இன்று நடைபெறும் சின்னத்திரை தயாரிப்பாளர்கள் சங்கத்தின் பொதுக்குழுக் கூட்டம் மிகவும் முக்கியத்துவம் வாய்ந்தது என்று நடிகையும் தயாரிப்பாளருமான குஷ்பு தெரிவித்துள்ளார்.

இந்தக் கூட்டத்தில் தயாரிப்பாளர்கள் எதிர்கொள்ளும் பல்வேறு பிரச்சினைகள் குறித்தும், அவற்றுக்கான தீர்வுகள் குறித்தும் விரிவாக விவாதிக்கப்பட உள்ளதாக அவர் கூறியுள்ளார். மேலும், பல்வேறு தீர்மானங்கள் எடுக்கப்பட்டு, அவற்றைச் சங்க உறுப்பினர்களிடம் எடுத்துரைக்கத் திட்டமிட்டுள்ளதாகவும் தெரிவித்துள்ளார்.

குறிப்பாக, ஆண்டு பொதுக்குழுக் கூட்டத்தில் தயாரிப்பாளர்களின் பிரச்சினைகள் குறித்தும், அவற்றுக்குத் தீர்வு காண்பதற்கான வழிமுறைகள் குறித்தும் விவாதிக்கப்பட உள்ளன. இன்றைய கூட்டத்தில் ஏராளமான தயாரிப்பாளர்கள் பங்கேற்றிருப்பது தங்களுக்குப் பெரும் பலமாக இருப்பதாகக் குறிப்பிட்ட குஷ்பு, தயாரிப்பாளர்கள் நலமாக இருந்தால்தான் சங்கமும் சிறப்பாகச் செயல்பட முடியும் என்று தெரிவித்துள்ளார்.

இன்றைய காலகட்டத்தில் தொலைக்காட்சி இல்லாத வீடுகளே இல்லை என்ற நிலை உள்ளது. ஆனால், திரைக்கு முன்னால் இருப்பவர்களை மட்டுமே மக்கள் அதிகம் அறிந்துள்ளனர். திரைக்குப் பின்னால் இருந்து பணியாற்றும் தயாரிப்பாளர்கள் எதிர்கொள்ளும் சிரமங்கள் பலருக்கும் தெரிவதில்லை. இத்தகைய பிரச்சினைகள் குறித்துப் பேசுவதற்காகவே இந்தக் கூட்டம் நடைபெறுவதாக அவர் கூறியுள்ளார்.

மேலும், சங்கத்தில் உள்ள பல தயாரிப்பாளர்கள் தற்போது தொடர்களைத் தயாரித்து வருவதாகவும், சிலர் புதிய தொடர்களைத் தயாரிப்பதற்கான முயற்சிகளில் ஈடுபட்டு வருவதாகவும் தெரிவித்துள்ளார்.

தயாரிப்பாளர்களுக்கு ஏற்படும் பிரச்சினைகளின்போது ( FEFSI) பெப்சியின் தலைவர்  திரு RK செல்வமணிஅவர்கள்  தொடர்ந்து ஆதரவாக இருப்பதாகக் குறிப்பிட்ட குஷ்பு, பிற சங்கங்களைச் சேர்ந்தவர்களும் தங்களுக்குப் பெரும் ஆதரவு அளித்து வருவதாகவும், அவர்களுக்கு நன்றி தெரிவிப்பதற்கும் இந்தக் கூட்டம் ஒரு வாய்ப்பாக அமைந்துள்ளதாகவும் கூறியுள்ளார்.

இந்தப் பொதுக்குழுக் கூட்டதத்தில் எடுக்கப்படவுள்ள தீர்மானங்கள், மேற்கொள்ளப்படவுள்ள நடவடிக்கைகள் மற்றும் சில ஆச்சரியமூட்டும் அறிவிப்புகள் குறித்தும் தயாரிப்பாளர்களுடன் பகிர்ந்துகொள்ள உள்ளதாக அவர் தெரிவித்துள்ளார்.

சின்னத்திரை தயாரிப்பாளர்கள் பொதுவாக எதிர்கொள்ளும் முக்கியமான பிரச்சினை நிதி சார்ந்தது என்று குஷ்பு தெரிவித்துள்ளார்.

தற்போது அனைத்துப் பொருட்களின் விலைகளும் தொடர்ந்து உயர்ந்து வருகின்றன. ஆனால், தயாரிப்பாளர்களுக்குத் தொலைக்காட்சி நிறுவனங்கள் நிர்ணயிக்கும் தொகை மட்டும் உயர்வதில்லை என்று அவர் சுட்டிக்காட்டியுள்ளார்.

தொழிலாளர்களுக்கு மூன்று ஆண்டுகளுக்கு ஒருமுறை ஊதிய உயர்வு வழங்கப்படுவதாகவும், ஆனால் தயாரிப்பாளர்களுக்கு எந்தத் தொலைக்காட்சி நிறுவனமும் உரிய வகையில் ஊதிய உயர்வு வழங்குவதில்லை என்றும் தெரிவித்துள்ளார். இன்று பேசப்படும் அதே தொகை, பத்து ஆண்டுகளுக்குப் பிறகும் வழங்கப்படும் நிலை இருப்பதாகக் கூறியுள்ளார்.

சந்தையில் காய்கறிகள் உள்ளிட்ட அத்தியாவசியப் பொருட்களின் விலைகள் உயர்ந்து வரும் நிலையில், தயாரிப்பாளர்களுக்குக் கிடைக்கும் தொகை மட்டும் உயர்வதில்லை. தொழிலாளர்களுக்கு ஊதிய உயர்வு வழங்க வேண்டிய சூழலில், தயாரிப்பாளர்கள் அதற்கான நிதியை எவ்வாறு ஏற்பாடு செய்வார்கள் என்ற கேள்வியையும் அவர் எழுப்பியுள்ளார்.

இத்தகைய பிரச்சினைகள் குறித்து இந்தக் கூட்டத்தில் விரிவாக விவாதிக்கப்பட உள்ளதாகவும் தெரிவித்துள்ளார்.

மேலும், தயாரிப்பாளர்கள் சங்கத்தின் செயல்பாடுகளுக்கு நிதி தேவைப்படுவதாகவும், அதற்காகத் தமிழக முதலமைச்சர் மாண்புமிகு திரு. ஜோசப் விஜய் அவர்களிடம் கோரிக்கை வைத்துள்ளதாகவும் குஷ்பு கூறியுள்ளார்.

சங்கத்திற்கெனத் தனியாக ஓர் இடம் வேண்டும் என்று கோரிக்கை விடுத்ததாகவும், அதற்கான ஏற்பாடுகளைச் செய்து தருவதாக முதலமைச்சர் உறுதியளித்துள்ளதாகவும் அவர் தெரிவித்துள்ளார். இதற்காக முதலமமைச்சர் திரு சி ஜோசப் விஜய் அவர்களுக்கு நன்றியும் தெரிவித்துள்ளார்.

சங்கத்திற்கான நிதியைத் திரட்டும் நோக்கில், அடுத்த ஆண்டு ஏப்ரல் மாதம் மலேசியாவில் ஒரு கலை நிகழ்ச்சியை நடத்தத் திட்டமிட்டுள்ளதாகவும் கூறியுள்ளார். அந்த நிகழ்ச்சியில் சிறப்பு விருந்தினராகப் பங்கேற்க நடிகர் சிலம்பரசன் STR ஒப்புக்கொண்டுள்ளதாகவும், தயாரிப்பாளர்களுக்கு ஆதரவாக இருப்பேன் என்று அவர் உறுதியளித்துள்ளதாகவும் குஷ்பு தெரிவித்துள்ளார்.

திரைத்துறை மட்டுமின்றி, பிற துறைகளைச் சேர்ந்தவர்களும் தயாரிப்பாளர்களுக்கு ஆதரவளிக்க வேண்டும் என்றும், அவர்களின் பிரச்சினைகளைத் தீர்ப்பதற்கான வழிமுறைகளும் சலுகைகளும் வழங்கப்பட வேண்டும் என்றும் அவர் வலியுறுத்தியுள்ளார்.

மேலும், சங்கத்தில் உறுப்பினர்களின் எண்ணிக்கையை அதிகரிப்பதற்காகத் தொலைக்காட்சி நிறுவனங்களுடன் பேச்சுவார்த்தை நடத்த வேண்டியுள்ளதாகவும் தெரிவித்துள்ளார்.

அரசின் ஓ.டி.டி. தொடர்பான முடிவு குறித்த கேள்விக்குப் பதிலளித்த குஷ்பு, சின்னத்திரை தயாரிப்பாளர்கள் சங்கத்தைப் பொறுத்தவரையில், ஓ.டி.டி. தளங்கள் ஏற்கெனவே தங்களுடன் இணைந்து செயல்பட்டு வருவதாகக் குறிப்பிட்டுள்ளார்.

ஓ.டி.டி. தளங்களைச் சேர்ந்த உறுப்பினர்களும் தங்களுடன் இருப்பதாக அவர் தெரிவித்துள்ளார்.

 சின்னத்திரைக் கலைஞர்களின் வளர்ச்சி குறித்துக் குஷ்பு பேச்சு* :

கலைஞர்களை ஒரு குறிப்பிட்ட தொடரில் மட்டுமே நடிக்க வேண்டும் என்று கட்டாயப்படுத்த முடியாது எனக் குஷ்பு தெரிவித்துள்ளார்.

விஜய் சேதுபதி, சிவகார்த்திகேயன் போன்ற கலைஞர்கள் பல்வேறு பின்னணிகளில் இருந்து வளர்ந்து வந்து, இன்று திரைத்துறையில் முக்கிய இடத்தைப் பிடித்துள்ளனர். இதன் மூலம், கலைஞர்களின் வளர்ச்சியில் சின்னத்திரையும் முக்கியப் பங்கு வகிக்கிறது என்பதைப் புரிந்துகொள்ள முடிகிறது. சின்னத்திரையில் இருந்து தொடங்கி இன்று பெரிய நட்சத்திரங்களாக உயர்ந்துள்ள கலைஞர்கள், தற்போது சின்னத்திரைக்கு  தங்களது ஆதரவை வழங்கி வருவது மகிழ்ச்சியளிக்கிறது. இது சின்னத்திரைக்குக் கிடைத்த பெருமையாகவும் வெற்றியாகவும் பார்க்கப்படுகிறது என்று குஷ்பு தெரிவித்துள்ளார்.

செயற்கை நுண்ணறிவுத் தொழில்நுட்பத்தின் பயன்பாடு குறித்துப் பேசிய குஷ்பு, ஒவ்வொரு தொழில்நுட்பத்திற்கும் சாதகமான மற்றும் பாதகமான அம்சங்கள் இருப்பதாகத் தெரிவித்துள்ளார்.

ஒரு நாணயத்திற்கு இரு பக்கங்கள் இருப்பதைப் போல, தொழில்நுட்ப வளர்ச்சியிலும் நல்லதும் கெட்டதும் இருக்கலாம். அதனை எவ்வாறு பயன்படுத்துகிறோம் என்பதுதான் முக்கியம் என்று அவர் கூறியுள்ளார்.

செயற்கை நுண்ணறிவுத் தொழில்நுட்பத்தைத் தவறாகப் பயன்படுத்துபவர்களின் செயல்பாடுகளைக் கடுமையாக விமர்சித்த அவர், குறிப்பாகப் பெண்களைப் பாதிக்கும் வகையில் போலியான காணொளிகளை உருவாக்குவது கண்டிக்கத்தக்கது என்று தெரிவித்துள்ளார்.

ஒரு பெண்ணாகவோ, நடிகையாகவோ அல்லது வேறு எந்தத் துறையைச் சேர்ந்தவராகவோ இருந்தாலும், மற்றவர்களைப் பாதிக்கும் வகையில் செயற்கை நுண்ணறிவைப் பயன்படுத்துவதற்கு முன்பு, தங்களது குடும்பத்தில் உள்ள பெண்களை வைத்து அத்தகைய காணொளிகளை உருவாக்கிப் பார்க்க வேண்டும் என்றும் அவர் கூறியுள்ளார்.

இவ்வாறு செய்தால் மட்டுமே, அத்தகைய செயல்களால் ஏற்படும் பாதிப்புகளை உணர முடியும் என்று செய்தியாளர்களிடம் குஷ்பு தெரிவித்துள்ளார்.

தயாரிப்பாளர்கள் சார்பில் அரசிடம் பல்வேறு கோரிக்கைகள் முன்வைக்கப்பட்டுள்ளதாகக் குஷ்பு தெரிவித்துள்ளார்.

குறிப்பாக, படப்பிடிப்புக்கான இட அனுமதியைப் பெறுவதில் பல சிரமங்கள் இருப்பதாக அவர் குறிப்பிட்டுள்ளார். இதற்குத் தீர்வாக, இணையவழியில் விண்ணப்பித்த மூன்று நாட்களுக்குள் அனுமதி கிடைக்கும் வகையில் ஒரு நடைமுறையை ஏற்படுத்த வேண்டும் என்று கோரிக்கை விடுத்ததாகவும், அதற்கு ஒப்புதல் கிடைத்துள்ளதாகவும் தெரிவித்துள்ளார்.

மேலும், தயாரிப்பாளர்கள் அமர்வதற்கும் பணிகளை மேற்கொள்வதற்கும் உரிய இடவசதி வேண்டும் என்று கோரிக்கை வைத்ததாகவும், அதற்கும் ஒப்புதல் அளிக்கப்பட்டுள்ளதாகவும் கூறியுள்ளார்.

இதேபோன்று, தயாரிப்பாளர்களுக்குப் பல்வேறு சலுகைகள் வழங்கப்பட்டுள்ளதாகவும், எதிர்காலத்தில் மேலும் பல சலுகைகள் கிடைக்கும் என்று எதிர்பார்ப்பதாகவும் குஷ்பு தெரிவித்துள்ளார்.

இன்று நடந்த ஆண்டு பொதுக்குழு கூட்டத்திற்கு கலந்து கொண்ட  சிறப்பு விருந்தினர்கள் FEFSI பெப்சியின் தலைவர் திரு RK செல்வமணி , பெப்சியின் செயலாளர் திரு சுவாமிநாதன் , சின்னத்திரை இயக்குநர்கள் சங்கத்தின் தலைவர் திரு மங்கை ஹரிராஜன் , இயக்குனர் தளபதி , சின்னத்திரை நடிகர் சங்க தலைவர் திரு பாரத் , சின்னத்திரை எழுத்தாளர் சங்க தலைவர் திரு பத்ரி ஆகியோர் கலந்து கொண்டனர்.

மேலும் STEPS சங்கத்தின் தலைவர் திருமதி குஷ்பு சுந்தர் , செயலாளர் குட்டி பத்மினி , பொருளாளர் திரு RD பாலேஷ்வர் , foundar member -  திரு அழகன் தமிழ்மணி , advisory members -   YG மகேந்திரா ,சுஜாதா விஜயகுமார், முரளிராமன் , உப தலைவர்கள் - அபு பாக்கர் சித்திக் , டிவி சங்கர் , துணை செயலாளர்கள் - மதி ஒளி குமார் , மாலினி ஜெயச்சந்திரன் , AH ஷெரீஃப், மற்றும் திருமதி புஷ்பா கந்தசாமி உட்பட பல தயாரிப்பாளர்கள் கலந்துகொண்டார்கள்.

 

இந்நிகழ்ச்சி சென்னை லீலா பேலஸில் நடைபெற்றது. இதில் நிறுவனத்தின் இணை நிறுவனர் நடிகை சமந்தா ரூத் பிரபு, ZOY நிறுவனர் மகேஸ்வரி மூர்த்தி, ஆசிய விளையாட்டுப் போட்டியில் தங்கப் பதக்கம் வென்ற தடகள வீராங்கனை வித்யா ராம்ராஜ், ஷிதிஜா நஹதா- நிறுவனர் ஃபிட் செஃப் மற்றும் நியூட்ரிஷன் வெல்னஸ் கோச், ஷைனி சுரேந்திரன்- விளையாட்டு, ஹோலிஸ்டிக் தடுப்பு உணவியல் நிபுணர்; மற்றும் முன்னணி மகளிர் மருத்துவ நிபுணர்கள் டாக்டர் பத்மா ராமகிருஷ்ணன் மற்றும் டாக்டர் நரசா நாராயணி ஆகியோர் கலந்துரையாடலில் பங்கேற்றனர்.

‘மாதவிடாய் காலத்தைத் தாண்டிய ஆரோக்கியம்’ (Wellness Beyond Your Period) என்ற கருப்பொருளில் நடைபெற்ற கலந்துரையாடலில், ஹார்மோன் சமநிலை, அந்தரங்கப் பகுதி சுகாதாரம், மாதவிடாய் காலப் பொருட்களின் பாதுகாப்பு, ஊட்டச்சத்து மற்றும் பெண்களின் வாழ்க்கையின் பல்வேறு கட்டங்களில் ஏற்படும் உடல்நல மாற்றங்கள் குறித்து இந்த நிகழ்ச்சியில் விவாதிக்கப்பட்டது

ZOY நிறுவனர் மகேஸ்வரி மூர்த்தி, ஜவுளித் துறையில் தனக்குள்ள 16 ஆண்டுகால அனுபவத்தின் அடிப்படையில், பெண்களுக்கு பாதுகாப்பான மற்றும் தரமான மாதவிடாய் பராமரிப்புப் பொருட்களை வழங்கும் நோக்கில் இந்நிறுவனத்தைத் தொடங்கியதாகத் தெரிவித்தார்

நடிகையும் நிறுவனத்தின் இணை நிறுவனருமான சமந்தா ரூத் பிரபு பேசுகையில், பெண்கள் தங்கள் உடல்நலம் குறித்த விழிப்புணர்வைப் பெறுவதுடன், தாங்கள் பயன்படுத்தும் பொருட்களின் தரம் மற்றும் பாதுகாப்பு குறித்து அறிந்து, சிந்தித்துத் தேர்வு செய்ய வேண்டும் என வலியுறுத்தினார்.

மூலிகைகள் சேர்க்கப்பட்ட சானிட்டரி நாப்கின்கள், பாக்டீரியா எதிர்ப்புத் தொழில்நுட்பத்துடன் கூடிய நாப்கின்கள், மூலிகை வெல்னஸ் லைனர்கள், ஒருமுறை பயன்படுத்தும் மற்றும் மீண்டும் பயன்படுத்தக்கூடிய மாதவிடாய் உள்ளாடைகள், மீண்டும் பயன்படுத்தக்கூடிய மாதவிடாய் கப் உள்ளிட்ட பல்வேறு தயாரிப்புகளை ZOY அறிமுகப்படுத்தியுள்ளது

மாதவிடாய் காலப் பராமரிப்பை மட்டும் கருத்தில் கொள்ளாமல், பெண்களின் ஒட்டுமொத்த ஆரோக்கியம், விழிப்புணர்வு மற்றும் பாதுகாப்பான தயாரிப்புத் தேர்வுகளுக்கு முக்கியத்துவம் அளிப்பதே இம்முயற்சியின் நோக்கம் என நிறுவனம் தெரிவித்துள்ளது.

 

ஜீவன் பிலிம்ஸ் சார்பில் தயாரிப்பாளர்கள் தனுஷ் நெப்போலியன்- குணால் நெப்போலியன் ஆகியோரின் தயாரிப்பில் தஞ்சை ஜே பி ஆர் இயக்கத்தில் நெப்போலியன் நடிப்பில் உருவான 'அமெரிக்க ஆவி' படத்தின் இசை மற்றும் முன்னோட்ட வெளியீட்டு விழா சென்னையில் சிறப்பாக நடைபெற்றது. 

இந்த திரைப்படத்தின் இசையை சென்னையில் உள்ள ஜப்பான் நாட்டின் துணை தூதரான திரு. டாக்கா ஹாசி மற்றும் திரைப்பட தயாரிப்பாளர் ஆதித்யா ராம் ஆகியோர் இணைந்து வெளியிட, தயாரிப்பாளர் கண்ணன் ரவி பெற்றுக்கொண்டார். 

அறிமுக இயக்குநர் தஞ்சை ஜே பி ஆர் இயக்கத்தில் உருவாகியுள்ள 'அமெரிக்க ஆவி' திரைப்படத்தில் நடிகர் நெப்போலியன் முதன்மையான வேடத்தில் நடித்திருக்கிறார். இவருடன் 200க்கும் மேற்பட்ட அமெரிக்கா வாழ் புதுமுக நடிகர்கள் நடித்திருக்கிறார்கள். 'நேஷ் வில்' பிரபு ஒளிப்பதிவு செய்திருக்கும் இந்த திரைப்படத்திற்கு ஆதிஷ் உத்ரியன் இசையமைத்திருக்கிறார். வினு படத் தொகுப்பு பணிகளை மேற்கொள்ள இந்து ராஜ்குமார் கலை இயக்குநராக பணியாற்றிருக்கிறார். காமெடி ஹாரர் திரில்லராக தயாராகி இருக்கும் இந்த திரைப்படத்தை ஜீவன் பிலிம்ஸ் நிறுவனம் சார்பில் தயாரிப்பாளர்கள் தனுஷ் நெப்போலியன் மற்றும் குணால் நெப்போலியன் ஆகியோர் இணைந்து தயாரித்திருக்கிறார்கள். 

முழுக்க முழுக்க அமெரிக்காவில் உருவாக்கப்பட்ட முதல் தமிழ் திரைப்படம் இது என்ற பெருமிதத்துடன் விரைவில் உலகம் முழுவதும் திரையரங்குகளில் வெளியிட திட்டமிடப்பட்டிருக்கும் இத்திரைப்படத்தின் இசை மற்றும் முன்னோட்ட விழா சென்னையில் உள்ள கமலா திரையரங்க வளாகத்தில் நடைபெற்றது. படக் குழுவினருடன் தமிழ் திரையுலக பிரபலங்கள் பலரும் சிறப்பு விருந்தினர்களாக கலந்து கொண்டனர்.

*இந்நிகழ்வில் தயாரிப்பாளர் குணால் நெப்போலியன் பேசுகையில்,*

''இந்த படத்தைப் பற்றி சொல்ல வேண்டும் என்றால் ..இது வேற மாதிரியான படம். தமிழ் சினிமாவில் இந்த திரைப்படம் தான் முழுவதும் அமெரிக்காவில் படமாக்கப்பட்ட முதல் தமிழ் திரைப்படம். அமெரிக்காவில் வாழும் நம்முடைய இனத்தினரிடம் இவ்வளவு திறமைகள் மறைந்திருக்கிறது என்பதை காணும் போது ஆச்சரியமாக இருந்தது. இது சின்ன விசயம் அல்ல. அனைவரும் தங்களுடைய வாழ்க்கைக்கான வேலையை செய்து கொண்டே கிடைத்த சிறிய ஓய்வு நேரத்தில் இப்படத்தில் பணியாற்றினார்கள். அதை நினைக்கும் போது எங்கள் அனைவருக்கும் பெருமிதமாக இருக்கிறது. 

'அமெரிக்க ஆவி' என்ற டைட்டிலை பற்றி சொல்ல வேண்டும். ஆவி என்றால் நாம் பேய் என்று நினைத்துக் கொண்டிருக்கிறோம். அதுவும் இந்த திரைப்படத்தில் இருக்கிறது. அதே தருணத்தில் ஆவி என்பதற்கு அமெரிக்காவை பொறுத்தவரை மற்றொரு பொருளும் இருக்கிறது. அமெரிக்காவில் பல நாடுகளில் இருந்தும் இங்கு வந்து குடியேறியவர்கள் அதிகம். அவர்கள் ஒவ்வொருவரும் வெற்றி பெற்றவர்கள். அவர்கள் வெற்றியை நோக்கி பயணிப்பவர்கள். முயற்சி செய்து வெற்றி பெறுபவர்கள். அந்த கோணத்திலான பொருளும் இப்படத்தில் கதாபாத்திரங்களாக இடம் பிடித்திருக்கிறது. எனவே இந்த படத்தில் பேயும், பிசாசும் இருக்கிறது அத்துடன் சுவாரசியமான மற்ற விசயங்களும் இருக்கிறது. 

இந்தப் படத்தில் மற்றொரு சுவராசியமான விசயமும் இருக்கிறது. இந்த படத்தின் இணை தயாரிப்பாளர் தனுஷ் நெப்போலியன். உண்மையை சொல்ல வேண்டுமென்றால்.. அவர் தான் எனக்கு முதலாளி. அவரால் இங்கு வர இயலவில்லை. ஆனால் இந்த நிகழ்ச்சியின் நேரலையை அவர் பார்த்துக் கொண்டிருக்கிறார். 

'அனைவரும் இந்த திரைப்படத்திற்கு குடும்பத்துடன் திரையரங்கத்திற்கு வருகை தந்து மகிழ்ச்சியுடன் கண்டு ரசிக்க வேண்டும்' என அவர் இங்குள்ள ரசிகர்களுக்கு செய்தி அனுப்பியுள்ளார். இந்தப் படத்தை வெற்றி பெற செய்வது நம்முடைய கடமை'' என்றார். 

*நடிகர் நெப்போலியன் பேசுகையில்,*

''இந்த திரைப்படத்தில் ஆண்டோ, தியான், அர்லூ, பிரேமா, பிஜூ, மகேஷ், பப்லு, அருண் ஆண்டனி, சாம் ஆண்டோ, பிரகாஷ், ஐஸ்வர்யா, ராஜ்குமார், இந்து ராஜ்குமார், ராகுல், ஹேமமாலினி, ஊர்வசி, மைதிலி என 

தோராயமாக 200 பேர் புதுமுகமாக அறிமுகமாகி இருக்கிறார்கள். அவர்களில் மிக சிலர் மட்டுமே இங்கு இந்த நிகழ்விற்காக இங்கு வருகை தந்திருக்கிறார்கள். 

இதில் நடித்திருக்கும் அனைவரும் சாப்ட்வேர் இன்ஜினியர்கள் - டாக்டர்கள் - சயின்டிஸ்ட்- புரொபசர்ஸ்- என எல்லோரும் பெரிய பெரிய நிறுவனங்களில் பெரிய பொறுப்பில் பணியாற்றுகிறார்கள். அவர்கள் இந்த படத்திற்காக ஒதுக்கி தரும் நேரத்தை பயன்படுத்தி, 75 நாட்களில் இந்த திரைப்படத்தை உருவாக்கி இருக்கிறோம். திங்கள் முதல் வெள்ளி வரை அனைவரும் பரபரப்பாக இயங்குவார்கள். அதில் அவர்கள் எங்களுக்காக ஒதுக்கித் தரும் நேரத்தை சரியாக திட்டமிட்டு அந்த நேரத்தில் படப்பிடிப்பை நடத்தி இருக்கிறோம். 

இது மிகவும் கடினமான விசயம் தான். அமெரிக்காவில்.. இதுவரை சினிமா சூட்டிங்கை நேரில் வேடிக்கை பார்க்காதவர்கள் எல்லாம் இந்த படத்தில் நடித்திருக்கிறார்கள். அவர்கள் அனைவருக்கும் நானும், இயக்குநரும் பயிற்சி கொடுத்து இதில் நடிக்க வைத்திருக்கிறோம். 

சிவாஜி சார் நடித்த 'பாரத விலாஸ்: படத்தில் இந்தியாவில் உள்ள அனைவரும் நடித்திருப்பார்கள். இதில் உலகம் முழுவதிலும் உள்ளவர்கள் நடித்திருக்கிறார்கள். ஏறத்தாழ 40க்கும் மேற்பட்ட நாடுகளை சேர்ந்தவர்கள் இதில் நடித்திருக்கிறார்கள். இந்த அளவிற்கு இந்த படம் மிகவும் வித்தியாசமான படம். பொழுதுபோக்காகவும் இருக்கும்.

1994 ஆம் ஆண்டில் சன் டிவி நேரலை காட்சி தொடங்கிய போது, நானும், இயக்குநர் பாண்டியராஜனும் பிலிப்பைன்ஸ் நாட்டில் உள்ள மணிலாவிற்கு சென்று தொடங்கி வைத்தோம். அன்று முதல் எங்களுக்குள் ஏற்பட்ட நெருங்கிய நட்பு இன்று வரை நீடிக்கிறது. அவர் இங்கு வந்து எங்கள் படக் குழுவை வாழ்த்தியதற்கு நன்றி. மேலும் இங்கு வருகை தந்து வாழ்த்திய அனைவருக்கும் நன்றி'' என்றார். 

*அறிமுக நடிகர் மகேஷ் பேசுகையில்,*

''இந்த படத்தில் நடிக்க வைப்பதற்காக ஜனவரி மாதத்தில் அனைவரையும் ஒரு பிரத்யேக உடையில் வர வேண்டும் என நெப்போலியன் சொன்னார். அப்போது நாங்கள் எல்லோரும் ஆடிஷன் தான் நடைபெறப் போகிறது என நினைத்திருந்தோம். ஆனால் அவர் உங்களுக்கெல்லாம் ஆடிஷன் இல்லை நடிக்கலாம் என்றார். அதன் பிறகு அனைவருக்கும் நெப்போலியன் சார் நடிக்க கற்றுக் கொடுத்தார். அவர் எங்களுக்காக நடித்துக் காட்டியது மறக்க முடியாத அனுபவம். ஒரு திரைப்படத்தை உருவாக்கும் போது நடைபெறும் அனைத்து தொழில்நுட்ப விசயங்களை நேரில் பார்த்து ரசித்தோம். இந்தப் படத்தில் என்னுடைய அம்மா தான் நெப்போலியன் சாரின் அம்மாவாக நடித்திருக்கிறார். அது எனக்கு பெருமிதமாக இருக்கிறது. இந்த திரைப்படத்தைக் காண நாங்கள் அனைவரும் ஆவலுடன் காத்திருக்கிறோம்'' என்றார். 

*இயக்குநர் தஞ்சை ஜே பி ஆர் பேசுகையில்,*

'' நான் ஒன்பது வயதிலேயே பழைய ஃபிலிம் வைத்து சூரிய ஒளி மூலம் சுவற்றில் அந்த படத்தை காண்பித்திருக்கிறேன். இதுதான் என்னுடைய தொடக்க கால பிலிம் டைரக்ஷன் ஆர்வம். அதற்கு பின் 'ஓநாய்கள் ஜாக்கிரதை' என்ற பெயரில் ஒரு திரைப்படத்தை தயாரித்து இயக்கியிருந்தேன். அதன் பிறகு குடும்ப சூழல் காரணமாக அமெரிக்காவில் செட்டிலாகி விட்டேன். அங்கு இருந்த காரணத்தினால் சினிமா பற்றிய தொடர்பு துண்டித்து போய்விடுமோ..! என பயந்தேன். அதற்காக இப்போதும் பல கதைகளை தொடர்ந்து எழுதிக் கொண்டிருக்கிறேன். இந்த தருணத்தில் ஒரு முறை நெப்போலியனை சந்திக்கும் வாய்ப்பு கிடைத்தது. அவரை சந்தித்து ஒரு கதையை சொன்னேன். அவருக்கு கதை மிகவும் பிடித்திருந்தது. ஆனால் என்னால் தனுஷை விட்டுவிட்டு வெளியில் வந்து நடிக்க முடியாது என்றார். அந்தத் தருணத்தில் அமெரிக்காவிலேயே ஏதாவது படத்தை உருவாக்க முடியுமா? அதற்கான கதை இருக்கிறதா? என கேட்டார். அதன் பிறகு மதிய உணவு அருந்தினோம். அத்துடன் அவர் புதிதாக வாங்கியிருக்கும் வீட்டை காண்பித்தார். மூன்றரை ஏக்கரில் அமைந்திருக்கும் பிரம்மாண்டமான வீடு அது. மரங்களுக்கு நடுவே அழகாக அமைந்திருந்த அந்த வீட்டை பார்த்ததும் ஆங்கில திரைப்படங்களில் வருவதை போல் இருந்தது. அதன் பிறகு இந்த வீட்டை மையப்படுத்தி ஏதேனும் கதையை உருவாக்க முடியுமா? எனக் கேட்டார். முடியும் என்று சொல்லிவிட்டு ஒரு வாரம் கழித்து கதையை சொன்னேன். அது அவருக்கு மிகவும் பிடித்து போனது. அப்போது அவர் இது வழக்கமான ஹாரர் படமாக இருக்கக் கூடாது. காமெடி கலந்த ஹாரர் படமாக இருக்க வேண்டும் என்றார். 

அதற்குப் பிறகு ஒரு கதையை உருவாக்கினோம். அந்தக் கதையை நெப்போலியனும், அவரது வாரிசுகளான குணால் - தனுஷ் என அனைவரும் இணைந்து அட்டகாசமான திரைக்கதையாக உருவாக்கினோம். 

இந்தப் படத்திற்காக பணியாற்றிய தொழில்நுட்ப கலைஞர்கள், நடிகர்கள், நடிகைகள் அனைவருக்கும் நன்றி'' என்றார். 

*ஒளிப்பதிவாளர் 'நேஷ் வில்' பிரபு பேசுகையில்,*

'' என்னுடைய முழு பெயர் பிரபு தொப்புடு அமரேசன். என்னுடைய தாத்தா டி.எஸ். அமரேசனுக்கு நன்றி. அவர் ஆர் எஸ் மனோகர் நடித்த மேடை நாடகங்களை இயக்கியவர். 1920 களில் அவர் மறைந்து விட்டார். அவர் இப்போது இருந்தால் மிகவும் சந்தோஷம் அடைந்திருப்பார். 

நான் சென்னையில் தற்போது பிரபலமான ஒளிப்பதிவாளர்களாக திகழும் மனோஜ் பரஹாம்சா, அறிவழகன் ஆகியோரின் அறையில் தான் நான் இருந்தேன். அதனால் கேமரா லென்ஸ், லைட்ஸ் அதைப்பற்றி எல்லாம் தெரியும். அதன் பிறகு அமெரிக்காவிற்கு சென்றபோது அங்கு நடைபெறும் சிறிய நிகழ்வுகளை எல்லாம் கேமரா மூலம் பதிவு செய்தேன். அப்போதுதான் நெப்போலியன் அறிமுகமானார். அவர்களுடைய குடும்ப நிகழ்வுகளுக்கெல்லாம் கேமரா மேனாக இருந்தேன். அதன் பிறகு தான் ஜப்பானில் தனுஷின் கல்யாணம் நடைபெற்ற போது அதனை பதிவு செய்தேன். அப்படி என்னை படிப்படியாக மெருகேற்றி தற்போது ஒளிப்பதிவாளராக அறிமுகப்படுத்தி இருக்கிறார். அதற்காக அவருக்கு நன்றி'' என்றார். 

*ஃபெப்சி தலைவர் இயக்குநர் ஆர் கே செல்வமணி பேசுகையில்,*  

''இந்த திரைப்படத்தை திரையரங்கில் பார்க்கும் போது 'மை டியர் குட்டிச்சாத்தான்' படத்தை பார்ப்பது போல் இருக்கும். இந்தப் படத்தை நான் பார்த்து விட்டேன். ஒரு திரைப்படத்தில் ஒருவரை புது முகமாக அறிமுகப்படுத்தி நடிக்க வைப்பது எளிது. ஆனால் ஒட்டுமொத்த திரைப்படத்திலும் அனைவரையும் புதுமுகமாக அறிமுகப்படுத்தி, அவர்களுக்கு சொல்லிக் கொடுத்து நடிக்க வைப்பது என்பது உலக மகா கடினமான வேலை. படப்பிடிப்பு தளத்தில் அனைவருக்கும் நம்பிக்கையை கொடுத்து அவர்களிடமிருந்து நடிப்பை வாங்கியிருக்கிறார்கள். அதிலும் பாடல் காட்சியில் அனைவரும் ரிதத்துடன் இணைந்து நடனமாடி இருக்கிறார்கள். இது அவர்களின் நடிப்பின் மீதான ஆர்வத்தை வெளிப்படுத்தியது. இதற்காக கலா மாஸ்டருக்கு நன்றி.  

நெப்போலினை பொறுத்தவரை ஒரு வேலையை செய்தால் அதனை சரியாக செய்திட வேண்டும் என நினைப்பவர். அது நடிகர் சங்க தலைவராக இருந்தாலும் சரி.. நடிகராக இருந்தாலும் சரி.. அரசியல்வாதியாக இருந்தாலும் சரி.. ஒரு வேலையை செய்தால் அதனை சரியாக செய்ய வேண்டும் என நினைப்பார். அந்த அளவிற்கு அவர் நல்ல மனிதர். 

இப்படத்தின் ஹீரோயின் ஒரு டாக்டர். அமெரிக்காவில் உள்ள அவரது வீட்டில் படப்பிடிப்பு நடந்தது. அவருடைய ஓய்வு நேரத்தின் போது அவர் படப்பிடிப்பில் கலந்து கொண்டு நடிப்பார். அதுவரை படக்குழுவினர் அங்கு காத்திருப்பார்கள்.

இந்த படத்தின் உச்சகட்ட காட்சியில் அட்டகாசமான சண்டை காட்சியை சண்டை பயிற்சி இயக்குநர் பி சி.ஸ்டண்ட் வடிவமைத்திருக்கிறார். இந்தப் படம் மிகப்பெரிய வெற்றியை பெறும் '' என்றார். 

*திருமதி ரோஜா செல்வமணி பேசுகையில்,*

'' வி சேகர் இயக்கத்தில் 'வீட்டோட மாப்பிள்ளை' படத்தில் நான் நெப்போலியுடன் நடித்திருக்கிறேன் அவர் என் சக நடிகர். அவரைப் பற்றி என்ன சொன்னாலும் அது குறைவு தான் அவர் ஒரு நல்ல கலைஞர்... நல்ல அரசியல்வாதி... நல்ல தொழிலதிபர்... நல்லதொரு தந்தை.. இதற்கு மேல் அவர் நல்ல மனிதரும் கூட. நீண்ட நாட்களுக்குப் பிறகு நெப்போலியனை ஒரு நடிகராக திரையில் பார்க்கும்போது சக நடிகையாக எனக்கு மகிழ்ச்சியாக இருக்கிறது. நானும் கூட 12 ஆண்டுகளுக்குப் பிறகு தற்போது தான் மீண்டும் திரைப்படங்களில் நடிக்க தொடங்கி இருக்கிறேன். ஒரு கலைஞருக்கு ரசிகர்கள் -கேமரா- படப்பிடிப்பு தளம் -ஆகியவற்றுடன் பழகிய பிறகு, அதை விட வேண்டும் என்பது கடினமானதாக இருக்கும். எங்களுடைய குடும்ப பணி இருந்தாலும் ரசிகர்களுக்காக... கலைக்காக... மீண்டும் நடிக்க வருவதில் மகிழ்ச்சி தான். அதிலும் அவர் நல்ல கதையுடன் மீண்டும் ரசிகர்களை சந்திக்க வருகை தந்திருக்கிறார். இதற்காகவே நாம் அனைவரும் அவருக்கு ஆதரவாக இருக்க வேண்டும். அதனால் இந்தப் படத்தை வெற்றி படமாக மாற்றுவதற்கு மவுத் பப்ளிசிட்டி, சோசியல் மீடியா பப்ளிசிட்டி ஆகியவற்றை அனைவரும் செய்திட வேண்டும். 

எனக்கும், என் மகளுக்கும் பேய் படம் என்றால் பயம். இருந்தாலும் இந்தத் திரைப்படத்தை பார்த்து மகிழ்ச்சி அடைந்தோம்'' என்றார். 

*நடிகர் நாசர் பேசுகையில்,*

'' நெப்போலியன் உடனான பயணம் 'கிழக்கும் மேற்கும்' படத்தில் தொடங்கி, ஏறத்தாழ 30 ஆண்டுகளுக்கும் மேலாக தொடர்கிறது. அந்தப் படத்திற்காக நாங்கள் இருவரும் ஏறத்தாழ 30 நாட்கள் ஒன்றாகவே இருந்தோம். இப்போது எப்படி இருக்கிறாரோ...! அப்போதே அப்படித்தான் இருந்தார்.‌ அப்போது அவர் வாழ்க்கையை எப்படி திட்டமிட்டாரோ... அதே போன்ற வாழ்க்கையை அவர் வாழ்ந்து வருகிறார். இது எனக்கு மிக பெருமையாக இருக்கிறது. சில பட்டங்கள் - சில நற்பெயர்களை- சம்பாதிப்பது கடினம். கஷ்டப்பட்டு உழைத்தால் கோடீஸ்வரன் ஆகலாம். கஷ்டப்பட்டு நடித்தால் சூப்பர் ஸ்டார் ஆகலாம். ஆனால் மனதார எப்போதும் நெப்போலியனை வாழ்த்தும் போது 'நல்ல' என்றொரு வார்த்தையை சேர்த்துக் கொள்வார்கள். அது எல்லோருக்கும் கிடைக்காது. 

என்னுடைய மகன் விபத்தில் சிக்கிய போது எனக்கு மிகப்பெரும் ஆறுதலை சொல்லியவர் நெப்போலியன் தான். 'நல்ல' என்ற பெயரை.. நெப்போலியன் மட்டும் சம்பாதிக்கவில்லை. அவருடைய மனைவியும் சேர்த்து தான் சம்பாதித்திருக்கிறார்கள். 

தென்னிந்திய நடிகர் சங்கத்தின் தலைவராக என் மனமார்ந்த நன்றியை அவருக்குத் தெரிவித்துக் கொள்கிறேன். 

தென்னிந்திய நடிகர் சங்க கட்டடத்திற்கு நாங்கள் யாரும் கேட்காமல் அவராக முன் வந்து ஒரு கோடி ரூபாயை வைப்புத் தொகையாக கொடுத்தார்.

இந்தப் படத்தின் முன்னோட்டத்தில் நெப்போலியன் இளமையாக தோன்றுகிறார். 

தற்போது தான் ஒரு பத்திரிக்கைக்கு கட்டுரையை எழுதி விட்டு வந்தேன். இந்தியாவில் குழந்தைகளுக்கான படம் என்பது .0 சதவீதத்தில் கூட இல்லை. நாம் குழந்தைகளுக்காக படத்தை உருவாக்கியது இல்லை. அந்த வகையில் இந்த படம் குழந்தைகளுக்கான படமாக இருக்கும் என்று நினைக்கிறேன். குழந்தைகள் பெற்றோர்களை அழைத்துக்கொண்டு இந்த திரைப்படத்தை பார்த்து ரசிக்க வேண்டும் என கேட்டுக்கொள்கிறேன். 

இவருக்கு உறுதுணையாக இருந்த நேஷ் வில் இருந்து இங்கு வருகை தந்திருக்கும் அனைவருக்கும் நன்றி'' என்றார். 

*தயாரிப்பாளர் டி. சிவா பேசுகையில்,*

''நெப்போலியன் நடிக்க தொடங்கும் காலகட்டத்திலேயே நல்ல நடிகர் என்ற பெயருடன்.. நல்ல மனிதர் என்ற பெயரையும் சம்பாதித்திருக்கிறார். எல்லோருடைய மனதிலும் இடம் பிடித்திருந்தார். அவர் நடிகர் சங்கத்தின் துணைத் தலைவராக இருந்தபோது சங்க நிகழ்வுகளுக்காக கடினமாக உழைத்தவர். அவர் எல்லா இடத்திலும் ஒரு ராணுவ வீரரை போல் செயல்படுவார். 

நான் இந்தப் படத்தை பார்த்தேன் நிச்சயமாக பொழுதுபோக்கு அம்சம் உள்ள படமாக உருவாகி இருக்கிறது. இது நிச்சயம் கமர்சியல் திரைப்படமாக உருவாகி இருக்கும் என நம்புகிறேன். 

பெப்சிக்கான கட்டிடத்திற்கு முதல் நன்கொடையை கொடுத்தவர் நெப்போலியன் தான். இவருக்கு திரைத்துறை சார்பில் தனியாக பாராட்டு விழா நடத்திட வேண்டும். 

என்னுடைய திரையுலக அனுபவத்தில் நான் பார்த்த இரண்டு 'நல்ல' மனிதர்களில் ஒருவர் விஜயகாந்த். மற்றொருவர் நெப்போலியன் தான் அனைவருக்கும் நன்றி'' என்றார். 

*நடன இயக்குநர் கலா பேசுகையில்,"

''இங்கு மூன்று பாடல்களை தான் திரையிட்டார்கள். படத்தில் மேலும் சில பாடல்கள் இருக்கிறது. நெப்போலியனும் நானும் எவ்வளவுதான் கற்றுக் கொடுத்தாலும் அதை அவர்கள் கற்றுக்கொண்டு நடித்ததற்கு நன்றி.

நெப்போலியன் என்னுடைய முப்பது ஆண்டுகால நெருங்கிய குடும்ப நண்பர். அவர் நடிகர் சங்கத்திற்கு மட்டுமல்ல எங்களுடைய நடன இயக்குநர்கள் சங்கத்திற்கும் நன்கொடை வழங்கி இருக்கிறார். நடிகர் நாசர் குறிப்பிட்டது போல்... தயாரிப்பாளர் சிவா குறிப்பிட்டதை போல்... நெப்போலியன் நல்ல மனிதர். அவரைப் போலே அவருடைய வீட்டின் பெண்மணியான சுதாவும் நல்ல மனுஷி. அவர்களை நான் திருமணமான தருணத்தில் இருந்து பார்த்துக் கொண்டிருக்கிறேன். எப்போதும் மகிழ்ச்சியாகவே இருப்பார். 

இந்த திரைப்படம் ஆவி சம்பந்தப்பட்ட படம் அல்ல. இது ஒரு அழகான குடும்ப திரைப்படம். இந்தப் படம் நிச்சயமாக சூப்பர் ஹிட் ஆகும்'' என்றார். 

*இசையமைப்பாளர் ஆதிஷ் உத்ரியன் பேசுகையில்,*

''இயக்குநர் ஜே பி ஆர் மூலமாக நெப்போலியன் சந்தித்து, இப்படத்திற்கு இசையமைக்கும் வாய்ப்பு கிடைத்தது என்னுடைய திரை இசை பயணத்தில் இந்தப் படம் ஒரு மைக்கல். இந்தப் படத்தில் ஐந்து பாடல்கள் இடம் பிடித்திருக்கிறது. அனைவருக்கும் நன்றி'' என்றார்.  

*பாடலாசிரியர் சினேகன் பேசுகையில்,*

''இந்த மேடை பேரன்பிற்கான மேடை. அவரைப் பற்றி நான் மணி கணக்கில் பேசலாம். அவரிடம் நான் whatsapp மூலம் ஏராளமான தகவல்களை பகிர்ந்து கொண்டிருக்கிறேன்.‌ உடன்பிறந்த சகோதரர் போன்றதொரு உணர்வு எனக்குள் இருக்கிறது. மிகச்சிறந்த மனிதர்கள் அனைவரும் ஒன்றிணைந்து பணியாற்றி இருக்கும் இந்த திரைப்படத்தில் நானும் ஒரு புள்ளியாக இருப்பதில் மகிழ்ச்சி அடைகிறேன். அவரை பாராட்டுவதற்கு மற்றொரு மேடை கிடைக்கும் என ஆவலுடன் காத்திருக்கிறேன் அனைவருக்கும் நன்றி'' என்றார். 

*இயக்குநர் ஆர் வி உதயகுமார் பேசுகையில்,*

'' புது நெல்லு புது நாத்து என்ற படத்தில் அவர் நடித்துக் கொண்டிருந்தபோது நான் 'உறுதிமொழி' படத்தை இயக்கிக் கொண்டிருந்தேன். அப்போது ஒளிப்பதிவாளர் ரவி யாதவ்- ஒல்லியாக உயரமாக இருந்த ஒருவரை 'இவர் தான் குமரேசன்' என அறிமுகப்படுத்தினார்.‌ அப்போது அவரிடம் 'நான் உன்னை மிகப்பெரிய வில்லனாக நடிக்க வைக்கிறேன்' என உறுதிமொழி கொடுத்தேன். அதன் பிறகு 'எஜமான்: படத்தில் அவரை நடிக்க வைத்திருந்தேன் அதற்காக கடுமையாக போராட வேண்டியது இருந்தது ரஜினி சாரே வேண்டாம் என்று சொன்னார். அப்போது அவரிடம் ஏன் நெப்போலியன் அந்த கதாபாத்திரத்தில் நடிக்க வேண்டும்? என்பதற்கான காரணத்தை சொன்னேன். அதைக் கேட்டு இது புதிதாக இருக்கிறதே..? என சொல்லிய பிறகு அவர் ஒப்புக்கொண்டார். நெப்போலியனுக்காக அந்தக் கதையின் பல மாற்றங்களை செய்தேன். அந்தப் படத்தில் அவர் பேசுவதை போல் இடம்பெறும் ஒரு வசனம் ( கல்யாண வீடாக இருந்தால் மாப்பிள்ளை...) இன்று வரை பிரபலம். அவருடன் அந்த ஒரு படத்தில் மட்டும் தான் பணியாற்றிய முடிந்தது. அது எனக்கு நிறைவானதாகவும் இருந்தது. 

இந்த 'அமெரிக்க ஆவி' படத்தில் ஆவி யார்? என்பதை சொல்லவே இல்லையே..? இந்த படத்தின் போஸ்டரில் நெப்போலியன் ஒரு கிளென் ஈஸ்ட்வுட் போல் இருக்கிறார். நாம் வயசான ஆவி- நல்ல ஆவி- கெட்ட ஆவி -இளம் ஆவி- விபத்தில் இறந்து போன ஆவி- காதலில் தோல்வி அடைந்த ஆவி -வீட்டை வாங்க முடியாமல் உயிரிழந்த ஆவி - என பல ஆவிகளை பற்றி கேள்விப்பட்டிருக்கிறோம். இதில் எந்த ஆவி அமெரிக்கா ஆவி என தெரியவில்லை. எந்த ஆவியாக இருந்தாலும் நெப்போலியன் ஒரு சிறப்பான ஆவியைத்தான் நமக்கு காண்பிப்பார். இந்தப் படம் வெற்றி பெற வேண்டும் என வாழ்த்துகிறேன்'' என்றார்.

 

Dr. Ishari K. Ganesh, President, Tamil Nadu Olympic Association, Founder-Chancellor, VELS University, and Chairman, VELS Group of Companies, warmly welcomed Tamil Nadu Chief Minister C. Joseph Vijay at The Leela Palace, Chennai.

Dr. Ishari K. Ganesh received the Chief Minister with a bouquet and, along with Sports Development Minister Aadhav Arjuna, accompanied him to the venue.

The Chief Minister was at The Leela Palace to launch the ‘Dream Olympics’ initiative and felicitate Tamil Nadu’s Asian Games and Chess Olympiad medal winners.

The programme was organised by the Sports Development Authority of Tamil Nadu (SDAT) and attended by prominent sportspersons, medal winners and sports officials.

 

Insomniac’s Dream Creations நிறுவனத்தின் தயாரிப்பில், இயக்குநர் மனோ வெ கண்ணதாசன் இயக்கத்தில், ‘இறுதிப்பக்கம்’ படத்தின் வெற்றியைத் தொடர்ந்து அடுத்த படைப்பாக உருவாகியுள்ள ‘இறுதிப்பக்கம் 2’ படத்தின் ஃபர்ஸ்ட் லுக் வெளியாகியுள்ளது. முந்தைய படத்தின் மூலம் நேர்த்தியான மர்மம் மற்றும் எமோஷனல் திரில்லர் கதையை வழங்கிய இயக்குநர் மனோ வெ கண்ணதாசன், அதன் தொடர்ச்சியாக உருவாகியுள்ள இப்படத்திலும் பரபரப்பான திரில்லர் கதைக்களத்தை கையில் எடுத்துள்ளார். 

முன்னணி இளம் நடிகர் மணிகண்டன் இப்படத்தின் ஃபர்ஸ்ட் லுக்கை வெளியிட்டுள்ள நிலையில் ரசிகர்கள் மற்றும் திரை ஆர்வலர்கள் மத்தியில் பெரும் வரவேற்பை குவித்து வருகிறது.

இந்த ஃபர்ஸ்ட் லுக் போஸ்டரில் , ரத்த வெள்ளத்தில் தலைகீழாக கிடக்கும் பெண், அவரைச் சுற்றி சிதறிக் கிடக்கும் தட்டு, கத்தி, ஸ்பூன், ஃபோர்க், மரக்கரண்டி உள்ளிட்ட பொருட்களுடன், அந்த ரத்தக் காட்சியைக் கடந்து செல்லும் நீல நிற கார் என மர்மத்தையும் பதற்றத்தையும் ஒரே பார்வையில் கடத்தும் வகையில் வடிவமைக்கப்பட்டுள்ளது. குறிப்பாக, பெண்ணைச் சுற்றி பரவியிருக்கும் ரத்தம் காரின் பாதையாக நீளும் காட்சி, இந்தக் கொலையின் பின்னணியில் இருக்கும் மர்மத்தையும், கதையின் விசாரணைத் தன்மையையும் உணர்த்தும் வகையில் அமைந்துள்ளது. ‘இறுதிபக்கம் VOL.02 – FRESH BLOOD’ என்ற வாசகத்துடன் வெளியாகியுள்ள இந்த ஃபர்ஸ்ட் லுக், படம் ஒரு புதிய ரத்தம் தோய்ந்த மர்மம் மற்றும் பரபரப்பான திரில்லர் களத்தை கையில் எடுத்திருப்பதை உணர்த்தும் வகையில் அமைந்துள்ளது.

‘இறுதிப்பக்கம்’ திரைப்படம் மர்மம், விசாரணை மற்றும் எதிர்பாராத திருப்பங்களுடன் கூடிய எமோஷனல் திரில்லராக ரசிகர்களிடம் நல்ல வரவேற்பைப் பெற்ற நிலையில், அதன் அடுத்த பாகமான ‘இறுதிப்பக்கம் 2’வும் அதேபோன்று பரபரப்பான திரில்லர் களத்தில் உருவாகியுள்ளது. முந்தைய படத்தின் தொடர்ச்சியாக மட்டுமின்றி, புதிய கதைக்களத்துடன் ரசிகர்களுக்கு வித்தியாசமான அனுபவத்தை வழங்கும் வகையில் இப்படம் உருவாகியுள்ளது.

இப்படத்தின் மையக் கதையில் ஒரு கொலை நடைபெறுகிறது. அந்தக் கொலையை யார் செய்தார்கள் என்பதைக் கண்டுபிடிக்க ஒரு தரப்பு தீவிரமாகத் தேடுகிறது. அதே நேரத்தில், கொலையைச் செய்தவர்கள் தங்களுடைய குற்றம் வெளியில் தெரியாமல் இருப்பதற்காக அதை மறைக்க மற்றொரு தரப்பு முயற்சி செய்கிறது. இவ்வாறு, கொலையை கண்டுபிடிக்க முயலும் ஒரு தரப்புக்கும், அதை மறைக்க முயலும் மற்றொரு தரப்புக்கும் இடையே நடைபெறும் ஆடு–புலி ஆட்டமே இப்படத்தின் திரில்லர் பயணமாக அமைந்துள்ளது.

இந்த விசாரணைப் பயணத்துடன் கதாபாத்திரங்களின் உணர்வுகளையும் இணைத்து, எதிர்பாராத திருப்பங்களுடன் கூடிய பரபரப்பான திரைக்கதையாக ‘இறுதிப்பக்கம் 2’ உருவாகியுள்ளது. ‘இறுதிப்பக்கம்’ படத்தில் இருந்த திரில்லர் அனுபவத்தைப் போலவே, ரசிகர்களை தொடக்கம் முதல் இறுதிவரை கதைக்குள் அழைத்துச் செல்லும் வகையில் இப்படம் உருவாகியுள்ளது.

இப்படத்தில் ‘பாண்டியன் ஸ்டோர்ஸ்’ மற்றும் ‘குமார சம்பவம்’ புகழ் குமரன் தங்கராஜன், ஸ்மேகா, ராஜேஷ் பாலசந்திரன் ஆகியோர் முதன்மைப் பாத்திரங்களில் நடிக்கின்றனர். மேலும், அபிஷேக் ஜோசப், சத்யா உள்ளிட்ட பலர் முக்கிய கதாபாத்திரங்களில் நடித்துள்ளனர். இப்படத்திற்கு லோகேஷ் இளங்கோவன் ஒளிப்பதிவு செய்ய, ராம் பாண்டியன் படத்தொகுப்பு பணிகளை மேற்கொண்டுள்ளார். ஜோன்ஸ் ரூபர்ட் இசையமைத்துள்ளார்.

சென்னை மற்றும் பெரம்பலூர் உள்ளிட்ட பகுதிகளில் இப்படத்தின் படப்பிடிப்பு நடைபெற்றுள்ளது. கதையின் களம் நகரும் பகுதிகளின் இயல்பான சூழலைத் திரையில் பதிவு செய்யும் வகையில் படப்பிடிப்பு மேற்கொள்ளப்பட்டுள்ளது.

தற்போது இப்படத்தின் படப்பிடிப்பு முழுமையாக நிறைவடைந்து, இறுதிக்கட்ட பணிகள் நடைபெற்று வருகின்றன. படத்தின் இசை, ட்ரெய்லர் மற்றும் வெளியீட்டுத் தேதி குறித்த அறிவிப்புகள் விரைவில் அதிகாரப்பூர்வமாக வெளியாகும் என படக்குழு தெரிவித்துள்ளது.

 

*’பரீட்’ பர்ஸ்ட் லுக் போஸ்டர் வெளியானது ; தயாரிப்பாளர் எஸ்.ஆர் பிரபு, இயக்குநர் எஸ்.ஆர்.பிரபாகரன் மற்றும் நடிகர் ஆரி அர்ஜுனா ஆகியோர் வெளியிட்டனர்.* 

*‘8 தோட்டாக்கள்’ புகழ் வெற்றி கதாநாயகனாக நடிக்கும் ’பரீட்’ பர்ஸ்ட் லுக் போஸ்டர் வெளியானது.*  

ட்ரீம் ஹவுஸ் நிறுவனம் மற்றும் ஜெயின் கிரியேஷன்ஸ் தயாரிப்பில் உருவாகி வரும் படம் ‘பரீட்’ (Buried). ‘வெப்’ படத்தை இயக்கிய இயக்குநர் ஹாரூண் இந்த படத்தின் கதை எழுதி இயக்கியுள்ளார். 

‘8 தோட்டாக்கள்' புகழ் நடிகர் வெற்றி இப்படத்தில் கதாநாயகனாக ஒரு என்கவுண்டர் போலீஸ் அதிகாரி கதாபாத்திரத்தில் நடிக்கிறார். கதையின் நாயகியாக ஹைதராபாத்தை சேர்ந்த அக்சிதா நடிக்கிறார். சாந்தினி தமிழரசன், பாலாஜி சக்திவேல், சிங்கம் புலி, சரவணன் சுப்பையா, ‘லப்பர் பந்து’ ஜென்சன் திவாகர், கோடாங்கி வடிவேலு உள்ளிட்டோர் முக்கிய கதாபாத்திரங்களில் நடிக்கின்றனர்.

படத்திற்கு ஜான் ராபின்ஸ் இசையமைக்கிறார். படத்தின் ஒளிப்பதிவை கே.வி கிரண் கவனிக்கிறார். டான்பாஸ்கோ படத்தொகுப்பை மேற்கொள்ள, கலை இயக்கத்தை காந்தாரா உள்ளிட்ட படங்களில் பணியாற்றிய வேலு கவனித்திருக்கிறார். நடனத்தை ரிச்சி ரிச்சர்ட்சன் வடிவமைத்திருக்கிறார்.

என்கவுண்டர் ஸ்பெஷலிஸ்ட்டான போலிஸ் அதிகாரி ஒருவர் தன்னுடைய பணியில் என்னென்ன சவால்களை எதிர்கொள்கிறார், அதனால் அவரது குடும்ப வாழ்க்கையில் எந்தவிதமான பாதிப்புகளை சந்திக்கிறார், அதிலிருந்து எப்படி மீள்கிறார் என்பதை மையப்படுத்தி இன்வெஸ்டிகேஷன் திரில்லாராக இப்படம் உருவாகியுள்ளது.

இப்படத்தில் போலீஸை மையப்படுத்தி உருவாகியுள்ள ஒரு முக்கியமான பாடலை இயக்குநர் அருண்ராஜா காமராஜ் பாடியுள்ளார்..

சென்னை, கோவை, ஏற்காடு, கொடைக்கானல் உள்ளிட்ட இடங்களில் இதன் படப்பிடிப்பு நடைபெற்றுள்ளது. 

தற்போது இதன் பர்ஸ்ட் லுக் போஸ்டரை தயாரிப்பாளர் எஸ்.ஆர் பிரபு, இயக்குநர் எஸ்.ஆர்.பிரபாகரன் மற்றும் நடிகர் ஆரி அர்ஜுனா ஆகியோர் வெளியிட்டுள்ளனர். 

இதனைத் தொடர்ந்து, படத்தின் போஸ்ட் புரொடக்‌ஷன் பணிகள் அனைத்தும் நிறைவடைந்துள்ள நிலையில், இப்படம் விரைவில் திரையரங்குகளில் வெளியாகவுள்ளது.

 

‘கணம்’ படப் புகழ் இயக்குநர் ஸ்ரீ கார்த்திக், நடிகர் மற்றும் தயாரிப்பாளர் தேவ் ராம்நாத், ‘ரோமியோ’ பட இயக்குநர் விநாயக் வைத்தியநாதன் ஆகிய மூன்று நண்பர்கள் இணைந்து ஒரு திரைப்படம் தயாரிக்க எடுத்த முயற்சி, தற்போது அடுத்த முக்கிய கட்டத்தை எட்டியுள்ளது.

கடந்த சில மாதங்களாக, ஒரு திரைப்படத்தை உருவாக்கத் தொடங்குவதில் உள்ள சவால்கள், சரியான கதையைத் தேர்ந்தெடுப்பதில் ஏற்பட்ட சிரமங்கள், நிராகரிப்புகள், அதை‌ தாண்டி தாங்கள் நம்பிய கதையை கண்டறிந்து அதை சொந்த முயற்சியில் உருவாக்க அவர்கள் மேற்கொண்ட தொடர் போராட்டங்கள் என அனைத்தையும் ரீல்ஸ் (Reels) மூலமாக ஆவணப்படுத்தி வந்தனர்.

தற்போது இந்த நெகிழ்ச்சியான பயணத்தின் முக்கிய மைல்கல்லாக, இப்படத்தை பிரம்மாண்டமாகத் தயாரிக்க முன்னணி தயாரிப்பு நிறுவனம் இவர்களுடன் இணைந்துள்ளது.

அமலா அக்கினேனி, சர்வானந்த், ரிது வர்மா நடிப்பில் வெளியான ‘கணம்’ படத்தின் மூலம் இயக்குநராக அறிமுகமான ஸ்ரீ கார்த்திக், அறிவியல் புனைகதையையும் (Sci-Fi) குடும்ப உணர்வுகளையும் அழகாகக் கலந்து, தனக்கென ஒரு தனித்துவமான முத்திரையை பதித்தவர். அவரது அடுத்த படைப்பில் தேவ் ராம்நாத் மற்றும் விநாயக் வைத்தியநாதன் ஆகியோரின் கூட்டு பங்களிப்பும் இணைந்துள்ளது.

ஸ்ரீ கார்த்திக் இயக்கவுள்ள இந்த புதிய திரைப்படத்தை 'மேட்பாய்ஸ் என்டர்டெயின்மெண்ட்' (Madboys Entertainment) நிறுவனத்துடன் இணைந்து 'சிறுனி சினி கார்ப்பரேஷன்' (Siruni Cine Corporation) தயாரிப்பதாக அதிகாரப்பூர்வமாக அறிவிக்கப்பட்டுள்ளது.

தேவ் ராம்நாத் மற்றும் ஸ்ரீ கார்த்திக் தலைமையிலான 'மேட்பாய்ஸ் என்டர்டெயின்மெண்ட்', "I hate you I love you" மற்றும் "Childhood Diaries" போன்ற புகழ்பெற்ற இணையத் தொடர்கள் (Web Series) மற்றும் குறும்படங்கள் மூலம் ரசிகர்களிடையே பெரும் வரவேற்பைப் பெற்ற நிறுவனம் ஆகும். 

தற்போது இந்நிறுவனம் இத்திரைப்படத்தின் மூலம் திரையுலகில் தனது முதல் தயாரிப்பில் அடியெடுத்து வைக்கிறது. தேசிய விருது பெற்ற ‘சி ல சௌ’ (Chi La Sow) திரைப்படத்தை தயாரித்த 'சிறுனி சினி கார்ப்பரேஷன்' நிறுவனம், இணை‌தயாரிப்பாளராக இதில் கை கோர்த்துள்ளது.

இன்னும் பெயரிடப்படாத இத்திரைப்படத்தின் நடிகர்கள் மற்றும் தொழில்நுட்பக் கலைஞர்கள் குறித்த விவரங்கள் விரைவில் அதிகாரப்பூர்வமாக அறிவிக்கப்பட இருக்கிறது. மூன்று நண்பர்களின் திரை கனவாக தொடங்கிய இந்த பயணம், தற்போது வலுவான கூட்டணியுடன் வெற்றிகரமாக அடுத்த கட்டத்தை நோக்கி நகர தொடங்கி இருக்கிறது.