A Grand Blend of Devotion, Spirituality and Action! Makers Plan to Release the Film During the Karthigai Month!

Produced by Tantra Films and starring Vaibhav, the upcoming Tamil film Manikanda is directed by Vishnu Sasi Shankar, with renowned filmmaker Venkat Prabhu serving as the creative producer. The first-look poster of the film was unveiled by actor Ravi Mohan, drawing attention from audiences with its striking visuals and spiritual theme.

Previously titled Thatthvamasi, the film has now been renamed Manikanda. Combining spirituality, devotion and action, the film promises a distinctive cinematic experience rooted in faith and divine beliefs.

The newly released first-look poster features Vaibhav in a powerful and commanding avatar, dressed in blue and holding a spear. A magnificent statue of Lord Ayyappa stands behind him, surrounded by golden light and blazing flames. The cosmic-inspired background and grand visual composition lend the poster a majestic appearance, reflecting the film’s spiritual essence.

Accompanied by the tagline “The Journey of the God and His People,” the first look hints at a story centred on faith, devotion and the spiritual journey of Lord Ayyappa’s devotees.

The film revolves around the spiritual pilgrimage undertaken by Ayyappa devotees, who observe strict vows, wear the sacred mala and embark on a challenging journey to seek the blessings of Lord Ayyappa. Blending devotion and faith with action sequences and emotionally engaging moments, Manikanda has been conceived as a film that appeals to audiences across generations. According to the makers, the film also incorporates several entertaining elements to attract family audiences.

Following the success and popularity of films that blend mythology, devotion and contemporary storytelling, such as Kantara, Hanu-Man and Karuppu, Manikanda is expected to generate considerable interest among audiences.

The film is produced by J.K. Saravana and M. Rajaram under the banner of Tantra Films, with filmmaker Venkat Prabhu serving as its creative producer. Vishnu Sasi Shankar, who earned recognition for directing the Malayalam film Malikappuram, has helmed this spiritual action entertainer. The team aims to present the story against a spiritual backdrop through a grand and immersive cinematic experience.

Vaibhav plays the lead role, while Meenakshi Govindarajan stars as the female lead. The ensemble cast includes Aravind Akash, Aadukalam Naren, Hareesh Peradi and Arjai, among others, in pivotal roles.

The technical crew features Premgi Amaren as the music composer and Yuvan Selva as the cinematographer. Praveen K.L. is responsible for editing, while Surya Rajeevan serves as the art director. The action sequences have been choreographed by Stunt Silva and Shakthi Saravanan.

Adithya Thangirala, Nandakumar Thamizselvan, J.K. Saravana and Prithvi Adithya have contributed to the writing team. The technical team has worked to bring the film’s spiritual atmosphere and grand visual elements to life on screen.

With filming now completed, Manikanda is currently in its final stages of post-production. The makers are planning to release the film during the auspicious Tamil month of Karthigai in 2026, a period closely associated with Lord Ayyappa and his devotees.

Announcements regarding the teaser, audio launch and other promotional activities are expected to follow in the coming weeks.

With its combination of spirituality, devotion and action, Manikanda is gearing up to offer audiences a grand cinematic experience during the Karthigai season. The film’s first look has already set the stage for anticipation as audiences await further updates on its release.

 

*சூர்யாவின் 'சீன்' திரைப்படத்தில் அவர் ஏற்ற 'டி. எஸ். பி இன்பராஜ்' கதாபாத்திரத்திற்கான கிளிம்ப்ஸ் வெளியீடு*

ழகரம் ஸ்டுடியோஸ் மற்றும் 2 டி என்டர்டெய்ன்மென்ட் நிறுவனம் சார்பில் தயாரிப்பாளர்கள் ஜோதிகா - சூர்யா தயாரிப்பில் இயக்குநர் ஜித்து மாதவன் இயக்கத்தில் சூர்யா நடிப்பில் தயாராகி இருக்கும் 'சீன்' திரைப்படத்தினை விளம்பரப்படுத்தும் முதல் பிரத்யேக நிகழ்வு துபாயில் உள்ள பிரபலமான வணிக வளாகத்தில் சிறப்பாக நடைபெற்றது.

சூர்யா, நஸ்ரியா நஜீம், நஸ்லென், ஆனந்தராஜ், லால், ராஜ் பிரியன் உள்ளிட்ட பலர் நடித்திருக்கும் 'சீன்' படத்தை இயக்குநர் ஜித்து மாதவன் இயக்கியிருக்க, வினீத் அகஸ்டியன் ஒளிப்பதிவு செய்ய, சுஷின் ஷ்யாம் இசையமைந்திருக்கிறார். ஜெயஸ்ரீ தாமோதரன் இணை தயாரிப்பாளராக பணியாற்றி, மாஸ் ஆக்சன் என்டர்டெய்னராக தயாராகி இருக்கும் இந்த திரைப்படம் தீபாவளி திருநாளை முன்னிட்டு எதிர்வரும் நவம்பர் மாதம் ஆறாம் தேதி உலகம் முழுவதும் திரையரங்குகளில் வெளியாகிறது.

'சீன்' படத்தை ரசிகர்களுக்கு சென்றடையும் வகையில் விளம்பரப்படுத்தும் பணிகளை தொடங்கி இருக்கும் படக்குழு. இதன் முதல் நிகழ்வு ஐக்கிய அரபு அமீரகத்தின் துபாயில் உள்ள பிரபலமான வணிக வளாகத்தில் பிரத்யேகமாக நடைபெற்றது. இந்நிகழ்வில் நடிகர்கள் சூர்யா, நஸ்லென், நடிகை நஸ்ரியா நஜீம், இயக்குநர் ஜித்து மாதவன், இணை தயாரிப்பாளர் ஜெயஸ்ரீ தாமோதரன்- ராஜசேகர் பாண்டியன் ஆகியோர் கலந்து கொண்டனர்.

*இணை தயாரிப்பாளர் ஜெயஸ்ரீ தாமோதரன் பேசுகையில்,*

'' ழகரம் என்பது சூர்யா அண்ணாவின் கனவு. அவருடைய கனவை நனவாக்கும் முயற்சிதான் ழகரம் ஸ்டுடியோஸ். சீன் படத்தின் மூலமாக முதல் முயற்சியை தொடங்கியிருக்கிறோம். 'சூரரைப் போற்று', 'ஜெய் பீம்' போன்ற திரைப்படங்களை தயாரித்த 2d என்டர்டெய்ன்மென்ட் நிறுவனத்தை கடந்து, ழகரம் ஸ்டுடியோஸ் நிறுவனத்திலும் படங்களை தயாரிக்க விரும்புகிறோம்.

இந்த திரைப்படத்தின் மூலம் இயக்குநர் ஜித்து மாதவன் புதிய உலகத்தை உருவாக்கி இருக்கிறார். அதில் நாங்களும் அவருடன் பயணித்திருக்கிறோம். படத்தின் வெளியீட்டிற்கு ஆதரவு அளித்து வரும் அனைவருக்கும் நன்றி.

*2 டி என்டர்டெய்ன்மென்ட் ராஜசேகர் பேசுகையில்,*

''ழகரம் ஸ்டுடியோஸ் நிறுவனத்தின் அழகான தொடக்கம் இந்த திரைப்படம். படத்தைப் பற்றி இந்த தருணத்தில் நிறைய விசயங்களை பகிர்ந்து கொள்ள முடியாது. இந்தத் திரைப்படத்தை திரையரங்கத்தில் பார்க்கும்போது நல்லதொரு அனுபவத்தை அனைவருக்கும் அளிக்கும். காமெடியாகவும் இருக்கும். இந்த திரைப்படத்தில் வித்தியாசமான சூர்யாவை ரசிகர்கள் பார்ப்பார்கள். இந்த திரைப்படத்தை உலகம் முழுவதும் வெளியிடும் அனைத்து விநியோகஸ்தர்களுக்கும் நன்றி'' என்றார்.

*இயக்குநர் ஜித்து மாதவன் பேசுகையில்,*

''நான் மலையாளத்தில் பேச தொடங்கலாம் என நினைக்கிறேன். இந்த அரபு தேசத்தில் மலையாளிகள் அதிகம் இருக்கிறார்கள். ஆனாலும் தமிழில் பேசித்தான் ஆக வேண்டும். ஏனெனில் தமிழில் படத்தை இயக்கியிருக்கிறேன். அனைவரும் முதல் நாளில் திரையரங்கத்திற்கு வருகை தந்து இந்த படத்தை பார்க்க வேண்டும் என ஆசைப்படுகிறோம்.

சூர்யா இந்தப் படத்தின் கதையை கேட்கத் தொடங்கிய ஐந்து நிமிடங்களுக்குப் பிறகு சிரிக்கத் தொடங்கி விட்டார். அப்போதே இந்த கதை அவருக்கு பிடித்து விட்டது என்பதை உணர்ந்து கொண்டேன்.

தற்போது திரைப்படங்களுக்கான எல்லைக்கோடு மறைந்து விட்டது. எல்லோரும் எல்லா மொழி திரைப்படங்களையும் பார்க்கத் தொடங்கி விட்டார்கள். கேரளாவில் தமிழ் திரைப்படங்களையும்... தமிழகத்தில் மலையாள திரைப்படங்களையும்... பார்த்து வெற்றி பெறச் செய்கிறார்கள். தற்போது தமிழ் திரைப்படம்- மலையாள திரைப்படம் என்று வேறுபாடு ரசிகர்களிடத்தில் இல்லை. அதனால் இந்த திரைப்படம் அனைவருக்கும் பிடிக்கும் என நம்புகிறேன்'' என்றார்.

*நடிகர் நஸ்லென் பேசுகையில்,*

''மிகுந்த பயத்துடன் தான் நான் இங்கு நிற்கிறேன். நான் இதற்கு முன் பலமுறை துபாய்க்கு வருகை தந்திருக்கிறேன். ஆனால் இந்த முறை சற்று ஸ்பெஷல்.‌ காரணம் இது என்னுடைய முதல் தமிழ் திரைப்படம். அதை நான் ஸ்பெஷலாக உணர்கிறேன். இதற்காக சூர்யா - நஸ்ரியா-  ஜித்து - ஆகியோருக்கு நன்றி. நவம்பர் ஆறாம் தேதி திரையரங்கத்தில் இந்த படத்தை பார்த்துவிட்டு தங்களுடைய அபிப்பிராயத்தை தெரிவிக்க வேண்டும். உங்களுடைய அன்பும் ஆதரவும் தொடரட்டும்.

நான் சிறிய வயதிலிருந்து திரையில் பார்த்து ரசித்த ஒரு நட்சத்திர நடிகருடன் நடிக்க வேண்டும் என்ற போது.. முதல் நாள் படப்பிடிப்பின் போது நெஞ்சம் படபடத்தது. மனதில் எதுவுமில்லை. மனம் முழுவதும் வெற்றிடமாகவே இருந்தது. ஆச்சரியத்தில் மிதந்தேன். ஒரு கனவு நனமானது போல் இருந்தது. இந்தப் படத்தில் நான் வித்தியாசமான கதாபாத்திரத்தில் நடித்திருக்கிறேன்'' என்றார்.

*நடிகை நஸ்ரியா நஜீம் பேசுகையில்,*

'' நான் பிறந்தது வளர்ந்தது படித்தது எல்லாம் துபாயில் தான். அதனால் மீண்டும் இங்கு வருகை தந்திருப்பதற்கு மகிழ்ச்சியடைகிறேன். இங்கு வருகை தந்திருக்கும் அனைவருக்கும் நன்றி.‌ 12 வருடங்களுக்குப் பிறகு நான் மீண்டும் தமிழில் நடித்திருக்கிறேன். இதற்காக என் மீது நம்பிக்கை வைத்து இந்த படத்தின் நடிக்க வாய்ப்பளித்த இயக்குநர் ஜித்துவிற்கு நன்றி.‌ இந்த திரைப்படத்திற்கான பயணத்தில் உடன் பயணித்த சூர்யா- நஸ்லென்- ஆகியோருக்கும் நன்றி. நவம்பர் 6ஆம் தேதி அனைவரும் திரையரங்கத்திற்கு சென்று இந்த படத்தை பார்க்க வேண்டும். அனைவரும் வயிறு குலுங்க சிரித்து மகிழ்வீர்கள்.

நான் சிறிய வயதில் இருந்து சூர்யாவின் திரைப்படங்களை பார்த்து ரசித்து இருந்தாலும், இந்தப் படத்தில் அவருடன் இணைந்து நடித்தது மறக்க முடியாதது'' என்றார்.

*நடிகர் சூர்யா பேசுகையில்,*

''இங்கு வருகை தந்து எங்களுக்காக பொறுமையுடன் காத்திருந்து அன்பையும், ஆதரவையும் அளித்த அனைவருக்கும் நன்றி.

நான் இயக்குநர் ஜித்து மாதவனுடன் இணைந்து பணியாற்ற வேண்டும் என மனதிற்குள் பிரார்த்தனை செய்தேன். அது உடனே நடைபெறும் என நினைக்கவில்லை.  இதற்கு பின் ஒரு நாள் அவர் என்னை சந்தித்தார். கதையை சொன்னார். பொதுவாக நான் கதை கேட்கும் போது அமைதியாகத்தான் கேட்பேன். ஆனால் ஜித்து கதையை கேட்ட ஐந்து நிமிடங்களுக்குப் பிறகு சிரித்தேன். அவர் சொன்ன கதையை முழுவதுமாக கேட்டு ரசித்தேன். அவர் எப்போதும் போல் 'சீன்' திரைப்படத்திலும் புதிய உலகத்தை உருவாக்கியிருக்கிறார்.

இந்தப் படத்தில் 'மாயா' என்ற கதாபாத்திரத்தில் திறமையான நடிகை நஸ்ரியா தன் முழுமையான பங்களிப்பை வழங்கி இருக்கிறார்.‌

இந்தப் படத்தின் மூலம் தமிழில் அறிமுகமாகும் நஸ்லென் இன்னும் நிறைய தமிழ் திரைப்படங்களில் நடிக்க வேண்டும். நடிப்பார்.‌ இந்தப் படத்தில் நடிப்பில் அவர் ஒரு மேஜிக்கை நிகழ்த்தி இருக்கிறார்.

நான் இசையமைப்பாளர் சுஷின் ஷ்யாமின் ரசிகர். அவரும் இப்படத்தின் மூலம் தமிழில் அறிமுகமாகிறார்.

ஒளிப்பதிவாளர் -படத்தொகுப்பாளர் - சண்டை பயிற்சியாளர்- என அனைவரும் இந்த படத்தில் மூலம் தமிழில் அறிமுகமாகிறார்கள். அவர்கள் இனிமேல் நடைபெறும் ஒவ்வொரு நிகழ்விலும் கலந்து கொண்டு அவர்களின் அனுபவத்தை பகிர்ந்து கொள்வார்கள். கேரளாவில் இருந்து ஒரு குழுவினர் தமிழில் ஒரு திரைப்படத்தை வித்தியாசமாக உருவாக்கியிருக்கிறார்கள்.

திரையுலகில் அறிமுகமாகி 28 ஆண்டுகளில், 48 திரைப்படங்களை நிறைவு செய்திருக்கிறேன். ஆனால் இந்த 'சீன்' திரைப்பட பயணம் மிகவும் புத்துணர்ச்சியானது. தீபாவளியன்று.... உங்களுக்கு எல்லாம் எப்படி 'கருப்பு' திரைப்படம் பிடித்ததோ.. 'விஸ்வநாத் & சன்ஸ்' படம் பிடித்ததோ... அதேபோல் 'சீன்' திரைப்படமும் பிடிக்கும். இந்த திரைப்படம் ஃபிரஷ்ஷான படைப்பாக இருக்கும். இதை நீங்கள் கிரைம் திரில்லர் என்றும் சொல்லலாம். மர்டர் மிஸ்டரி என்றும் சொல்லலாம். ஆனால் இந்த திரைப்படம் ஃபேமிலி என்டர்டெய்னராகவும் இருக்கும்.

நான் இதுவரை மலையாளத்தில் நேரடியாக நடிக்கவில்லை. இருப்பினும் அங்கிருந்து தொழில்நுட்ப கலைஞர்கள் மற்றும் நடிகர்களுடன் இணைந்து ஒரு தமிழ் படத்தில் நடித்திருக்கிறேன். அதனால் இந்த படம் கேரள மக்களுக்கும் பிடிக்கும் என்று நம்புகிறேன். எனவே தீபாவளி திருநாளை முன்னிட்டு நவம்பர் 6ஆம் தேதி திரையரங்குகளில் வெளியாகும் படத்தை பார்த்து ரசிக்க வேண்டும் என கேட்டுக்கொள்கிறேன்.

இந்த படத்தின் கதையை கேட்டவுடன் நடிக்க தீர்மானித்தேன். படத்தை உருவாக்கவும் முடிவு செய்தோம்.

சரவணனிடமிருந்து சூர்யாவை ரசிகர்கள் எதிர்பார்க்கிறார்கள். அவர்களுக்காக நான் சூர்யாவாக இருக்கிறேன். சூர்யாவின் கண்டறியப்படாத பல முகங்களை திரையில் அவர்களுக்காக வெளிப்படுத்துகிறேன். அவர்களுடைய நிபந்தனையற்ற அன்பின் காரணமாக வித்தியாசமான சூர்யாவை திரையில் வெளிப்படுத்துகிறேன். ரசிகர்களுக்கும்...கதாபாத்திரத்திற்கும்... எந்த அளவிற்கு உண்மையாக இருக்க முடியுமோ..! அந்த அளவிற்கு கடுமையாக உழைக்கிறேன். இதற்காக தங்களுடைய பங்களிப்பை வழங்கிய இயக்குநர்களுக்கும், தயாரிப்பாளர்களுக்கும் இந்த தருணத்தில் என் நன்றியை தெரிவித்துக் கொள்கிறேன். அவர்கள் தான் இந்த சூர்யாவிற்கான அடையாளத்தை உருவாக்கியிருக்கிறார்கள்.

சொந்த வாழ்க்கையிலும்.. தொழில் முறையிலான வாழ்க்கையிலும் நான் ஒரு விசயத்தில் சிறிய அளவில் முயற்சி செய்தால்.... அதிலிருந்து எனக்கு பத்து மடங்கு அதிகமாக நல்லவை கிடைக்கிறது.  நடிகராக நான் ஒரு சதவீதம் முயற்சி செய்தால்... எனக்கு ரசிகர்களிடமிருந்து நூறு சதவீதம் பேரன்பு கிடைக்கிறது.

இங்கு பல மணி நேரம் பொறுமையுடன் நின்று கொண்டு பார்த்து ரசிக்கிறார்கள். இந்த ரசிகர்களுக்கு உண்மையாக இருக்க வேண்டும் என விரும்புகிறேன். அவர்கள் என் மீது வைத்திருக்கும் மரியாதையையும், என் மீது செலுத்தும் பேரன்பும் தான் என்னை தொடர்ந்து இயங்க வைக்கிறது.

நானும், ராஜசேகரும் பள்ளிக்கூடத்தில் இருந்து நண்பர்கள். நாங்கள் இருவரும் ஒன்றாக சேர்ந்து  2 டி என்டர்டெய்ன்மென்ட் நிறுவனத்தை தொடங்கினோம்.  இந்த நிறுவனத்தின் சகோதர நிறுவனம் தான் ழகரம் ஸ்டுடியோஸ்.

அகரம் பவுண்டேஷனை இருபது ஆண்டுகளாக ஜெயஸ்ரீ தாமோதரன் தான் நிர்வகித்து வருகிறார். தற்போது ழகரம் ஸ்டுடியோவையும் அவர் நிர்வகிக்க தொடங்கி இருக்கிறார்.  ழகரத்திற்கு இது முதல் மேடை. இதற்கு உங்களின் அன்பும் ஆதரவும் தேவை.

2 டி நிறுவனத்தின் மூலம் தொடர்ந்து மக்களை மகிழ்விக்கும் தரமான பொழுதுபோக்கு அம்சங்கள் உள்ள படங்களை தயாரிக்கும். அந்த திரைப்படங்கள் வணிக ரீதியாகவும் வெற்றி பெற வேண்டும் .ரசிகர்களுக்கும் பிடிக்க வேண்டும் என்றிருக்கும். இவை பெரும்பாலும் ரசிகர்களுக்கு பழக்கமான முறையில் இருக்கும். இது தொடரும்.

ஆனால் ழகரம் ஸ்டுடியோஸ் நிறுவனத்தின் மூலம் புதிய இளம் திறமைசாலிகளை கண்டறிந்து அவர்களுக்கு வாய்ப்பு வழங்குவதற்காக தொடங்கி இருக்கிறோம்.‌ தொடர்ந்து இந்த நிறுவனத்தின் மூலம் புதிய இளம் திறமைசாலிகளை கண்டறிந்து அறிமுகப்படுத்த திட்டமிட்டிருக்கிறோம்.

'யுவர் த பெஸ்ட்..யூ கேன் யூ எனிதிங்..' இந்த டயலாக் படம் பார்க்கும்போதும்... பார்த்த பிறகும்... ரசிகர்கள் அனைவருடனும் தொடர்பு கொள்ளும் என நம்புகிறேன்.

நீங்கள் இன்ஸ்டாகிராமில் நல்ல விசயங்களையோ அல்லது கெட்ட விசயங்களையோ பார்த்தால்.. பார்க்கத் தொடங்கினாளல்.. தொடர்ந்து அதே போன்ற வீடியோக்கள் உங்களுடைய இன்ஸ்ட்டாவில் வரும். அதனால் தான் உங்களுடைய சிந்தனையை நல்ல விசயங்களுக்கு மட்டுமே செலவிடுங்கள். நல்ல விசயத்தை மட்டுமே இன்ஸ்டாவில் பாருங்கள். இதுதான் உங்களுடைய வாழ்க்கையிலும் எதிரொலிக்கும். இதனால் எப்போதும் நல்ல எண்ணங்களை மட்டுமே நினைக்க வேண்டும். அப்போதுதான் அது வாழ்க்கையிலும் எதிரொளலித்து.. மகிழ்ச்சியையும், அமைதியையும் தரும். இது மிகவும் உண்மையானது. சத்தியமானது. எல்லோரும் வாழ்க்கையில் வெற்றி பெற வேண்டும் என நான் மனதிற்குள் பிரார்த்தித்துக் கொள்கிறேன்'' என்றார்.

RAAJKAMAL FILMS INTERNATIONAL

KAMAL HAASAN

PROUDLY PRESENTS

SUPERSTAR RAJINIKANTH

IN

“DHARMAN”

Directed by Ashwath Marimuthu

Music by Anirudh Ravichander

Action by Anbariv

Produced by Kamal Haasan – R. Mahendran

The anticipation surrounding DHARMAN just gets bigger.

Nayanthara has officially joined the cast of DHARMAN, adding yet another celebrated performer to this highly anticipated collaboration headlined by Superstar Rajinikanth.

With Ashwath Marimuthu at the helm, Anirudh Ravichander composing the music and Anbariv crafting the action, DHARMAN brings together an exceptional creative force for a cinematic experience that promises scale, energy and spectacle.

As the cameras continue to roll, the film moves into its next chapter with the addition of Nayanthara, further amplifying the excitement surrounding this much-awaited collaboration.

DHARMAN is produced by Kamal Haasan and R. Mahendran, under the banners of RaajKamal Films International and Turmeric Media.

The journey gets bigger.

The anticipation gets stronger.

And DHARMAN gets another star.

 

Arul Murugann Picture நிறுவனம் மற்றும் Dream Runway 26th Century சார்பில் க.இ.மணிகண்டன் என்கிற விமல் G இணைந்து தயாரிக்கும் புதிய திரைப்படம்  ‘ப்ளாக் நைட் பாய்ஸ்’. இப்படத்தில் அமல் அஜித் நாயகனாகவும், பிரியங்கா ராஜகுமாரன் நாயகியாகவும் நடிக்கின்றனர். இப்படத்தின் படப்பிடிப்பு பூஜையுடன் இனிதே தொடங்கியுள்ளது.

தொலைக்காட்சித் தொடர்களில் நடித்து வந்த அமல் அஜித், சமூக வலைதளங்களில் தனது வீடியோக்கள் மூலமாகவும் கவனம் ஈர்த்தவர். இன்ஸ்டாகிராம் உள்ளிட்ட சமூக வலைதளங்களில் பிரபலமாக அறியப்படும் இவர், தற்போது ‘ப்ளாக் நைட் பாய்ஸ்’ திரைப்படத்தில்  கதாநாயகனாக நடிக்கிறார்.

நடிகை தேவயானி இயக்குநர் ராஜகுமாரன் தம்பதிகளின் மகளான பிரியங்கா ராஜகுமாரன், இப்படத்தில் கதாநாயகியாக அமல் அஜித்துக்கு ஜோடியாக நடிக்கிறார்.

இன்றைய இளைஞர்களைக் கவரும் வகையில் அழகான காதல் கதையுடன், அனைத்து வயதினரும் குடும்பத்துடன் ரசிக்கும் வகையிலான முழுமையான ஃபேமிலி என்டர்டெய்னராக ‘ப்ளாக் நைட் பாய்ஸ்’ திரைப்படம் உருவாகி வருகிறது. காதல், பொழுதுபோக்கு என ரசிகர்களைக் கவரும் அனைத்து அம்சங்களும் நிறைந்த படமாக இது அமையும் என்ற எதிர்பார்ப்பையும் ஏற்படுத்தியுள்ளது.

தயாரிப்பு மேற்பார்வையாளராகப் பணியாற்றிய அனுபவம் கொண்ட க.இ.மணிகண்டன் என்கிற விமல் G, அந்த அனுபவத்தின் அடிப்படையில் ‘ப்ளாக் நைட் பாய்ஸ்’ திரைப்படத்தை மிகச் சிறப்பாக உருவாக்கி வருகிறார். திரைப்படத் தயாரிப்பின் பல்வேறு அம்சங்களில் பெற்ற அனுபவத்தையும், திட்டமிடல் மற்றும் ஒருங்கிணைப்புத் திறனையும் பயன்படுத்தி, ரசிகர்களைக் கவரும் வகையில் இப்படத்தை உருவாக்குவதில் அவர் தீவிரமாகச் செயல்பட்டு வருகிறார்.

இப்படத்தை 

செம்பர் V. முருகேசன் இயக்குகிறார்

ஒளிப்பதிவை மனோஜ் பரமஹம்சா மேற்கொள்கிறார்

புரடக்சன் டிசைனராக T. முத்துராஜ் பணியாற்றுகிறார்

ஜோஷ்வா ஸ்ரீதர் இசையமைக்கிறார்

எடிட்டிங் பணிகளை இளங்கோ கவனிக்கிறார். கலை இயக்குநர் கண்ணன் S, சண்டைப் பயிற்சியில் P.C. ஸ்டண்ட்ஸ், நடனத்தில் பாபா பாஸ்கர், பாடல் வரிகளில் பா. விஜய் ஆகியோர் தொழில்நுட்பக் குழுவில் இடம்பெற்றுள்ளனர்.

பூஜையுடன் படப்பிடிப்பைத் தொடங்கியுள்ள ‘ப்ளாக் நைட் பாய்ஸ்’ திரைப்படத்தின் அடுத்தடுத்த அறிவிப்புகள் விரைவில் வெளியாகும் என எதிர்பார்க்கப்படுகிறது

 

ஜே.கே. தமிழ் மீடியா புரொடக்ஷன்ஸ் நிறுவனத்தின் சார்பில் ஜே. ஜே எனும் ஜெயச்சந்திரன் இந்த வெப் தொடரை பிரமாண்டமாக தயாரிக்கிறார்.

பிரஜ்ஜன் நடிப்பில் விரைவில் வெளியாக உள்ள " இறப்பின் ரகசியம் " படத்தை இயக்கிய

இமானுவேல் இந்த வெப் தொடரை கதை, திரைக்கதை, எழுதி இயக்குகிறார்.

இந்த வெப் தொடரில் மாறன், சென்ராயன், ஜெயச்சந்திரன், ப்ரணா, RJ புவனேஸ்வரி ஆகியோர் முக்கிய கதாபாத்திரங்களில் நடிக்கிறார்கள். மற்றும் நித்யா Queen, ரோஹிந்த், தீபா ஆகியோர் நடிக்கின்றனர். அதுமட்டுமின்றி, நடிகர்களை சாராத ஒரு முக்கிய கதாபாத்திரம் இந்த வெப் தொடரில் இடம்பெறும். அது தமிழ் ரசிகர்களுக்கு எதிர்பாராத புதிய அனுபவமாக இருக்கும்.

அஷ்வின் நோயல்

ஒளிப்பதிவு செய்கிறார். கலை இயக்கப் பணிகளை ஸ்ரீமன் மேற்கொள்கிறார். படத்தொகுப்புப் பணிகளை நந்தா மேற்கொள்கிறார்.

மக்கள் தொடர்பு - புவன் செல்வராஜ்.

வெப் தொடர் பற்றி இயக்குனர் இமானுவேல் பேசியதாவது....

கலைஞர்கள் அழிந்தாலும் கலைகள் அழிவதில்லை. ஆனால், இன்றைய தொழில்நுட்ப வளர்ச்சியால் ஓவிய கலைகளும், ஓவிய கலைஞர்களும் அழிந்து கொண்டு தான் இருக்கின்றனர். அந்தக் கலையை அழிவிலிருந்து மீட்டெடுப்பதற்கான முயற்சி தான் இந்த " வர்ண கதைகள் " 

சினிமாவில் சாதிக்க வேண்டும் என்று வாய்புக்காகக் காத்திருக்கும் நான்கு நண்பர்கள் ஒரு பயணத்தைத் தொடங்குகின்றனர். அந்தப் பயணத்தில் எதிர்பாராமல் அவர்கள் சந்திக்கும் ஒரு கதாபாத்திரத்திடம் சிக்கிக்கொள்கின்றனர். அதன் பிறகு என்ன நடந்தது என்பதை கற்பனையுடனும், திகிலுடனும், நகைச்சுவை கலந்த ஃபேன்டஸி ஹாரர் தொடராக இதை உருவாக்குகிறோம்.

முதல் கட்டமாக நான்கு எபிசோடுகளுக்கான படப்பிடிப்பு விரைவில் தொடங்க இருக்கிறோம் என்றார் இயக்குனர் இமானுவேல்.

இந்த வெப் தொடரின் பூஜை இன்று படக்குழுவினர்கள் கலந்து கொள்ள சிறப்பாக நடைபெற்றது.

 

ராக் புரொடக்‌ஷன்ஸ் தயாரிப்பில், யோகி பாபு கதாநாயகனாக நடித்துள்ள ‘சிங்காரம்’ திரைப்படத்தை இயக்குநர் கே.வி. கதிர்வேலு இயக்கியுள்ளார். ஏ.எஸ். ரமண பாலாஜி மற்றும் பத்மாவதி காந்தி தயாரித்துள்ள இப்படத்திற்கு சாம் சி.எஸ். இசையமைத்துள்ளார். ஏற்கெனவே இப்படத்தின் டீசர் வெளியாகி கவனம் பெற்ற நிலையில், தற்போது இசை வெளியீட்டு விழாவை முன்னிட்டு டிரெய்லரும் வெளியிடப்பட்டுள்ளது. வரும் அக்டோபர் 30-ஆம் தேதி இப்படம் உலகம் முழுவதும் திரையரங்குகளில் வெளியாகவுள்ளது.

நரிக்குறவர் சமூகத்தின் வாழ்வியல், வரலாற்றுப் பின்னணி, சமூகத்தில் அவர்கள் எதிர்கொள்ளும் புறக்கணிப்புகள் மற்றும் உரிமைக்கான குரல் ஆகியவற்றை மையமாகக் கொண்டு ‘சிங்காரம்’ உருவாகியுள்ளது. நரிக்குறவர் சமூகத்தைச் சேர்ந்த ஒருவர் அரசியலில் ஈடுபட்டு சட்டமன்ற உறுப்பினராக உயர்வதை மையமாகக் கொண்டுள்ள இப்படம், சமூக விழிப்புணர்வுடன் நகைச்சுவை மற்றும் குடும்ப உணர்வுகளையும் இணைத்துப் பேசுகிறது.

விழாவில் இயக்குநர், தயாரிப்பாளர்கள், நடிகர்கள் மற்றும் தொழில்நுட்பக் கலைஞர்கள் படத்தின் உருவாக்க அனுபவங்களையும், அதன் பின்னணியையும் பகிர்ந்துகொண்டனர்.

இயக்குநர் கே.வி. கதிர்வேலு பேசுகையில், நரிக்குறவர் சமூகத்தினரின் வரலாறு மற்றும் பின்னணியை அறிந்துகொள்வதற்காக விரிவான ஆய்வுகளை மேற்கொண்டு இப்படத்தை உருவாக்கியுள்ளதாகத் தெரிவித்தார். சமூகத்தில் நிலவும் ஏற்றத்தாழ்வுகள், அதிகாரம் கொண்டவர்களுக்கு அளிக்கப்படும் மரியாதை, மற்றவர்கள் புறக்கணிக்கப்படுவது போன்ற பிரச்சினைகளையும் இப்படம் பேசுவதாகக் குறிப்பிட்டார். நரிக்குறவர் சமூகத்தின் வரலாற்றுடன் அரசியல் சார்ந்த அம்சங்களும் இடம்பெற்றுள்ளதாகவும், சமூகக் கருத்துகளுடன் குடும்பத்துடன் இணைந்து ரசிக்கக்கூடிய படமாக ‘சிங்காரம்’ உருவாகியுள்ளதாகவும் கூறி, அனைவரும் ஆதரவு அளிக்க வேண்டும் என்று கேட்டுக்கொண்டார்.

நடிகர் யோகி பாபு பேசுகையில், இப்படத்தில் நடிக்க வாய்ப்பளித்த இயக்குநர் கே.வி. கதிர்வேலு, ரமண பாலாஜி உள்ளிட்டோருக்கு நன்றி தெரிவித்தார். மறைந்த நடிகர்கள் மனோபாலா மற்றும் மாரிமுத்து ஆகியோரை நினைவுகூர்ந்த அவர், மனோபாலா தனக்கு எப்போதும் ஆதரவாக இருந்தவர் என்று குறிப்பிட்டார். தன்னை நம்பி வாய்ப்பளித்த படக்குழுவினரின் ஊக்கமும் நம்பிக்கையும் முக்கியமானவை என்று தெரிவித்ததுடன், வரும் அக்டோபர் 30-ஆம் தேதி வெளியாகும் ‘சிங்காரம்’ திரைப்படத்தைத் திரையரங்குகளில் பார்த்து ஆதரிக்குமாறு கேட்டுக்கொண்டார்.

தயாரிப்பாளர் ஏ.எஸ். ரமண பாலாஜி பேசுகையில், நடனக் கலைஞராகவும் நடன இயக்குநராகவும் 27 ஆண்டுகளாகத் திரைத்துறையில் பயணித்து வருவதாகக் குறிப்பிட்டார். அந்தப் பயணத்தில் தனக்குத் துணையாக இருந்த அனைவருக்கும் நன்றி தெரிவித்த அவர், பலரது உழைப்பும் ஒத்துழைப்பும்தான் ராக் புரொடக்‌ஷன்ஸ் வளர்ச்சிக்குக் காரணம் என்றார். ஒரு படைப்பின் நோக்கம் மிகவும் முக்கியமானது என்றும், கலைஞர்களுக்குத் தொடர்ந்து வாய்ப்புகள் வழங்கப்பட வேண்டும் என்றும் வலியுறுத்தினார். ஒரு படைப்பு பார்வையாளர்களின் மனநிலையை மாற்றி, அவர்களின் வாழ்க்கைப் பயணத்திற்கு ஊக்கமளிக்கக்கூடும் என்று குறிப்பிட்டார். பல சவால்களைக் கடந்து ‘சிங்காரம்’ உருவாகியுள்ளதாகவும், இயக்குநர், நடிகர்கள் மற்றும் தொழில்நுட்பக் கலைஞர்களின் பங்களிப்பு முக்கியமானது என்றும் தெரிவித்தார். குறிப்பாக, யோகி பாபு பல தருணங்களில் தமக்கு ஆதரவாக இருந்ததாகக் கூறி, இப்படத்தின் வெற்றியில் முழு நம்பிக்கை இருப்பதாகவும் தெரிவித்தார்.

திவாகர் தனது நன்றி உரையில், இப்படம் உருவாகக் காரணமாக இருந்த மாமா கார்த்திகேயன், குடும்பத்தினர் மற்றும் இயக்குநர் கே.வி. கதிர்வேலு உள்ளிட்டோருக்கு நன்றி தெரிவித்தார். தயாரிப்பாளர் ரமண பாலாஜி அளித்த ஊக்கமும் ஆதரவும் இப்படத்தை உருவாக்குவதில் முக்கியப் பங்கு வகித்ததாகக் குறிப்பிட்டார். மறைந்த நடிகர்கள் மாரிமுத்து, மனோபாலா ஆகியோர் படப்பிடிப்பின்போது வழங்கிய ஆலோசனைகளையும் ஆதரவையும் நினைவுகூர்ந்தார். நடிகர் எம்.எஸ். பாஸ்கர் உள்ளிட்ட கலைஞர்களின் அர்ப்பணிப்பையும், இசையமைப்பாளர் சாம் சி.எஸ்., ஒளிப்பதிவாளர் பிரசன்னா எஸ். குமார், படத்தொகுப்பாளர் லாரன்ஸ் கிஷோர் மற்றும் தொழில்நுட்பக் குழுவினரின் உழைப்பையும் பாராட்டினார். யோகி பாபு இப்படத்தின் ஒவ்வொரு கட்டத்திலும் உறுதுணையாக இருந்ததாகக் கூறி, பத்திரிகையாளர்கள் உள்ளிட்ட அனைவரும் படத்தின் வெற்றிக்கு ஆதரவளிக்க வேண்டும் என்று கேட்டுக்கொண்டார்.

நடிகர் படவா கோபி பேசுகையில், ஒரு திரைப்படத்தை உருவாக்குவதைவிட அதைச் சரியான முறையில் வெளியிட்டு மக்களிடம் கொண்டு சேர்ப்பது சவாலானது என்று குறிப்பிட்டார். நடனத் துறையில் கலைஞர்களுக்கு போதிய அங்கீகாரம் கிடைக்காத காலகட்டத்திலிருந்து, ரமண பாலாஜி அத்துறையை ஒரு முறையான நிறுவனமாக வளர்த்தெடுத்த விதத்தைப் பாராட்டினார். தாம் திரைப்படத் தயாரிப்பில் எதிர்கொண்ட அனுபவங்களையும் பகிர்ந்துகொண்ட அவர், ‘சிங்காரம்’ படத்தைத் தயாரிப்பாளர்கள் முறையாக வெளியீட்டிற்குக் கொண்டு வந்திருப்பது மகிழ்ச்சியளிப்பதாகத் தெரிவித்தார். நரிக்குறவர் சமூகத்தின் வாழ்க்கைப் பின்னணியையும் அக்காலச் சமூகச் சூழலையும் இயக்குநர் கே.வி. கதிர்வேலு அழகாகப் பதிவு செய்துள்ளதாகப் பாராட்டியதுடன், படம் வெற்றிபெற வாழ்த்தினார்.

நடிகர் ஜாவா சுந்தரேசன் பேசுகையில், இதுவரை அதிகம் பேசப்படாத உணர்வுபூர்வமான கதையைத் தேர்ந்தெடுத்து உருவாக்கிய தயாரிப்பாளர்கள் மற்றும் இயக்குநருக்குப் பாராட்டுத் தெரிவித்தார். இயக்குநர் கே.வி. கதிர்வேலுவின் ‘ராஜவம்சம்’ திரைப்படத்தைப் பார்த்து வியந்துள்ளதாகக் குறிப்பிட்ட அவர், யோகி பாபுவின் நடிப்புத் திறமையையும் பிறருக்கு உதவும் குணத்தையும் பாராட்டினார். இசையமைப்பாளர் சாம் சி.எஸ். வழங்கியுள்ள பாடல் உணர்வுபூர்வமாக அமைந்துள்ளதாகக் கூறியதுடன், படக்குழுவினருக்கு வாழ்த்துகளைத் தெரிவித்தார்.

நடிகர் கே.எம். கணேஷ்கர் பேசுகையில், நரிக்குறவர் சமூகத்தினரின் தோற்றத்தைத் தத்ரூபமாக வெளிப்படுத்தும் வகையில் ஆடை மற்றும் அணிகலன்களுடன் படக்குழுவினர் தங்களைத் தயார்படுத்திக்கொண்டு நடித்ததாகக் கூறினார். கதாபாத்திரங்களுடன் ஒன்றிப்போய் நடித்த அனுபவத்தையும் பகிர்ந்துகொண்டார். எம்.எஸ். பாஸ்கர் உள்ளிட்ட கலைஞர்களின் அர்ப்பணிப்பைப் பாராட்டிய அவர், யோகி பாபு உடன் நடிக்கும் கலைஞர்களுக்கு ஆலோசனைகளையும் ஊக்கத்தையும் வழங்கியதாகக் குறிப்பிட்டார். இயக்குநர் நரிக்குறவர் சமூகத்தின் வரலாற்றையும் பின்னணியையும் படத்தில் தெளிவாக எடுத்துரைத்துள்ளதாகக் கூறி, படத்தின் வெற்றிக்கு வாழ்த்துத் தெரிவித்தார்.

கலை இயக்குநர் குருராஜ் பேசுகையில், இயக்குநர் ‘சிங்காரம்’ திரைப்படத்தை அழகாக உருவாக்கியுள்ளதாகவும், படத்தின் டிரெய்லரைப் பார்த்து மகிழ்ச்சியடைந்ததாகவும் தெரிவித்தார். இப்படத்தில் பங்காற்றியிருப்பது மகிழ்ச்சியளிப்பதாகக் கூறி, திரைப்படம் மிகப்பெரிய வெற்றிபெற வாழ்த்தினார்.

நடிகை சபிதா ராய் பேசுகையில், தயாரிப்பாளர்கள் ஏ.எஸ். ரமண பாலாஜி மற்றும் பத்மாவதி காந்தி ஆகியோருக்கு நன்றி தெரிவித்தார். இயக்குநர் கே.வி. கதிர்வேலுவுடன் இணைந்து பணியாற்றுவது தனக்கு இரண்டாவது முறை என்று குறிப்பிட்டார். யோகி பாபுவுடன் ஏற்கெனவே நான்கு படங்களில் நடித்துள்ளதாகவும், அவருடன் இணைந்து பணியாற்றியது மகிழ்ச்சியளிப்பதாகவும் தெரிவித்தார். நரிக்குறவர் சமூகத்தைச் சேர்ந்த கதாபாத்திரத்தில் நடித்தபோது, அதன் மொழி மற்றும் பேச்சு வழக்கு தன்னுள் ஆழமாகப் பதிந்துவிட்டதாகவும், படப்பிடிப்பு முடிந்து வீட்டிற்குச் சென்ற பிறகும் அந்தப் பேச்சு வழக்கின் தாக்கம் இருந்ததாகவும் பகிர்ந்துகொண்டார். மறைந்த நடிகர்கள் மனோபாலா மற்றும் மாரிமுத்துவிடமிருந்து பல விஷயங்களைக் கற்றுக்கொண்டதாகக் கூறிய அவர், படக்குழுவினருக்கு நன்றி தெரிவித்ததுடன், அனைவரும் திரையரங்குகளில் படத்தைப் பார்த்து ஆதரிக்க வேண்டும் என்று கேட்டுக்கொண்டார்.

நடிகர் என்.ஜே. சத்யா பேசுகையில், தொழில்நுட்பக் கலைஞராகப் பணியாற்றிய தாம் நடிப்பிலும் முயற்சி செய்து வருவதாகக் குறிப்பிட்டார். தனக்கு நடிப்பதற்கான வாய்ப்பை வழங்கிய யோகி பாபுவுக்கு நன்றி தெரிவித்த அவர், பிற கலைஞர்களுக்கும் வாய்ப்புகளைப் பெற்றுத்தருவதில் யோகி பாபு காட்டும் ஆதரவைப் பாராட்டினார். அனுபவமிக்க மூத்த கலைஞர்களுடன் இணைந்து நடித்தது பல புதிய விஷயங்களைக் கற்றுக்கொள்ள உதவியதாகக் கூறினார். நகைச்சுவையுடன் உணர்வுபூர்வமான தருணங்களும் நிறைந்த ‘சிங்காரம்’ திரைப்படத்திற்கு அனைவரும் ஆதரவு அளிக்க வேண்டும் என்று கேட்டுக்கொண்டார்.

நடிகர் டி.எஸ்.ஆர். ஸ்ரீனிவாசன் பேசுகையில், குறவர் கதாபாத்திரத்தில் யோகி பாபு சிறப்பாக நடித்துள்ளதாகப் பாராட்டினார். அவரது நடிப்பைப் பார்க்கும்போது, நீண்ட காலத்திற்குப் பிறகு எம்.ஜி.ஆரை மீண்டும் பார்ப்பது போன்ற உணர்வு ஏற்படுவதாகக் குறிப்பிட்டார். இயக்குநர் கே.வி. கதிர்வேலு இந்த நிலையை அடைய 15 ஆண்டுகள் உழைத்துள்ளதாகக் கூறிய அவர், அனுபவமுள்ள கலைஞர்களுக்கும் வாய்ப்புகள் வழங்கப்பட வேண்டும் என்றும், கலைஞர்களின் உழைப்புக்கு உரிய ஊதியமும் அங்கீகாரமும் கிடைக்க வேண்டும் என்றும் வலியுறுத்தினார். கலைஞர்களுக்கு முறையான வேலைவாய்ப்புகள் உருவாக்கப்பட்டால் தமிழ் சினிமா உலக அளவில் மேலும் சிறந்து விளங்கும் என்றும் தெரிவித்தார்.

சிறப்பு விருந்தினராகக் கலந்து கொண்ட ஆர்.வி. உதயகுமார் பேசுகையில், கம்யூனிஸ்ட் குடும்பப் பின்னணியைச் சேர்ந்த இயக்குநர் கே.வி. கதிர்வேலு இயக்கியுள்ள ‘சிங்காரம்’ திரைப்படம் சமூக விழிப்புணர்வை ஏற்படுத்தும் கருத்துகளைக் கொண்டுள்ளதாகக் குறிப்பிட்டார். நரிக்குறவர் சமூகத்தைச் சேர்ந்த ஒருவர் அரசியலில் ஈடுபட்டு சட்டமன்ற உறுப்பினராக உயர்வதை மையமாகக் கொண்ட கதைக்களத்தைப் பாராட்டினார். கதாநாயகனாக உயர்ந்த பிறகும் எளிமையைத் தக்கவைத்துக்கொண்டு யோகி பாபு சிறப்பாக நடித்து வருவதாகக் கூறினார். இசையமைப்பாளர் சாம் சி.எஸ். மற்றும் தயாரிப்பாளர்கள் ரமண பாலாஜி, திவாகர் உள்ளிட்ட படக்குழுவினரைப் பாராட்டியதுடன், தமிழ்நாடு திரைப்பட இயக்குநர்கள் சங்கத்தின் சார்பில் இயக்குநர், நடிகர் மற்றும் தொழில்நுட்பக் கலைஞர்கள் அனைவருக்கும் வாழ்த்துகளைத் தெரிவித்தார்.

‘சிங்காரம்’ திரைப்படம் வரும் அக்டோபர் 30-ஆம் தேதி உலகம் முழுவதும் திரையரங்குகளில் வெளியாகவுள்ள நிலையில், சமூகப் பின்னணியையும் நகைச்சுவை மற்றும் குடும்ப உணர்வுகளையும் இணைத்துள்ள இப்படம் ரசிகர்களிடையே எதிர்பார்ப்பை ஏற்படுத்தியுள்ளது.

*நடிகர்கள்:*

யோகி பாபு, வேல ராமமூர்த்தி, எம்.எஸ். பாஸ்கர், மரியா வின்சென்ட், சார்ம்ஸ், ஆர்த்தி கணேஷ், மனோபாலா, கல்கி, மாரிமுத்து, படவா கோபி, சென்ட்ராயன், டி.எஸ்.ஆர்., தீபா சங்கர், சபிதா ராய், ஜாவா சுந்தரேசன், கே.எம். கணேஷ்கர் மற்றும் பலர்.

*தொழில்நுட்பக் கலைஞர்கள்:*

தயாரிப்பு நிறுவனம் – ராக் புரொடக்‌ஷன்ஸ்

தயாரிப்பாளர்கள் – ஏ.எஸ். ரமண பாலாஜி, பத்மாவதி காந்தி

எழுத்து மற்றும் இயக்கம் – கே.வி. கதிர்வேலு

இசை – சாம் சி.எஸ்.

பாடல்கள் – விவேகா

ஒளிப்பதிவு – பிரசன்னா எஸ். குமார்

படத்தொகுப்பு – லாரன்ஸ் கிஷோர்

கலை இயக்கம் – குருராஜ்

சண்டைப் பயிற்சி – ஃபேன்டம் பிரதீப்

மக்கள் தொடர்பு – ரியாஸ் K அஹ்மத், பாரஸ் ரியாஸ்

 

கன்னியாகுமரி ரசிகர்களையும் பொதுமக்களையும் கவரும் வகையில், ‘துரோகம் பழகு’ திரைப்படத்தின் போஸ்டரை ஆசியாவின் புகழ்பெற்ற பாலங்களில் ஒன்றான மாத்தூர் தொட்டிப்பாலத்தில் பறக்கவிட்டு படக்குழுவினர் வித்தியாசமான முறையில் புரமோஷன் செய்துள்ளனர்.

மகிழ் புரொடக்ஷன்ஸ் (Magizh Productions) சார்பில் C. பியூலா மகிழ் தயாரிப்பில், தக்க்ஷன் விஜய் நடிப்பில், இயக்குநர் சீயோன் ராஜா இயக்கியுள்ள திரைப்படம் ‘துரோகம் பழகு’. சமூக அக்கறை கொண்ட கருத்தை மையமாகக் கொண்டு உருவாகியுள்ள இப்படம், தொடக்கத்திலிருந்தே தனது புதுமையான விளம்பர முயற்சிகள் மூலம் கவனம் ஈர்த்து வருகிறது.

ஏற்கெனவே இப்படத்தின் ஃபர்ஸ்ட் லுக் போஸ்டர் வெளியிடப்பட்ட நிலையில், புதுச்சேரி முதலமைச்சர் உள்ளிட்ட முக்கியப் பிரமுகர்கள் படத்தின் போஸ்டர்களை வெளியிட்டுள்ளனர். மேலும், கல்லூரிகளில் பல்வேறு புரமோஷன் நிகழ்ச்சிகளை நடத்தி இளைஞர்களிடையே படத்தைப் பிரபலப்படுத்தும் முயற்சியிலும் படக்குழுவினர் ஈடுபட்டு வருகின்றனர்.

இதன் தொடர்ச்சியாக, கன்னியாகுமரி மாவட்டத்தின் முக்கிய சுற்றுலாத் தலங்களில் ஒன்றான மாத்தூர் தொட்டிப்பாலத்தில் படத்தின் போஸ்டரைப் பறக்கவிட்டு புதிய முயற்சியை மேற்கொண்டுள்ளனர். இயற்கை எழில் சூழ்ந்த இந்தப் புகழ்பெற்ற சுற்றுலாத் தலத்தில் மேற்கொள்ளப்பட்ட இந்த வித்தியாசமான புரமோஷன், அப்பகுதி மக்களிடமும் சுற்றுலாப் பயணிகளிடமும் கவனத்தை ஈர்க்கும் வகையில் அமைந்துள்ளது.

இப்படத்தில் G. M. குமார், வனிதா விஜயகுமார், லொள்ளு சபா ஜீவா, வாழை ஜானகி, அமுதவாணன், அப்புக்குட்டி, கஞ்சா கருப்பு, திவாகர் உள்ளிட்ட பலர் முக்கிய கதாபாத்திரங்களில் நடித்துள்ளனர். ராஜா மற்றும் பாலா ஆகியோர் இணைந்து இசையமைத்துள்ளனர். படத்தைச் சீயோன் ராஜா இயக்கியுள்ளார்.

வழக்கமான விளம்பர முறைகளைக் கடந்து, ஒவ்வொரு கட்டத்திலும் வித்தியாசமான முயற்சிகளைக் கையாண்டு வரும் ‘துரோகம் பழகு’ படக்குழு, அடுத்ததாகப் படத்தின் டிரெய்லரை வெளியிடத் தயாராகி வருகிறது. டிரெய்லர் வெளியீட்டுடன் ரசிகர்களின் எதிர்பார்ப்பு மேலும் அதிகரிக்கும் என எதிர்பார்க்கப்படுகிறது. மேலும், திரைப்படத்தின் வெளியீட்டுத் தேதி குறித்த அதிகாரப்பூர்வ அறிவிப்பும் விரைவில் வெளியாகும் எனப் படக்குழுவினர் தெரிவித்துள்ளனர்.

புதுமையான புரமோஷன் முயற்சிகளால் கவனம் பெற்று வரும் ‘துரோகம் பழகு’ திரைப்படம், திரையரங்குகளில் வெளியாகும் முன்பே ரசிகர்களிடையே எதிர்பார்ப்பை ஏற்படுத்தி வருகிறது.

 

திரையரங்குகளில் நல்ல வரவேற்பைப் பெற்ற ஷரஃபுதீன் – சங்கீத் பிரதாப் நடித்த 'இட்ஸ் எ மெடிக்கல் மிராக்கிள்' திரைப்படம், தற்போது மனோரமாமேக்ஸ் ஓடிடி தளத்திலும் நல்ல வரவேற்பைப் பெற்றுள்ளது. ஸ்ட்ரீமிங் வெளியீட்டின் முதல் வாரத்திலேயே இப்படம் 15 மில்லியன் நிமிடங்களுக்கும் அதிகமான பார்வை நேரத்தைப் பதிவு செய்துள்ளது. 

மலையாளம், தமிழ், தெலுங்கு மற்றும் கன்னடம் என நான்கு மொழிகளில் இப்படம் மனோரமாமேக்ஸ் தளத்தில் பிரத்யேகமாக ஸ்ட்ரீமிங் செய்யப்பட்டு, பல்வேறு மொழி ரசிகர்களையும் சென்றடைந்துள்ளது.

அறிமுக இயக்குநர் ஷியாமின் கிரீஷ் இயக்கியுள்ள இப்படம், வித்தியாசமான கதைக்களத்துடன் நகைச்சுவையையும் எதிர்பாராத திருப்பங்களையும் கொண்டுள்ளது. சங்கீத் பிரதாப் அறிமுக நாயகனாக நடித்துள்ளார். இதில் ஷரஃபுதீன் முக்கியக் கதாபாத்திரத்தில் நடித்துள்ளார். 

கோமா நிலையில் இருந்து மீண்டு வரும் ரூபின் (சங்கீத் பிரதாப்), தொலைவில் ஒலிக்கும் சத்தங்களையும் உரையாடல்களையும் கேட்கும் அபூர்வமான திறனைப் பெறுகிறார். இதற்கிடையில், நட்பான காவல் அதிகாரியான சூரஜை (ஷரஃபுதீன்) அவர் சந்திக்கிறார். இந்தச் சந்திப்பு எதிர்பாராத பல சம்பவங்களுக்கு வழிவகுக்கிறது. நகைச்சுவையும் பரபரப்பும் கலந்த இந்தக் கதை, ரசிகர்களுக்கு வித்தியாசமான அனுபவத்தை தரும். 

'பிரேமலு' திரைப்படத்தில் அமல் டேவிஸ் கதாபாத்திரத்திலும், 'பெத்லஹேம் குடும்ப யூனிட்' திரைப்படத்தில் ஜோயல் கதாபாத்திரத்திலும் நடித்து கவனம் ஈர்த்த சங்கீத் பிரதாப், இப்படத்தில் கதாநாயகனாக நடித்துள்ளார். ஷரஃபுதீன் முக்கியக் கதாபாத்திரத்தில் நடித்துள்ள இப்படத்தில் அகிலா பார்கவன், பார்வதி ஆர். கிருஷ்ணா, கோட்டயம் நசீர், ஆனந்த் மன்மதன் மற்றும் கிரண் பீதாம்பரன் உள்ளிட்டோரும் நடித்துள்ளனர்.

கரிக்கு நிறுவனத்துடனான தொடர்புக்காக அறியப்படும் நிலீன் சாண்ட்ரா, இப்படத்தின் திரைக்கதை மற்றும் வசனங்களை எழுதியுள்ளார். டாக்டர் பால் வர்கீஸ் மற்றும் சுஜித் ஜே. நாயர் ஆகியோர் டாக்டர் பால்ஸ் என்டர்டெயின்மென்ட் மற்றும் ட்ரீம் பிக் ஃபிலிம்ஸ் நிறுவனங்களின் சார்பில் இப்படத்தைத் தயாரித்துள்ளனர்.

அகில் சேவியர் ஒளிப்பதிவையும், ராகேஷ் செருமடம் படத்தொகுப்பையும் கவனித்துள்ளனர். முஜீப் மஜீத் இசையமைத்துள்ள இப்படத்திற்கு, நிக்சன் ஜார்ஜ் ஒலி வடிவமைப்புப் பணிகளை மேற்கொண்டுள்ளார்.

மனோரமாமேக்ஸ் தளத்தில் 500க்கும் மேற்பட்ட வெற்றித் திரைப்படங்கள், 20,000 மணி நேரத்திற்கும் அதிகமான உள்ளடக்கங்கள் மற்றும் மழவில் மனோரமா, மனோரமா நியூஸ் ஆகியவற்றின் பிரத்யேக நிகழ்ச்சிகள் எனப் பல்வேறு பொழுதுபோக்கு அம்சங்கள் இடம்பெற்றுள்ளன.

வித்தியாசமான கதைக்களம், நகைச்சுவைக் காட்சிகள் எனப் பல சிறப்பம்சங்களுடன் 'இட்ஸ் எ மெடிக்கல் மிராக்கிள்' திரைப்படம் ரசிகர்களுக்கு ஒரு புதுமையான சினிமா அனுபவத்தை தருகிறது. திரையரங்குகளில் வரவேற்பைப் பெற்றதைத் தொடர்ந்து, ஓடிடி தளத்திலும் வலுவான தொடக்கத்தைப் பதிவு செய்துள்ள இப்படம், தற்போது மனோரமாமேக்ஸ் தளத்தில் மலையாளம், தமிழ், தெலுங்கு மற்றும் கன்னடம் ஆகிய நான்கு மொழிகளில் பிரத்யேகமாக ஸ்ட்ரீம் ஆகிறது.