும் அறியப்படும் பவன் சாதினேனி இப்படத்தை இயக்கியுள்ளார். கீதா ஆர்ட்ஸ் (Geetha Arts )  மற்றும் ஸ்வப்னா சினிமா (Swapna Cinema )  வழங்கும் இப்படத்தை, லைட்பாக்ஸ் மீடியா (Lightbox Media) சார்பில் சந்தீப் குன்னம் மற்றும் ரம்யா குன்னம் ஆகியோர் தயாரிக்கின்றனர்.

இப்படத்தில் ஸ்ருதி ஹாசன் முக்கியமான கதாபாத்திரத்தில் நடித்துள்ளார். அவரது பங்களிப்பு படத்திற்கு மேலும் நட்சத்திர அந்தஸ்தையும், ரசிகர்கள் மத்தியில் கூடுதல் எதிர்பார்ப்பையும் ஏற்படுத்துகிறது.

தனித்துவமான கதைகளைத் தேர்ந்தெடுப்பதற்காக அறியப்படும் துல்கர் சல்மான், மீண்டும் ஒரு அழகான திரைப்படத்துடன் ரசிகர்களைச் சந்திக்கிறார். இப்படத்தில் அவர் இணைந்திருப்பதே ரசிகர்கள் மத்தியில் நேர்மறையான எதிர்பார்ப்பை ஏற்படுத்தியுள்ளதுடன், படத்தின் மீதான ஆர்வத்தையும் அதிகரித்துள்ளது.

துல்கர் சல்மானின் தனிச்சிறப்பு என்னவென்றால், கதாநாயகியை மையமாகக் கொண்ட கதையாக இருந்தாலும், அவர் ஒரு நல்ல கதையை நம்பி அதில் நடிக்க முன்வருகிறார். அவரைப் பொறுத்தவரை, முக்கியமானது தனது கதாபாத்திரம் மட்டுமல்ல; ஒட்டுமொத்தத் திரைப்படமும்தான்.

சாத்விகா வீரவல்லிக்கு இது ஒரு கனவு போன்ற அறிமுக வாய்ப்பாக அமைந்துள்ளது. கிடைத்துள்ள இந்தப் பொன்னான வாய்ப்பை அவர் சிறப்பாகப் பயன்படுத்தியுள்ளார். எளிமையான, நம் பக்கத்து வீட்டுப் பெண்ணைப் போன்ற தோற்றத்துடன், பெரிய கனவுகளையும் லட்சியங்களையும் கொண்ட கதாபாத்திரத்திற்கு அவர் கச்சிதமாகப் பொருந்துகிறார்.

ஒளிப்பதிவாளர் சுஜித் சாரங் கிராமப்புற வாழ்க்கையின் இயல்பையும் அழகையும் உண்மைத்தன்மையுடன் காட்சிப்படுத்தியுள்ளார். அதேபோல், ஜி.வி. பிரகாஷ் குமார் தனது உணர்வுப்பூர்வமான பின்னணி இசையின் மூலம் படத்தின் உணர்வுகளின் தாக்கத்தை மேலும் அதிகரித்துள்ளார். தயாரிப்பு வடிவமைப்பாளர் ஸ்வேதா சாபு சிரிலின் சிறப்பான பணி, படத்தின் காட்சியமைப்புக்கு மேலும் அழகு சேர்த்துள்ளது.

இப்படத்தின் டீசர், படத்தின் மீதான எதிர்பார்ப்பை மேலும் அதிகரித்துள்ளது. தமிழ், தெலுங்கு, இந்தி மற்றும் மலையாளம் ஆகிய மொழிகளில் அகில இந்திய அளவில் இப்படம் திரையரங்குகளில் வெளியாகத் தயாராகி வருகிறது.

ஸ்வப்னா சினிமா மற்றும் கீதா ஆர்ட்ஸ் போன்ற புகழ்பெற்ற நிறுவனங்கள் வழங்கும் இப்படம், 'மகாநதி', 'சீதா ராமம்', 'கல்கி 2898 AD' ஆகிய படங்களின் மூலம் உருவான மறக்க முடியாத கூட்டணிக்குப் பிறகு, துல்கர் சல்மானை ஸ்வப்னா சினிமாவுடன் மீண்டும் இணைக்கிறது.

வரும் நவம்பர் 20ஆம் தேதி வெளியாகவுள்ள 'ஏ ஒ டி ' திரைப்படம், இந்த நிறுவனங்களின் வெற்றிப் பயணத்தில் மேலும் ஒரு மைல்கல்லாக அமையும் என எதிர்பார்க்கப்படுகிறது.

நடிகர்கள்: துல்கர் சல்மான், சாத்விகா வீரவல்லி, ஸ்ருதி ஹாசன் மற்றும் பலர்.

தொழில்நுட்பக் குழு:

இயக்குநர்: பவன் சாதினேனி 

எழுத்தாளர்: கங்கராஜு குன்னம்

தயாரிப்பாளர்கள்: சந்தீப் குன்னம், ரம்யா குன்னம்

வழங்குபவர்கள்: கீதா ஆர்ட்ஸ், ஸ்வப்னா சினிமா

இசை: ஜி.வி. பிரகாஷ் குமார்

ஒளிப்பதிவு: சுஜித் சாரங்

தயாரிப்பு வடிவமைப்பு: ஸ்வேதா சாபு சிரில்

 

இயக்குநர் பூரி ஜெகன்நாத் இயக்கத்தில், பன்முகத் திறமை கொண்ட நட்சத்திர நடிகர் ‘மக்கள் செல்வன்’ விஜய் சேதுபதி முதன்மைக் கதாபாத்திரத்தில் நடித்திருக்கும் ‘ஸ்லம் டாக்: 33 டெம்பிள் ரோடு’ (Slum Dog: 33 Temple Road) திரைப்படத்தின் படப்பிடிப்பு முழுமையாக நிறைவடைந்துள்ளது. இப்படத்தின் இறுதிக்கட்டப் படப்பிடிப்பு இன்று ஹைதராபாத்தில் நடைபெற்றது.

பூரி கனெக்ட்ஸ் (Puri Connects) நிறுவனத்தின் சார்பில் பூரி ஜெகன்நாத் மற்றும் சார்மி கவுர் தயாரித்துள்ள இப்படம், ஏற்கெனவே வெளியான விளம்பரங்கள் மற்றும் முன்னோட்டங்கள் மூலம் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.

தனித்துவமான கதை சொல்லும் பாணி மற்றும் விறுவிறுப்பான திரைமொழிக்குப் பெயர் பெற்ற இயக்குநர் பூரி ஜெகன்நாத், அனைத்துத் தரப்பு ரசிகர்களையும் கவரும் வகையில் இப்படத்தை உருவாக்கியுள்ளார். இதுவரை வெளியிடப்பட்ட கதாபாத்திர அறிமுகக் காணொளிகள், படத்தின் பல்வேறு பரிமாணங்களை வெளிப்படுத்தி ரசிகர்களின் ஆர்வத்தை அதிகரித்துள்ளன.

இப்படத்தை விரைவில் திரையரங்குகளில் வெளியிடப் படக்குழுவினர் திட்டமிட்டுள்ளனர். இதற்காக, படத்தின் விளம்பரப் பணிகளிலும் தீவிரமாக ஈடுபட்டு வருகின்றனர். படத்தின் வெளியீட்டுத் தேதி குறித்த அறிவிப்பு விரைவில் வெளியாகும் என எதிர்பார்க்கப்படுகிறது.

இப்படத்தில் விஜய் சேதுபதிக்கு ஜோடியாக சம்யுக்தா நடித்துள்ளார். இவர்களுடன் தபு, துனியா விஜய், ஜரினா வஹாப், பிரம்ஹாஜீ  , வி.டி.வி. கணேஷ் உள்ளிட்ட பலர் முக்கியக் கதாபாத்திரங்களில் நடித்துள்ளனர். ஏற்கெனவே வெளியான காணொளிகள், படத்தில் இடம்பெறும் ஒவ்வொரு கதாபாத்திரத்திற்கும் தனித்துவமான முக்கியத்துவம் இருப்பதை வெளிப்படுத்தியுள்ளன.

சாம் கே. நாயுடு ஒளிப்பதிவு செய்துள்ள இப்படத்திற்கு ஹர்ஷவர்தன் ராமேஸ்வர் இசையமைத்துள்ளார். படத்தொகுப்புப் பணிகளை சந்தோஷ் நூஜில்லா மேற்கொண்டுள்ளார்.

இத்திரைப்படம் தமிழ், தெலுங்கு, மலையாளம், கன்னடம் மற்றும் இந்தி ஆகிய ஐந்து மொழிகளில் பான் இந்தியத் திரைப்படமாக வெளியாகவுள்ளது.

நடிகர்கள்

விஜய் சேதுபதி, சம்யுக்தா, தபு, ஜரினா வஹாப், துனியா விஜய், பிரம்ஹாஜீ  , வி.டி.வி. கணேஷ்.

தொழில்நுட்பக் குழு

எழுத்து மற்றும் இயக்கம்: பூரி ஜெகன்நாத்

தயாரிப்பாளர்கள்: பூரி ஜெகன்நாத் & சார்மி கவுர்

வழங்குபவர்: சார்மி கவுர்

தயாரிப்பு நிறுவனம்: பூரி கனெக்ட்ஸ் (Puri Connects)

CEO:  விஷ்ணு ரெட்டி

இசை:  ஹர்ஷவர்தன் ராமேஸ்வர்

ஒளிப்பதிவு: சாம்  கே. நாயுடு

படத்தொகுப்பு: சந்தோஷ் நூஜில்லா

VFX:  அனில் பாடூரி

மக்கள் தொடர்பு : யுவராஜ்

 

தமிழ் சினிமாவின் நூற்றாண்டு கால வரலாற்றில் புதிய அத்தியாயத்தைப் படைக்கும் வகையில், விரைவில் வெளியாகவுள்ள ‘சென்சார்’ திரைப்படத்தின் முழுமையான திரைக்கதையை (Official Shooting Screenplay) திரைப்படம் உருவாவதற்கு முன்பே புத்தகமாகப் பதிப்பித்து வெளியிடப் படக்குழுவினர் திட்டமிட்டுள்ளனர்.

தமிழ் திரையுலகில் ஒரு திரைப்படத்தின் திரைக்கதையைப் புத்தகமாக வெளியிடுவது என்பது பொதுவாக, அத்திரைப்படம் திரையரங்குகளில் வெளியாகி வெற்றிபெற்ற பின்னரோ அல்லது விமர்சன ரீதியாகப் பெரும் பாராட்டுகளைப் பெற்ற பின்னரோ நடைபெறும் நிகழ்வாக இருந்து வருகிறது. இத்தகைய நடைமுறைக்கு மாறாக, ‘அம்பாசமுத்திரம் அம்பானி’, ‘திருநாள்’, ‘ஆதார்’ ஆகிய திரைப்படங்களை இயக்கியவரும் 'திண்டுக்கல் சாரதி' படத்திற்கு திரைக்கதை வசனம் எழுதியவருமான இயக்குநர் ராம்நாத் பழனிக்குமார் இயக்கத்தில் உருவாக உள்ள ‘சென்சார்’, திரைப்படம் உருவாவதற்கு முன்பே அதன் முழுமையான திரைக்கதையைப் புத்தக வடிவில் வாசகர்களிடம் கொண்டு சேர்க்கும் முயற்சியை முன்னெடுத்துள்ளது.

இதன் மூலம், தமிழ் சினிமா வரலாற்றில் ஒரு முழுநீளத் திரைப்படத்தின் திரைக்கதை, படம் திரைக்கு வருவதற்கு முன்பே பொதுமக்களின் வாசிப்புக்குக் கிடைக்கும் முன்னோடியான முயற்சியாக இது அமையவுள்ளது. ‘சென்சார்’ திரைப்படத்தின் தலைப்புடன் கருத்தியல் ரீதியாகவும் தொடர்புடையதாக இந்த முயற்சி அமைந்துள்ளது.

இந்த முன்னோடி முயற்சி குறித்துப் பேசிய இயக்குநர் ராம்நாத் பழனிக்குமார் கூறியதாவது: “தமிழ் சினிமாவில், திரையில் நட்சத்திரங்களைக் கொண்டாடிய பிறகே நாம் பெரும்பாலும் திரைக்கதையைக் கொண்டாடுகிறோம். ‘சென்சார்’ திரைப்படத்தின் திரைக்கதையைப் படம் வெளியாவதற்கு முன்பே புத்தகமாக வெளியிடுவதன் மூலம், கதையை அதன் அசல் வடிவத்தில் வாசகர்கள் அனுபவிக்க வேண்டும் என்று விரும்புகிறோம். திரையில் ஒரு திரைப்படத்தைப் பார்ப்பதற்கு முன்பே, அது உருவான எழுத்து உலகத்திற்குள் வாசகர்கள் பயணிக்க வேண்டும் என்பதே எங்கள் நோக்கம். இது வெளிப்படைத்தன்மையை நோக்கிய ஒரு முயற்சி மட்டுமல்ல; தமிழ் சினிமாவில் எழுத்துக்கும் திரைக்கதை ஆசிரியர்களின் படைப்பாற்றலுக்கும் உரிய முக்கியத்துவத்தை அளிக்கும் ஒரு முன்னெடுப்புமாகும்.”

புத்தகம் மற்றும் திரைப்படம் தொடர்பான மேலும் விவரங்கள் ஒவ்வொன்றாக விரைவில் அறிவிக்கப்படும்.

 

இந்தியத் திரையுலகில் இயக்குநர் கௌதம் வாசுதேவ் மேனனின் தனித்துவமான பங்களிப்பின் 25 சிறப்புமிக்க ஆண்டுகளைக் கொண்டாடும் வகையில், ‘ஒன்றா ரெண்டா – GVM-இன் 25 ஆண்டுகள்’ நிகழ்ச்சி, அக்டோபர் 10, 2026 அன்று மலேசியாவின் கோலாலம்பூரில் 5,000-க்கும் மேற்பட்ட ரசிகர்கள் உற்சாகமாகக் கலந்துகொண்ட பிரம்மாண்டமான நிகழ்வாக அமைந்தது. இந்த ஆண்டின் தொடக்கத்தில் சென்னையில் நடைபெற்ற நிகழ்ச்சியின் மாபெரும் வெற்றியைத் தொடர்ந்து, இந்த இசைத் திருவிழா இந்திய எல்லைகளைக் கடந்து பயணித்து, இயக்குநரின் திரைப்பயணச் சாதனைகளுக்கும் தலைமுறைகளாக ரசிகர்களின் மனதைத் தொட்ட பாடல்களுக்கும் மறக்க முடியாத அஞ்சலியாக அந்த மாலையை மாற்றியது.

கடந்த இரண்டரை தசாப்தங்களாக, நுட்பமான கதை சொல்லல், உறவுகளை உணர்வுபூர்வமாகச் சித்தரித்தல், மறக்க முடியாத கதாபாத்திரங்கள் மற்றும் தனித்துவமான காட்சியமைப்பு ஆகியவற்றின் மூலம் கௌதம் வாசுதேவ் மேனன் இந்தியத் திரையுலகில் தனக்கென ஒரு தனித்துவமான இடத்தை உருவாக்கியுள்ளார். அவரது படைப்பாற்றல் அடையாளத்தின் முக்கிய அங்கமாக அவரது திரைப்படங்களின் இசை அமைந்துள்ளது. மனதை வருடும் மெல்லிசைகள், காதல் பாடல்கள் மற்றும் உற்சாகமூட்டும் ஹிட் பாடல்கள் ஆகியவை எண்ணற்ற திரைப்பட ரசிகர்களின் உணர்வுகளுடனும் அனுபவங்களுடனும் பிரிக்க முடியாத வகையில் இணைந்துள்ளன.

முதல் காதலின் அப்பாவித்தனத்தையும் உற்சாகத்தையும் வெளிப்படுத்தும் பாடல்கள் முதல் ஏக்கம், இதயவலி, நம்பிக்கை மற்றும் நினைவலைகளில் மூழ்கடிக்கும் மெல்லிசைகள் வரை, GVM-இன் திரைப்படங்களுடன் தொடர்புடைய இசை திரையின் எல்லைகளைத் தொடர்ந்து கடந்து வந்துள்ளது. இந்தப் பாடல்கள் தலைமுறைகள் கடந்த ரசிகர்களின் தனிப்பட்ட நினைவுகள், உறவுகள் மற்றும் வாழ்க்கையின் முக்கியமான தருணங்களுக்கான பின்னணி இசையாக மாறியுள்ளன. இது அவரது திரைப்பட உருவாக்கத்திற்கும் இசைக்கும் இடையிலான நீடித்த பிணைப்பை மேலும் வலுப்படுத்துகிறது.

இந்த அசாதாரணமான பிணைப்பைக் கொண்டாடும் வகையில் உருவாக்கப்பட்ட ‘ஒன்றா ரெண்டா – GVM-இன் 25 ஆண்டுகள்’, கோலாலம்பூரில் மேடையில் இயக்குநரின் இசை உலகத்தை உயிர்ப்பித்தது. ரசிகர்கள் தங்களுக்குப் பிரியமான பாடல்களை மீண்டும் கேட்டு மகிழவும், அவரது மறக்க முடியாத திரைப்படக் காட்சிகளுடன் தொடர்புடைய உணர்வுகளை மீண்டும் அனுபவிக்கவும் இந்த இசை நிகழ்ச்சி ஒரு வாய்ப்பை வழங்கியது. 5,000-க்கும் மேற்பட்டோர் கலந்துகொண்டது, GVM-இன் திரைப்படங்கள் மீதான பரவலான அன்பையும், புவியியல் மற்றும் கலாச்சார எல்லைகளைக் கடந்து இன்றும் ரசிகர்களின் மனதில் ஒலித்துக்கொண்டிருக்கும் அவரது திரைப்பட இசையின் காலத்தால் அழியாத ஈர்ப்பையும் வெளிப்படுத்தியது.

இந்த மாலை நிகழ்ச்சியில் கார்த்திக், ஸ்ருதி ஹாசன், கிரிஷ், பிளேஸ், சைந்தவி, பால் டப்பா, சத்ய பிரகாஷ், ஆதித்யா ஆர்.கே. மற்றும் ஹரிப்ரியா. உள்ளிட்ட புகழ்பெற்ற பாடகர்கள் உற்சாகமான இசை நிகழ்ச்சிகளை வழங்கினர். ஒவ்வொரு கலைஞரும் தங்களது தனித்துவமான இசை உணர்வை மேடையில் வெளிப்படுத்தி, கௌதம் வாசுதேவ் மேனனின் திரைப்பயணத்தை வரையறுத்த பல்வேறு இசை வடிவங்களையும் உணர்வுகளையும் கொண்டாடினர். அவர்களின் நிகழ்ச்சிகள் ரசிகர்களுக்கு நன்கு பரிச்சயமான பாடல்களுக்குப் புத்துணர்ச்சியையும் புதிய ஆற்றலையும் அளித்தன. இதன் மூலம் மென்மையான காதல் பாடல்கள், நினைவலைகள் மற்றும் அதிரடியான உற்சாகப் பாடல்கள் எனப் பல்வேறு இசை அனுபவங்களை உள்ளடக்கிய ஒரு கவர்ச்சிகரமான பயணமாக இந்த நிகழ்ச்சி அமைந்தது.

திறமையான இசைக் கலைஞர்களான கேபா ஜெரமையா, லலித் தல்லூரி, மனோஜ் குமார், கீத் பீட்டர்ஸ், டிரம்ஸ் குமரன் மற்றும் புவனேஷ் நாராயணன். ஆகியோர் இணைந்து வழங்கிய இசை நிகழ்ச்சி, மேலும் ஆழத்தையும் உற்சாகத்தையும் சேர்த்தது. அவர்களின் நேரடி இசை அமைப்புகள், அனைவருக்கும் பிடித்த பாடல்களுக்கு புதிய இசை நுணுக்கங்களையும் புத்துணர்ச்சியையும் வழங்கியதுடன், அந்தப் பாடல்களை என்றும் விரும்பத்தக்கவையாக மாற்றிய உணர்வுப்பூர்வமான சாரத்தையும் பாதுகாத்தன. பாடகர்கள், இசைக் கலைஞர்கள் மற்றும் உற்சாகமான ரசிகர்கள் இடையிலான ஒருங்கிணைவு, கொண்டாட்டமான சூழலை உருவாக்கியது. ஒரே கூரையின் கீழ் ஆயிரக்கணக்கான ரசிகர்களை ஒன்றிணைத்த உலகளாவிய மொழியாக இசை திகழ்ந்தது.

அடிப்படையில்,‘ஒன்றா ரெண்டா – GVM-இன் 25 ஆண்டுகள்’’ என்பது ஒரு இசை நிகழ்ச்சியை விடவும் மேலானது. திரைப்படங்கள் உருவாக்கும் நினைவுகளையும், இசை தொடர்ந்து நிலைநிறுத்தும் உணர்வுப்பூர்வமான பிணைப்புகளையும் கொண்டாடும் நிகழ்வாக இது அமைந்தது. நிகழ்ச்சியில் கலந்துகொண்ட பலருக்கு, இந்தப் பாடல்கள் வெறும் பிரபலமான திரைப்படப் பாடல்கள் மட்டுமல்ல; அவை GVM-இன் திரைப்படங்களுடன் பின்னிப் பிணைந்த அன்பான தருணங்கள், உறவுகள் மற்றும் அனுபவங்களை நினைவூட்டுபவையாக இருந்தன. கலாச்சாரங்கள், தலைமுறைகள் மற்றும் எல்லைகளைக் கடந்து மக்களை ஒன்றிணைக்கும் சினிமா மற்றும் இசையின் ஆற்றலை இந்த மாலை நிகழ்ச்சி மீண்டும் உறுதிப்படுத்தியது.

இந்த நிகழ்ச்சியின் கருத்தாக்கம் “என்னோடு வா வீடு வரைக்கும்”என்ற பாடலில் இருந்து உருவானது. இந்தப் பாடல், நிகழ்ச்சியின் படைப்பாற்றல் மிக்க உத்வேகமாகவும் உணர்வுப்பூர்வமான அடித்தளமாகவும் அமைந்தது. உணர்வுகள் மற்றும் அனுபவங்கள் நிறைந்த ஓர் உலகிற்குள் வருமாறு அழைக்கும் இந்தப் பாடலின் கருத்து, இசை நிகழ்ச்சி முழுவதும் ஒரு முக்கியமான இழையாகத் தொடர்ந்தது. பொருத்தமான நிறைவாக, நிகழ்ச்சியும் அதே பாடலுடன் முடிவடைந்தது. இதன் மூலம் இசைப் பயணம் முழுமை பெற்றதுடன், கௌதம் வாசுதேவ் மேனனின் திரையுலகிற்குள் ரசிகர்களை அடையாளப்பூர்வமாக மீண்டும் அழைத்துச் சென்றது. அவரது திரைப்படங்கள் பல ஆண்டுகளாக ரசிகர்களிடம் உருவாக்கிய உணர்வுப்பூர்வமான பிணைப்பை இந்த இறுதிப் பாடல் உருக்கமாக நினைவூட்டியது.

மலேசியாவில் நடைபெற்ற இந்த நிகழ்ச்சி, ‘ஒன்றா ரெண்டா – GVM-இன் 25 ஆண்டுகள்’ பயணத்தில் ஒரு குறிப்பிடத்தக்க மைல்கல்லாக அமைந்தது. சென்னையில் நடைபெற்ற கொண்டாட்டத்தின் வெற்றியைத் தொடர்ந்து, இந்த நிகழ்ச்சி சர்வதேச ரசிகர்களிடமும் தனது அஞ்சலியை விரிவுபடுத்தியது. கோலாலம்பூரில் கிடைத்த அமோக வரவேற்பு, கௌதம் வாசுதேவ் மேனனின் திரைப்படக் கண்ணோட்டத்தின் பரவலான செல்வாக்கையும், அவரது திரைப்பயணம் முழுவதும் துணையாக இருந்த இசையின் நீடித்த தாக்கத்தையும் வெளிப்படுத்தியது. 5,000-க்கும் மேற்பட்ட ரசிகர்கள் ஒன்றுகூடியது, மனித உணர்வுகளை அடிப்படையாகக் கொண்ட கதைகள், மனதில் நிற்கும் இசையுடன் இணையும் போது, அவை தங்களது அசல் கலாச்சார மற்றும் புவியியல் எல்லைகளைக் கடந்து வெகுதூரம் பயணிக்க முடியும் என்பதற்குச் சான்றாக அமைந்தது.

ப்ரீத்தி ஸ்ரீவிஜயன்-இன் Oruoorileoru Film House நிறுவனத்தால் கருத்தாக்கம் செய்யப்பட்டு உருவாக்கப்பட்ட ‘ஒன்றா ரெண்டா – GVM-இன் 25 ஆண்டுகள்’, வரும் மாதங்களில் இந்தியாவின் மேலும் பல நகரங்களுக்கும் சர்வதேச இடங்களுக்கும் தனது பயணத்தை விரிவுபடுத்தத் தயாராகி வருகிறது. புதிய ரசிகர்களிடம் இந்தக் கொண்டாட்டத்தைக் கொண்டு செல்லும் திட்டங்களுடன், அவரது திரைப்பட அடையாளத்தின் ஒருங்கிணைந்த அங்கமாக மாறிய பாடல்கள், கதைகள் மற்றும் உணர்வுகள் மூலம் இயக்குநரின் சாதனைகளைத் தொடர்ந்து கௌரவிப்பதே இந்த முயற்சியின் நோக்கமாகும்.

வெற்றிகரமான கோலாலம்பூர் நிகழ்ச்சியின் மூலம்,‘ஒன்றா ரெண்டா – GVM-இன் 25 ஆண்டுகள்’ சினிமாவுக்கும் இசைக்கும் இடையிலான நீடித்த பிணைப்பைக் கொண்டாடும் நிகழ்வாகத் தனது இடத்தை மேலும் வலுப்படுத்தியுள்ளது. இந்தப் பயணம் மேலும் பல நகரங்களை நோக்கிச் செல்லத் தயாராகும் நிலையில், அது ஒரு எளிய அதேசமயம் காலத்தால் அழியாத உணர்வைத் தொடர்ந்து எடுத்துச் செல்கிறது: திரைப்படங்கள் இறுதிக் காட்சிகளுடன் முடிவடையலாம்; ஆனால் அவை விட்டுச் செல்லும் இசையும் நினைவுகளும் ரசிகர்களின் இதயங்களில் என்றும் வாழ்ந்துகொண்டே இருக்கும்.

 

Trishul Entertainments Production No. 3 AAdi Rudrra Shooting to Commence in January

Hyderabad: Trishul Entertainments proudly announces AADI RUDRRA, an ambitious Pan-India cinematic venture envisioned as a grand divine mystery thriller. Starring Aadi Saikumar in the lead role, the film is set to be made in five languages — Telugu, Kannada, Tamil, Hindi and Malayalam — with the aim of reaching audiences across India.

Produced by Prashanth G Rudrappa under the banner of Trishul Entertainments, AADI RUDRRA marks the production house’s third project. The producer has previously  films such as Dandupalya and Krishna Pranaya Sakhi. It’s Big Blockbuster hits movies, The film is written and directed by Navarrasan, who is bringing together a distinctive creative vision for this ambitious cinematic venture.

Set against a period spanning from 1960 to 1990, AADI RUDRRA will explore its divine mystery through a richly atmospheric historical backdrop. The period setting is expected to play an important role in shaping the film’s world, characters, visual identity and narrative.

Renowned music director B. Ajaneesh Loknath, known for his work in films such as Kantara, Virupaksha, Mangalavaaram and the Tamil film Maharaja, is composing the music for the film. His association adds to the anticipation surrounding the project, particularly its musical atmosphere and background score.

Positioned as a divine mystery thriller, AADI RUDRRA aims to create a distinctive cinematic experience inspired by themes of divinity, faith, spirituality and the unknown. The film is being envisioned on an ambitious scale, with an emphasis on immersive storytelling, powerful emotions, suspense and a compelling theatrical presentation.

For Aadi Saikumar, the project represents an exciting new chapter in his cinematic journey, taking him into the intriguing world of divine mystery. The film aims to present him in a distinctive cinematic space while offering audiences a fresh and engaging experience.

The makers have planned to commence shooting in January, marking the beginning of the film’s production journey. Further details regarding the shooting schedule, cast, technical crew and other production developments will be announced officially in due course.

With Trishul Entertainments backing the project, Prashanth G Rudrappa producing, Navarrasan handling the story, screenplay and direction, AJ Shetty serving as the Director of Photography, and B. Ajaneesh Loknath composing the music, AADI RUDRRA is shaping up to be an exciting addition to the Pan-India film landscape.

The makers are maintaining secrecy around the storyline and key narrative details to preserve the mystery surrounding the film. More updates about this ambitious venture will be revealed in the coming days.

AADI RUDRRA — Five Languages. One Grand Cinematic Vision. A Divine Mystery Awaits.

FILM DETAILS

* Film Title: AADI RUDRRA

* Production House: Trishul Entertainments

* Production Number: 3

* Lead Actor: Aadi Saikumar

* Producer: Prashanth G Rudrappa

* Producer’s Previous Films: Dandupalya and Krishna Pranaya Sakhi

* Story, Screenplay & Direction: Navarrasan

* Director of Photography: AJ Shetty

* Music Director: B. Ajaneesh Loknath

* Languages: Telugu, Kannada, Tamil, Hindi and Malayalam

* Shooting Commencement: January

 

முதல் சீசனுக்குக் கிடைத்த பாராட்டுகளையும் ரசிகர்களின் வரவேற்பையும் தொடர்ந்து, சரவணன் மீண்டும் வழக்கறிஞர் சுந்தரமூர்த்தியாக நடிக்க, வரலட்சுமி சரத்குமார் முக்கியக் கதாபாத்திரத்தில் இணைந்துள்ள நீதிமன்றப் பின்னணியிலான விறுவிறுப்பான தொடரான ‘சட்டமும் நீதியும் 2’ தொடரின் டிரெய்லரை தமிழ் ZEE5 வெளியிட்டுள்ளது. அதிகாரம், செல்வாக்கு மற்றும் உண்மையைத் தேடும் பயணத்தை மையமாகக் கொண்டு புதிய வழக்குடன் திரும்பும் இத்தொடர், அக்டோபர் 23, 2026 முதல் வெளியாகிறது.

பாலாஜி செல்வராஜ் இயக்கத்தில், 18 கிரியேட்டர்ஸ் நிறுவனத்தின் சார்பில் சசிகலா பிரபாகரன் தயாரித்துள்ள இத்தொடரில், வழக்கறிஞர் சுந்தரமூர்த்தியாக சரவணன் மீண்டும் நடித்துள்ளார். மேலும், வரலட்சுமி சரத்குமார் முக்கியக் கதாபாத்திரத்தில் இணைந்துள்ளார். புதிய வழக்கு, அதிகரிக்கும் சவால்கள் மற்றும் ஆழமான தார்மீகச் சிக்கல்களுடன், சட்டம், நீதி மற்றும் உண்மை ஆகியவற்றுக்கு இடையிலான சிக்கலான உறவை இந்தப் புதிய சீசன் தொடர்ந்து ஆராய்கிறது.

‘சட்டமும் நீதியும்’ தொடரின் முதல் சீசன், யதார்த்தமான கதை சொல்லல் மற்றும் அதிகாரம் மிக்கவர்களின் நலன்களுக்குச் சவால் விடுக்கும் ஒரு வழக்கை எதிர்கொள்ளும் சாதாரண வழக்கறிஞரின் கதையை மையமாகக் கொண்டு பார்வையாளர்களிடையே நல்ல வரவேற்பைப் பெற்றது. ஆரம்பத்தில் எளிமையானதாகத் தோன்றும் ஒரு வழக்கு, படிப்படியாகச் செல்வாக்கு, அதிகாரம் மற்றும் மறைக்கப்பட்ட உண்மைகள் நிறைந்த சிக்கலான பின்னணியாக மாறுகிறது. இது சுந்தரமூர்த்தியின் துணிச்சலையும் கொள்கைகளையும் சோதிக்கிறது. விறுவிறுப்பான சட்டப் பின்னணியிலான கதை, ஆழமான கதாபாத்திரப் படைப்பு மற்றும் நீதிக்காகப் போராடுவதில் உள்ள சவால்களை வெளிப்படுத்திய விதம் ஆகியவற்றுக்காக முதல் சீசன் பாராட்டுகளைப் பெற்றது.

இரண்டாவது சீசனில், ‘சட்டமும் நீதியும் 2’ புதிய வழக்குடன் திரும்புகிறது. இந்த வழக்கு, கதாபாத்திரங்களை மேலும் சிக்கலான சூழ்நிலைகளுக்குள் அழைத்துச் செல்கிறது. அதிகாரமும் செல்வாக்கும் தனிப்பட்ட முடிவுகளுடன் மோதும்போது, உண்மையைத் தேடும் பயணம் மேலும் சவாலானதாகிறது. நீதிமன்றத் தீர்ப்புகளைக் கடந்து, சட்டம், தனிநபர்களின் நம்பிக்கைகள் மற்றும் உண்மையின் வெவ்வேறு கோணங்கள் ஒன்றுடன் ஒன்று மோதும்போது எழும் தார்மீகக் கேள்விகளையும் இந்தத் தொடர் ஆராய்கிறது. வரலட்சுமி சரத்குமாரின் வருகை கதைக்குப் புதிய பரிமாணத்தைச் சேர்க்கிறது. அதேவேளையில், முதல் சீசனில் இடம்பெற்ற யதார்த்தமான மற்றும் கதாபாத்திரங்களை மையமாகக் கொண்ட கதை சொல்லும் பாணியும் தொடர்கிறது.

தமிழ், தெலுங்கு மற்றும் மலையாளப் பிரிவுகளின் வணிகத் தலைவர் லாயிட் சி. சேவியர் கூறியதாவது:

“தமிழ் ZEE5-ல், எங்களுடைய ஒரிஜினல் படைப்புகளுக்காகத் துணிச்சலான முடிவுகளை எடுக்க நாங்கள் ஒருபோதும் தயங்குவதில்லை. ஏனெனில், வழக்கமான வெற்றிச் சூத்திரங்களை நாங்கள் நம்புவதில்லை. அர்த்தமுள்ள கதை சொல்லலின் வலிமையையும், அத்தகைய படைப்புகளை உறுதியுடன் ஆதரிப்பதையும் நம்புகிறோம். ஒரிஜினல் படைப்புகளுக்கான போட்டியில் பங்கேற்பது மட்டுமே எங்களுடைய நோக்கமல்ல; தரமான பிராந்திய ஒரிஜினல் படைப்புகள் எப்படி இருக்க வேண்டும் என்பதை வரையறுப்பதே எங்களுடைய இலக்கு.

‘சட்டமும் நீதியும்’ முதல் சீசனுக்குக் கிடைத்த பாராட்டுகள், சட்ட நடவடிக்கைகளைத் தாண்டி நீதி மற்றும் பொறுப்புக்கூறல் குறித்த ஆழமான கேள்விகளை ஆராயும் நீதிமன்றப் பின்னணியிலான கதைகளில் பார்வையாளர்களுக்கு இருக்கும் ஆர்வத்தை உறுதிப்படுத்தின. இந்தப் பண்டிகைக் காலத்தில், பல்வேறு வகைகளில் ஏராளமான புதிய படைப்புகளை வெளியிடத் திட்டமிட்டுள்ளோம். இதன் மூலம், பார்வையாளர்கள் ரசிப்பதற்குப் பல சுவாரஸ்யமான கதைகளையும் பொழுதுபோக்கு அனுபவங்களையும் வழங்கவிருக்கிறோம்.

‘சட்டமும் நீதியும் 2’ தனது முதல் சீசனின் வெற்றியைத் தொடர்ந்து, புதிய வழக்கு, அதிகரிக்கும் சவால்கள் மற்றும் சிக்கலான தார்மீகக் குழப்பங்களுடன் உருவாகியுள்ளது. சுந்தரமூர்த்தியாக சரவணன் மீண்டும் நடிப்பதுடன், வரலட்சுமி சரத்குமார் போன்ற திறமையான நடிகை இந்தத் தொடரில் இணைந்திருப்பது மகிழ்ச்சியளிக்கிறது. அக்டோபர் 23 முதல் தமிழ் ZEE5-ல் மற்றுமொரு விறுவிறுப்பான, சிந்திக்கத் தூண்டும் கதையைப் பார்வையாளர்களிடம் கொண்டு சேர்ப்பதில் மகிழ்ச்சியடைகிறோம்.”

நடிகர் சரவணன் கூறியதாவது:

“‘சட்டமும் நீதியும்’ முதல் சீசனுக்குக் கிடைத்த அன்பும் பாராட்டுகளும் சுந்தரமூர்த்தி கதாபாத்திரத்தை எனக்கு மிகவும் சிறப்பான ஒன்றாக மாற்றின. அவர் வழக்கமான கதாநாயகன் அல்ல; தான் சரியென நம்பும் விஷயத்திற்காகத் துணிச்சலுடன் நிற்கும் ஒரு சாதாரண மனிதர்.

இந்தப் புதிய சீசனில், புதிய வழக்கு அவருக்குப் பல்வேறு சவால்களை உருவாக்குவதோடு, இதுவரை சந்தித்திராத சூழ்நிலைகளையும் எதிர்கொள்ளச் செய்கிறது. எனவே, இந்தக் கதைக்குள் மீண்டும் பயணிப்பது மிகவும் உற்சாகமாக இருந்தது. இந்த சீசன் நீதி மற்றும் உண்மை தொடர்பான கேள்விகளை இன்னும் ஆழமாக ஆராய்கிறது. சுந்தரமூர்த்தியின் பயணத்தைப் பார்வையாளர்கள் மீண்டும் விரும்பி ஏற்றுக்கொள்வார்கள் என்று நம்புகிறேன்.”

நடிகை வரலட்சுமி சரத்குமார் கூறியதாவது:

“‘சட்டமும் நீதியும்’ தொடரில் என்னை உடனடியாகக் கவர்ந்தது, நீதி குறித்த அதன் தனித்துவமான பார்வைதான். ஒரு வழக்கை வழக்கமாகத் தீர்மானிக்கும் உண்மைகள், ஆதாரங்கள் மற்றும் நேரில் பார்த்த சாட்சிகளின் வாக்குமூலங்களை மட்டுமே நம்பியிருக்காமல், அறநெறி மற்றும் பொறுப்புக்கூறல் தொடர்பான ஆழமான கேள்விகளையும் இந்தத் தொடர் ஆராய்கிறது. இது பார்வையாளர்களின் எண்ணங்களுக்கு தொடர்ந்து சவால் விடுத்து, நீதியைத் தேடும் பயணத்தில் அவர்களை ஈடுபாட்டுடன் வைத்திருக்கும் விறுவிறுப்பான சஸ்பென்ஸ் நாடகமாக உருவெடுக்கிறது.

ஒரு வழக்கின் இறுதித் தீர்ப்பில் மட்டும் கவனம் செலுத்தாமல், அதன் பின்னணியில் இருக்கும் மனிதர்கள், உணர்வுகள் மற்றும் சூழ்நிலைகளை ஆழமாக ஆராயும்போதுதான் நீதிமன்றப் பின்னணியிலான கதைகள் சுவாரஸ்யமானவையாக அமைகின்றன. எனது கதாபாத்திரம் இந்தக் கதைக்கு ஒரு புதிய பரிமாணத்தைச் சேர்க்கிறது. இந்தக் கதையின் மூலம் சட்ட உலகின் சிக்கலான அம்சங்களை ஆராய்ந்தது மிகவும் உற்சாகமாக இருந்தது. புதிய சீசனில் இடம்பெறும் திருப்பங்கள், மோதல்கள் மற்றும் வெளிப்படும் உண்மைகளைப் பார்வையாளர்கள் அனுபவிப்பார்கள் என்று ஆவலுடன் எதிர்பார்க்கிறேன்.”

இயக்குநர் பாலாஜி செல்வராஜ் கூறியதாவது:

“‘சட்டமும் நீதியும்’ தொடரை உருவாக்கத் திட்டமிட்டபோது, சட்ட நடவடிக்கைகளைத் தாண்டி நீதியின் தார்மீகச் சிக்கல்களை ஆராயும் நீதிமன்றப் பின்னணியிலான கதையைச் சொல்லும் வாய்ப்பு இருப்பதாக நம்பினோம். முதல் சீசனுக்குக் கிடைத்த மிகப்பெரிய வரவேற்பு அந்த நம்பிக்கையை உறுதிப்படுத்தியதுடன், இரண்டாவது சீசன் மூலம் கதையை மேலும் முன்னெடுத்துச் செல்லும் நம்பிக்கையையும் அளித்தது.

சுந்தரமூர்த்தியாகத் தனது சிறப்பான நடிப்பின் மூலம் மீண்டும் கவனம் ஈர்க்கும் சரவணன் மற்றும் தனது வலிமையான திரை இருப்பின் மூலம் கதைக்குப் புதிய பரிமாணத்தைச் சேர்க்கும் வரலட்சுமி சரத்குமார் ஆகிய திறமையான கலைஞர்களுடன் பணியாற்றியது, கதை சொல்லும் அனுபவத்தைப் பெரிதும் மேம்படுத்தியது. இயக்குநராக, இத்தகைய திறமையான நடிகர்களுடன் இணைந்து பணியாற்றியதும், நீதிமன்ற நாடக வகைக்குள் புதிய பரிமாணங்களை ஆராய்ந்ததும் மிகுந்த உற்சாகத்தையும் படைப்பாற்றல் சார்ந்த நிறைவையும் அளித்தது.

இரண்டாவது சீசன், தொடரின் அடிப்படை உணர்வுக்கு உண்மையாக இருந்துகொண்டே கதையை மேலும் விரிவுபடுத்த எங்களுக்கு வாய்ப்பளித்தது. இந்த விறுவிறுப்பான, சிந்திக்கத் தூண்டும் பயணத்தைப் பார்வையாளர்கள் அனுபவிப்பார்கள் என்று ஆவலுடன் எதிர்பார்க்கிறேன்.”

தயாரிப்பாளர் சசிகலா பிரபாகரன் கூறியதாவது:

“‘சட்டமும் நீதியும்’ முதல் சீசனுக்குக் கிடைத்த வரவேற்பு, பொழுதுபோக்குடன் சிந்திக்கவும் தூண்டும் கதைகளைக் காண பார்வையாளர்கள் ஆர்வமாக இருப்பதை உறுதிப்படுத்தியது. தயாரிப்பாளர்களாக, வலுவான கதை அடித்தளத்தைக் கொண்ட படைப்புகளை ஆதரிப்பதிலேயே எங்களுடைய கவனம் எப்போதும் இருந்து வருகிறது. இந்தத் தொடருக்குக் கிடைத்த மிகப்பெரிய வரவேற்பு, இன்னும் சிறப்பான மற்றும் சுவாரஸ்யமான இரண்டாவது சீசனுடன் திரும்புவதற்கான உத்வேகத்தை அளித்தது.

சுவாரஸ்யமான புதிய வழக்கு மற்றும் சரவணனுடன் வரலட்சுமி சரத்குமார் போன்ற திறமையான கலைஞர்கள் இணைந்திருப்பதன் மூலம், இரண்டாவது சீசன் மேலும் செறிவான, ஆழமான அனுபவத்தை வழங்குகிறது. இந்த அடுத்த அத்தியாயத்தைப் பார்வையாளர்களிடம் கொண்டு சேர்ப்பதில் மகிழ்ச்சியடைகிறோம். இந்தப் பயணத்தையும் அவர்கள் மீண்டும் அன்புடன் ஏற்றுக்கொள்வார்கள் என்று எதிர்பார்க்கிறோம்.”

‘சட்டமும் நீதியும் 2’ தொடரை அக்டோபர் 23 முதல் தமிழ் ZEE5-ல் பிரத்தியேகமாகக் காணுங்கள்!

ZEE5 பற்றி:

ZEE5 என்பது இந்தியாவின் மிகப்பெரிய உள்நாட்டில் உருவாக்கப்பட்ட வீடியோ ஸ்ட்ரீமிங் தளமாகவும், தெற்காசிய உள்ளடக்கங்களுக்கான உலகளாவிய தளமாகவும் விளங்குகிறது. 190-க்கும் மேற்பட்ட நாடுகளில் உள்ள பார்வையாளர்களைச் சென்றடையும் இந்தத் தளம், Zee Entertainment Enterprises Ltd. நிறுவனத்தின் டிஜிட்டல் பொழுதுபோக்குப் பிரிவாகச் செயல்படுகிறது.

மொழிக்கு முன்னுரிமை அளிக்கும் தள அனுபவம், பிராந்தியத்திற்கேற்ற உள்ளடக்கங்கள், மொழி சார்ந்த சந்தாத் திட்டங்கள் மற்றும் தனிப்பயனாக்கப்பட்ட அனுபவங்கள் ஆகியவற்றை அடிப்படையாகக் கொண்டு ZEE5 செயல்படுகிறது. இந்தி, தமிழ், தெலுங்கு, பெங்காலி, மலையாளம், கன்னடம் மற்றும் மராத்தி என ஏழு மொழிகளில் சேவைகளை வழங்குகிறது.

ஒரிஜினல் படைப்புகள், இந்திய மற்றும் சர்வதேசத் திரைப்படங்கள், தொலைக்காட்சி நிகழ்ச்சிகள், நேரடி விளையாட்டு ஒளிபரப்புகள், குழந்தைகளுக்கான உள்ளடக்கங்கள், செய்திகள், நேரலைத் தொலைக்காட்சி மற்றும் மைக்ரோ டிராமாக்கள் எனப் பரந்த அளவிலான உள்ளடக்கங்களைக் கொண்ட ZEE5, உலகம் முழுவதும் உள்ள இந்தியர்களுக்குப் பல்வேறு மொழிகளில் பொழுதுபோக்கு மற்றும் நேரடி விளையாட்டு அனுபவங்களை வழங்கும் தளமாகத் திகழ்கிறது.

2034-ஆம் ஆண்டு வரை FIFA உடன் Zee Entertainment மேற்கொண்டுள்ள நீண்டகாலக் கூட்டாண்மையின் மூலம், FIFA உலகக் கோப்பை 2026™ மற்றும் 2030 உட்பட FIFA-வின் முக்கிய கால்பந்துப் போட்டிகளையும் இந்தியாவில் இந்தத் தளம் வழங்குகிறது.

Trailer Link🔗 https://youtu.be/P3J4Dq3rcpw

 

நம்பிக்கைக்குரிய இளம் கதாநாயகர்களில் ஒருவரான சந்தீப் கிஷன் நடிப்பில் உருவாகும் பிரம்மாண்டமான பான்-இந்தியா சமூகக் கற்பனைத் திரைப்படமான ‘கரிகாலா’, திரையுலகைச் சேர்ந்த பல முக்கியப் பிரமுகர்கள் கலந்துகொண்ட பாரம்பரிய பூஜையுடன் கோலாகலமாகத் தொடங்கப்பட்டது. உகந்தர் முனி இயக்கத்தில், ஷைனிங் பிக்சர்ஸ் சார்பில் மஹிதர் ரெட்டி மற்றும் ராஜசேகர் அன்னபிமோஜு தயாரிக்கும் இப்படம், புராணம், கற்பனை, சாகசம் மற்றும் சமூகக் கூறுகள் எனப் பல்வேறு அம்சங்களின் கலவையாகப் பிரம்மாண்டமான அளவில் உருவாகிறது. கேத்ரின் தெரசா, சாக்ஷி மடோல்கர் மற்றும் காயத்ரி பரத்வாஜ் ஆகியோர் கதாநாயகிகளாக நடிக்கின்றனர்.

தயாரிப்பாளர் ராஜசேகரின் தாயார் சத்யவதி அவர்கள் கேமராவை இயக்கி படப்பிடிப்பைத் தொடங்கி வைத்தார். தயாரிப்பாளர் மஹிதர் ரெட்டியின் தாயார் பத்மா ரெட்டி அவர்கள் கிளாப் அடித்தார். நடிகர் ஆதி சாய்குமார் முதல் காட்சியை இயக்கினார். தயாரிப்பாளர் ராஜசேகர் அன்னபிமோஜுவின் தந்தை வீர பிரம்ம சாரி அவர்கள் படத்தின் திரைக்கதையைப் படக்குழுவினரிடம் வழங்கினார்.

*படத்தின் தொடக்க விழாவில் பேசிய கதாநாயகன் சந்தீப் கிஷன் கூறியதாவது:*

“ ‘கரிகாலா’ படத்தின் பூஜை விழாவில் கலந்துகொள்வதில் மிகுந்த மகிழ்ச்சி அடைகிறேன். என்னுடைய நீண்டகால நண்பர் ஸ்ரீசரண் பகாலாவுடன் இந்தப் படத்தில் இணைந்து பணியாற்றுவது இந்தத் தருணத்தை மேலும் சிறப்பானதாக மாற்றுகிறது. ஏற்கெனவே இப்படத்தின் தீம் பாடலை நீங்கள் கேட்டிருப்பீர்கள். ஸ்ரீசரண் இந்தப் படத்திற்காக மிகச் சிறப்பான இசை ஆல்பத்தை உருவாக்கியிருக்கிறார். அது உங்கள் அனைவரிடமும் மிகப்பெரிய வரவேற்பைப் பெறும் என்ற முழு நம்பிக்கை எனக்கு இருக்கிறது.

‘ஷம்பாலா’ படத்திற்கு நான் ஆதரவு அளித்தபோது இந்தப் பயணம் தொடங்கியது. அந்தப் படத்தின் மூலம் நம்முடைய தயாரிப்பாளர்களான ராஜசேகர் காரு, மகேந்தர் காரு மற்றும் இயக்குநர் உகந்தர் ஆகியோருடன் எனக்கு அறிமுகம் ஏற்பட்டது. இரண்டு பாகங்களாக உருவாகும் இந்தப் பிரம்மாண்டமான கதையை அவர்கள் விவரித்தபோதே எனக்கு மிகவும் பிடித்துவிட்டது. எங்கள் படக்குழுவினரின் அர்ப்பணிப்பும், குறிப்பாகப் பட்ஜெட்டில் எந்தவித சமரசமும் செய்யாமல், ஒரு பிரம்மாண்டமான காலகட்டப் பின்னணியிலான திரைப்பட அனுபவத்தை வழங்க வேண்டும் என்ற தயாரிப்பாளர்களின் ஆர்வமும் என்னை மிகவும் ஊக்கப்படுத்துகின்றன.

கடந்த சில ஆண்டுகளில் பல்வேறு கதாபாத்திரங்களில் நடித்துள்ளேன். கலை மீதான ஆர்வத்தின் காரணமாகவே ‘கரிகாலா’ மற்றும் ‘பவர் பெட்’ ஆகிய படங்களைத் தேர்ந்தெடுத்தேன். இந்த இரண்டு படங்களும் எனது திரைப்பயணத்தின் சிறந்த படங்களாக இருக்கும் என்று உண்மையாக நம்புகிறேன். எப்போதும் எங்களுக்கு ஆதரவளிக்கும் ஊடக நண்பர்கள் அனைவருக்கும் நன்றி. என்னுடைய சக நடிகைகளான சாக்ஷி, காயத்ரி மற்றும் எனது அன்பு நண்பர் கேத்ரின் தெரசா ஆகியோரை அன்புடன் வரவேற்கிறேன். உங்கள் அனைவரின் அன்புக்கும் ஆதரவுக்கும் நன்றி!”

*இயக்குநர் உகந்தர் முனி கூறியதாவது:*

“முதலில், என் மீது நம்பிக்கை வைத்த தயாரிப்பாளர்களுக்கு நன்றி தெரிவித்துக்கொள்கிறேன். ‘ஷம்பாலா’ திரைப்படமே எங்களுக்கு மிகவும் லட்சியமான ஒரு முயற்சியாக இருந்தது. ஆனால், ‘கரிகாலா’ அதைவிடப் பல மடங்கு பிரம்மாண்டமான முயற்சி. என் மீது நம்பிக்கை வைத்த சந்தீப் காருவுக்கும், என்னை நம்பி இந்தப் படத்தில் இணைந்திருக்கும் கதாநாயகிகளான சாக்ஷி, காயத்ரி மற்றும் கேத்ரின் ஆகியோருக்கும் மனமார்ந்த நன்றிகள். அவர்கள் என்மீது வைத்திருக்கும் நம்பிக்கையைப் பார்க்கும்போது எனக்குச் சற்றுப் பதற்றமாகவும் இருக்கிறது. அந்தப் பொறுப்புணர்வுடன், இந்தப் படத்தைச் சரியான முறையில் உயிர்ப்பிக்க என்னால் முடிந்த அனைத்தையும் செய்வேன்.

‘கரிகாலா’ ஒரு சந்தமாமா கதையைப் போன்ற அழகான தேவதைக் கதை. நாங்கள் உருவாக்கும் உலகம் முற்றிலும் புதுமையானதாக இருக்கும். அதில் அரசர்கள், சிங்கங்கள், மாயாஜாலங்கள், ஓநாய்கள், நாகலோகம் எனப் பல சுவாரஸ்யமான அம்சங்கள் இடம்பெறுகின்றன. இது மிகப் பெரிய கதை என்பதால் இரண்டு பாகங்களாகச் சொல்லப்படவுள்ளது. இரண்டு பாகங்களுக்குமான படப்பிடிப்பையும் ஒரே நேரத்தில் நடத்துகிறோம். இரு பாகங்களும் அடுத்த ஆண்டு வெளியாகத் திட்டமிடப்பட்டுள்ளன.”

*தயாரிப்பாளர் ராஜசேகர் அன்னபிமோஜு கூறியதாவது:*

“எங்களுடைய முதல் படமான ‘ஷம்பாலா’வுக்கு அனைவரும் மிகப்பெரிய ஆதரவை வழங்கினார்கள். அதே அன்பும் ஊக்கமும் ‘கரிகாலா’ படத்திற்கும் கிடைக்கும் என்று நம்புகிறேன். புதிய காலகட்டத்திற்கேற்ற வித்தியாசமான கதையை எங்களிடம் கொண்டு வந்த இயக்குநர் உகந்தருக்கு நன்றி. அடுத்த வாரம் படப்பிடிப்பைத் தொடங்கவுள்ளோம். இந்தப் படம் ரசிகர்களுக்குப் பிடிக்கும் என்று நம்புகிறேன்.

சந்தீப்பிடம் கதையை விவரித்தபோதே அவருக்கு மிகவும் பிடித்திருந்தது. உடனடியாக இப்படத்தில் நடிக்கச் சம்மதித்தார். எங்களுடன் இணைந்திருக்கும் கதாநாயகிகள் அனைவருக்கும் நன்றியைத் தெரிவித்துக்கொள்கிறேன்.”

*இசையமைப்பாளர் ஸ்ரீசரண் பகாலா கூறியதாவது:*

“இவ்வளவு தனித்துவமான கதைக்களத்தைக் கொண்ட படத்தில் பணியாற்றுவதில் மிகுந்த மகிழ்ச்சி அடைகிறேன். என்னுடைய முதல் படமான ‘கிஸ்’ திரைப்படத்தின் இசை வெளியீட்டு விழாவில் சந்தீப் கலந்துகொண்டார். இப்போது என்னுடைய 59-வது படத்தில் அவருடன் இணைந்து பணியாற்றுகிறேன்.

இந்தப் படம் பாடல்களுக்கும், இசையின் மூலம் ரசிகர்களை முற்றிலும் புதிய உலகத்திற்கு அழைத்துச் செல்வதற்கும் மிகப்பெரிய வாய்ப்பை வழங்குகிறது. சினிமா மீது மிகுந்த ஆர்வம் கொண்ட அற்புதமான தயாரிப்பாளர்கள் எங்களுக்குக் கிடைத்திருக்கிறார்கள். எங்கள் இயக்குநர் அமெரிக்காவில் தொழில் செய்து வந்தவர். ஆனால், திரைப்பட இயக்குநராக வேண்டும் என்ற தனது கனவை நனவாக்குவதற்காக அனைத்தையும் விட்டுவிட்டு இந்தியாவிற்கு வந்தார். அவருடனான எனது பயணம் ‘ஷம்பாலா’ படத்தில் தொடங்கியது. தற்போது ‘கரிகாலா’ படத்தின் மூலம் அந்தப் பயணத்தைத் தொடர்வதில் மகிழ்ச்சி அடைகிறேன்.”

*நடிகை சாக்ஷி மடோல்கர் கூறியதாவது:*

“‘கரிகாலா’ படத்தின் உலகமும் அதன் இசையும் எனக்கு மிகவும் பிடித்திருக்கிறது. இந்தப் படத்தில் ஒரு பகுதியாக இருப்பதைப் பெரும் பாக்கியமாகக் கருதுகிறேன். சந்தீப் கிஷன் முற்றிலும் வித்தியாசமான தோற்றத்தில் இப்படத்தில் தோன்றவுள்ளார். போஸ்டர்களிலும் அவர் அற்புதமாகத் தெரிகிறார். என் மீது நம்பிக்கை வைத்த இயக்குநர் மற்றும் தயாரிப்பாளர்களுக்கு நன்றி.

‘கரிகாலா’ மாயாஜாலம், வீரம் மற்றும் துணிச்சல் நிறைந்த ஓர் உலகம். இந்த அற்புதமான பயணத்தைத் தொடங்குவதற்காக நாங்கள் அனைவரும் இங்கே கூடியிருக்கிறோம். அனைவரும் எங்களுக்கு ஆதரவளிக்க வேண்டும் என்று கேட்டுக்கொள்கிறேன்.”

*நடிகை காயத்ரி பரத்வாஜ் கூறியதாவது:*

“உகந்தர் மற்றும் ஷைனிங் பிக்சர்ஸ் இணையும் இந்த அழகான, பிரம்மாண்டமான திரைப்படத்தில் ஒரு பகுதியாக இருப்பதில் மிகுந்த உற்சாகமாக இருக்கிறேன். இந்தப் படத்தை உருவாக்குவதற்காகப் படக்குழுவினர் தங்களுடைய கடின உழைப்பையும் அர்ப்பணிப்பையும் முழுமையாகச் செலுத்தியிருக்கிறார்கள். பல மாதங்களாக முன் தயாரிப்புப் பணிகள் நடைபெற்று வருகின்றன. இயக்குநருக்கு இந்தப் படத்தைப் பற்றிய மிகப்பெரிய தொலைநோக்குப் பார்வை இருக்கிறது. இந்தப் படம் ரசிகர்கள் பார்க்க வேண்டிய ஒரு சிறந்த படைப்பாக இருக்கும் என்று உண்மையாக நம்புகிறேன்.

‘கரிகாலா’ ஒரு மாயாஜாலமும் மர்மங்களும் நிறைந்த உலகத்தில் நடைபெறும் கதை. சிறுவயதில் நாம் கனவு கண்ட இடங்களுக்கு நம்மை அழைத்துச் செல்லும் வகையில் இப்படம் இருக்கும். இந்த மாயாஜால உலகத்தைச் சேர்ந்த இளவரசியாக நான் நடிக்கிறேன். அந்தக் கதாபாத்திரத்திற்கு உயிரூட்டுவதில் மிகுந்த மகிழ்ச்சி அடைகிறேன்.”

*நடிகை கேத்ரின் தெரசா கூறியதாவது:*

“இங்கே வந்திருக்கும் விருந்தினர்கள் மற்றும் படக்குழுவினர் அனைவருக்கும் நன்றி தெரிவித்துக்கொள்கிறேன். ஒரு கதாபாத்திரத்திற்காக இவ்வளவு உற்சாகமாக உணர்ந்து நீண்ட காலமாகிவிட்டது. இதற்கான முழுப் பெருமையும் இயக்குநர் உகந்தரையே சேரும். இந்தப் புதிய உலகத்தை உருவாக்குவதற்காக அவர் மேற்கொண்டுவரும் முயற்சிகளை நான் மிகவும் பாராட்டுகிறேன். ரசிகர்கள் இப்படத்தை நிச்சயம் விரும்புவார்கள் என்றும், அவர்களின் காத்திருப்பு வீண்போகாது என்றும் நம்புகிறேன்.

சந்தீப்புடன் இணைந்து பணியாற்றுவதிலும் மகிழ்ச்சி அடைகிறேன். அமெரிக்காவிலிருந்து வந்திருக்கும் எங்கள் தயாரிப்பாளர்கள் புதிய காலகட்டத்திற்கு ஏற்ற பார்வையுடன், திரைப்பட உருவாக்கத்தின் மீது மிகுந்த ஆர்வம் கொண்டவர்களாக இருக்கிறார்கள்.”

ஏற்கெனவே இப்படத்தின் தலைப்பு அறிவிப்பும், பிரம்மாண்டமான ஃபர்ஸ்ட் லுக் போஸ்டரும் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளன. இந்தப் போஸ்டரில் சந்தீப் கிஷன் இதுவரை பார்த்திராத வித்தியாசமான தோற்றத்தில், வலிமைமிக்க வீரராகக் காட்சியளித்திருந்தார்.

தெலுங்கு, தமிழ் மற்றும் இந்தி ஆகிய மொழிகளில் உருவாகும் பான்-இந்தியா திரைப்படமான ‘கரிகாலா’, காலத்தால் அழியாத சந்தமாமா தேவதைக் கதைகளின் கற்பனை உலகத்திலிருந்து உத்வேகம் பெற்றுள்ளது. வனவிலங்குகள், மாய சக்திகள், பண்டைய அரசாட்சிகள் மற்றும் மறக்கப்பட்ட புராணக் கதைகள் நிறைந்த ஓர் அற்புதமான பிரபஞ்சத்தை இப்படத்தின் கதை ஆராயவுள்ளது. பாரம்பரியக் கற்பனைக் கதைகள் வழங்கும் ஆச்சரியத்தையும் சிறுவயது நினைவுகளையும் நவீனத் திரைப்படத் தொழில்நுட்பத்துடன் இணைத்து, நாடு முழுவதும் உள்ள ரசிகர்களுக்கு ஓர் ஆழமான திரையரங்க அனுபவத்தை வழங்கப் படக்குழுவினர் திட்டமிட்டுள்ளனர்.

இரண்டு அத்தியாயங்களைக் கொண்ட பிரம்மாண்டமான கதையாக ‘கரிகாலா’ உருவாகிறது. இப்படத்தின் முதல் பாகம் 2027 ஜூலை 2-ஆம் தேதி உலகம் முழுவதும் திரையரங்குகளில் வெளியாகத் திட்டமிடப்பட்டுள்ளது. இரண்டாம் பாகம் 2027 அக்டோபர் 28-ஆம் தேதி வெளியாகவுள்ளது. அடுத்தடுத்து திட்டமிடப்பட்டுள்ள இந்த வெளியீட்டுத் தேதிகள், கதையின் பிரம்மாண்டத்தையும் பல்வேறு மொழிகளில் ரசிகர்களை ஈர்க்கும் அதன் திறனையும் படக்குழுவினர் நம்பிக்கையுடன் அணுகுவதைக் காட்டுகின்றன.

‘ஷம்பாலா’ படத்தின் வெற்றியைத் தொடர்ந்து இயக்குநர் உகந்தர் முனி, ஷைனிங் பிக்சர்ஸ் தயாரிப்புக் குழுவுடன் இணைந்து இன்னும் பிரம்மாண்டமான அளவில் இப்படத்தை உருவாக்குகிறார். விரிவான கற்பனை உலக உருவாக்கம், பிரம்மாண்டமான கலை வடிவமைப்பு, மேம்பட்ட காட்சித் தொழில்நுட்பங்கள் மற்றும் மிகப்பெரிய அளவிலான தயாரிப்புப் பணிகள் ஆகியவை இப்படத்தின் புராண உலகத்தைத் திரையில் உயிர்ப்பிப்பதில் முக்கியப் பங்கு வகிக்கவுள்ளன. வழக்கமான கற்பனைச் சாகசப் படங்களிலிருந்து ‘கரிகாலா’வை வேறுபடுத்திக் காட்டும் வகையில் சமூகக் கூறுகளும் இப்படத்தில் இடம்பெறவுள்ளன.

புகழ்பெற்ற இசையமைப்பாளர் ஸ்ரீசரண் பகாலா இப்படத்திற்கு இசையமைக்கிறார். படத்தின் மற்ற நடிகர்கள், தொழில்நுட்பக் கலைஞர்கள் மற்றும் படப்பிடிப்பு அட்டவணை குறித்த கூடுதல் விவரங்கள் வரும் நாட்களில் அதிகாரப்பூர்வமாக அறிவிக்கப்படும் என எதிர்பார்க்கப்படுகிறது.