பிராண்ட் பிளிட்ஸ் எண்டர்டெய்ன்மெண்ட்-ன் சமீபத்திய இசை வெளியீடான ‘அன்னக்கிளி’, வாகீசன் ராசையாவின் முதல் ஆல்பமான _தமிழ் கிறுக்கனின் முதல் பாடல், ரசிகர்களின் இதயங்களை வென்று வருகிறது. வெளியான  72 மணி நேரத்தில் 3 மில்லியன் பார்வையாளர்களை கடந்து புதிய சாதனை படைத்துள்ளது.

வாகீசனால் எழுதி, பாடி, நடிக்கப்பட்ட ‘அன்னக்கிளி’, தனது சிறுவயது காதலிக்குக் காதலை தெரிவிக்கும் இளைஞனின் இனிமையான கதையை உயிர்ப்பிக்கிறது. கிராமிய தமிழ்நாட்டின் வண்ணமயமான பின்னணியில், இளம் காதலின் அப்பாவித்தனம், வெட்கம் மற்றும் விளையாட்டுத்தனமான கேலியை அழகாக படம்பிடிக்கிறது.

சமீபத்தில் எத்திராஜ் கல்லூரியில் Gen Z மாணவர்களிடமிருந்து இந்த பாடலுக்கு அமோக வரவேற்பு கிடைத்தது, இது குழுவை மேலும் உற்சாகப்படுத்தியுள்ளது.

Top Cooku Dupe Cooku நிகழ்ச்சி மூலம் பிரபலமான மோனிஷா பிளெஸ்ஸி, இந்த பாடலில் வாஹீசனுடன் அழகான கெமிஸ்ட்ரியை பகிர்ந்து பாடலுக்கு மேலும் அழகு சேர்க்கிறார்.

சிவ  பத்மயன் இசையமைத்துள்ள ‘அன்னக்கிளி’, மண்ணின் நாட்டுப்புற இசையையும் துடிப்பான ராப் இசையையும் கலந்து, பாரம்பரிய கிராமிய காதலுக்கு புதுமையான தொடுதலை கொடுக்கிறது. கிரிபாகர்ஜெய் ஜெ இயக்கியுள்ள இந்த வீடியோ, காதல் கதையின் இதயத்தை தக்கவைத்து, வேடிக்கையான, வண்ணமயமான மற்றும் இளமை துள்ளலுடன் உருவாக்கப்பட்டுள்ளது.

வாகீசன் மற்றும் பிராண்ட் பிளிட்ஸ் எண்டர்டெய்ன்மெண்ட்-க்கு ‘அன்னக்கிளி’ என்பது தமிழ் கிறுக்கன் உடனான ஐந்து பாடல்கள் கொண்ட இசைப் பயணத்தின் உற்சாகமான தொடக்கமாகும்.

புதுமையான  இசை, அழகான காதல் மற்றும் தவிர்க்க முடியாத நாட்டுப்புற இசையுடன், ‘அன்னக்கிளி’ பழைய பள்ளி காதலுக்கு இன்னும் Gen Z கூட்டம் இருப்பதை நிரூபிக்கிறது

டாக்டர். ஜெ.பி.லீலாராம், ராஜீ .க, சரவணன். பா , ரேகா . லீ தயாரிப்பில் உருவாகிய 'அன்னக்கிளி ' இப்போது பிராண்ட் பிளிட்ஸ் எண்டர்டெய்ன்மெண்ட் youtube சேனலில் ஒளிப்பரப்பப்படுகிறது

 

புதிய மருத்துவமனைகள் அமைத்தல், ஏற்கனவே உள்ள மருத்துவமனைகளை மேம்படுத்துதல், நோயாளிகளுக்கான மருத்துவச் சேவைகளை எளிதாக அணுகும் வகையில் வசதிகளை உருவாக்குதல் உள்ளிட்ட முக்கியப் பொறுப்புகளை உபாசனா காமினேனி கொனிடெலா மேற்கொள்ள உள்ளார்.

அப்போலோ மருத்துவமனைகள் இந்தியா முழுவதும் தனது மருத்துவக் கட்டமைப்பை மேலும் விரிவுபடுத்தும் வகையில், உபாசனா காமினேனி கொனிடெலாவை Director – Projects பொறுப்பில் நியமித்துள்ளது. அப்போலோ குழுமத்தின் தலைமை நிர்வாகம், மருத்துவக் குழுக்கள் மற்றும் திட்டப் பங்குதாரர்களுடன் இணைந்து, இந்தியா முழுவதும் செயல்படுத்தப்பட உள்ள மருத்துவமனைத் திட்டங்களின் திட்டமிடல் மற்றும் செயல்படுத்தும் பணிகளில் அவர் கவனம் செலுத்த உள்ளார்.

புதிய மருத்துவமனைகள் அமைத்தல், ஏற்கனவே செயல்பட்டு வரும் மருத்துவமனைகளின் விரிவாக்கம் மற்றும் மேம்படுத்துதல், நோயாளிகளுக்கான பகுதிகளில் ஒரே மாதிரியான வடிவமைப்புத் தர நிலைகளை உருவாக்குதல் ஆகியவை அவரது முக்கியப் பொறுப்புகளாக இருக்கும்.

மேலும், மருத்துவமனைகளில் தெளிவான வழிகாட்டிப் பலகைகள், எளிதான வழிகள், திறமையான மருத்துவப் பிரிவுகளின் அமைப்பு மற்றும் நோயாளிகள் மற்றும் அவர்களது குடும்பத்தினருக்கு வசதியான அனுபவத்தை வழங்கும் வகையிலான வடிவமைப்பு ஆகியவற்றிலும் அவர் கவனம் செலுத்த உள்ளார்.

வடிவமைப்பு முதல் மருத்துவமனை திறப்பு வரை அனைத்து கட்டங்களிலும் திட்டப் பணிகள் சீராக நடைபெறுவதை உறுதி செய்யும் வகையில், திட்ட மேலாண்மை நடைமுறைகள், அறிக்கை தயாரித்தல் மற்றும் பல்வேறு குழுக்களுக்கு இடையிலான ஒருங்கிணைப்பை மேம்படுத்துவதிலும் உபாசனா பணியாற்ற உள்ளார்.

அப்போலோ மருத்துவமனைகளின் தற்போதைய விரிவாக்கத் திட்டத்தின் மொத்த மதிப்பிடப்பட்ட திட்டச் செலவு சுமார் ₹8,600 கோடி ஆகும். இதில் ஏற்கனவே செயல்பட்டு வரும் மருத்துவமனைகளில் மேற்கொள்ளப்படும் சுமார் ₹1,565 கோடி மதிப்பிலான Brownfield Expansion Projects அடங்கும்.

நாட்டின் முக்கிய நகரங்களில் அப்போலோவின் மருத்துவச் சேவைத் திறனை அதிகரிப்பதுடன், வேகமாக வளர்ந்து வரும் நகர்ப்புறப் பகுதிகளில் புதிய மருத்துவமனைகளை அமைப்பதும் இந்தத் திட்டத்தின் நோக்கமாகும்.

வெளியிடப்பட்டுள்ள திட்ட விவரங்களின்படி, ஹைதராபாத், டெல்லி NCR, சென்னை, மும்பை மற்றும் பெங்களூரு உள்ளிட்ட நகரங்களிலும், லக்னோ, வாரணாசி, இந்தோர், குவாஹாத்தி மற்றும் ராஞ்சி உள்ளிட்ட நகரங்களிலும் பல்வேறு திட்டங்கள் செயல்படுத்தப்பட உள்ளன. உபாசனாவின் நேரடிப் பொறுப்பின் கீழ் வரும் குறிப்பிட்ட திட்டங்கள் மற்றும் அவற்றுக்கான பட்ஜெட் விவரங்கள் அப்போலோ மருத்துவமனைகளால் பின்னர் உறுதி செய்யப்படும்.

இந்த விரிவாக்கத்தின் மூலம் உயர்தரமான மருத்துவச் சேவைகளை மக்களுக்கு மேலும் எளிதாகவும், அணுகக்கூடிய வகையிலும் கொண்டு செல்வதே அப்போலோவின் நோக்கமாகும். ஒவ்வொரு பகுதியிலும் அமைக்கப்படும் மருத்துவமனை, நோயாளிகளுக்கு ஒரு முறை மட்டுமே பயன்படும் மருத்துவ வசதியாக இல்லாமல், தொடர்ந்து அவர்களுக்குத் தேவையான சிகிச்சை மற்றும் சுகாதாரச் சேவைகளை வழங்கும் மையமாக செயல்படும்.

அதே நேரத்தில், மருத்துவர்கள், செவிலியர்கள் மற்றும் பல்வேறு மருத்துவத் துறைகளில் பணியாற்றும் திறமையான நிபுணர்களுக்கு வேலைவாய்ப்புகளை உருவாக்குவதுடன், அவர்களைச் சார்ந்துள்ள குடும்பங்களுக்கும் இந்த விரிவாக்கம் வாய்ப்புகளை உருவாக்கும்.

மருத்துவமனை சிகிச்சையுடன் நோய்த் தடுப்பு மற்றும் ஆரம்பகட்ட நோய் கண்டறிதல் சேவைகளையும் தொடர்ந்து ஒருங்கிணைத்து, மக்கள் தங்களது உடல்நலத்தைப் பற்றி அதிகப் பொறுப்புடன் செயல்படுவதற்கு உதவுவது அப்போலோவின் நோக்கங்களில் ஒன்றாகும்.

அணுகக்கூடிய மற்றும் மலிவான மருத்துவச் சேவைகளுடன், சிறந்த மருத்துவத் தரத்தை இணைத்து வழங்குவதன் மூலம், உலகம் முழுவதிலுமிருந்து நோயாளிகள் நம்பிக்கையுடன் சிகிச்சைக்காக இந்தியாவைத் தேர்வு செய்யும் வகையில் இந்தியாவின் மருத்துவத் துறையின் வளர்ச்சிக்கும் பங்களிப்பதே அப்போலோவின் நீண்டகால நோக்கமாகும்.

இதுகுறித்து உபாசனா காமினேனி கொனிடெலா கூறுகையில்:

“எனது தாத்தா டாக்டர் பிரதாப் சி. ரெட்டி, உலகத் தரம் வாய்ந்த மருத்துவச் சேவைகள் இந்திய மக்களுக்கு எளிதில் கிடைக்க வேண்டும் என்ற நம்பிக்கையின் அடிப்படையில் அப்போலோவை உருவாக்கினார். அவர் கொண்டிருந்த அந்த நம்பிக்கையை நாம் உருவாக்கும் புதிய மருத்துவமனைகளிலும், மேம்படுத்தும் மருத்துவ வசதிகளிலும் தொடர்ந்து கொண்டு செல்வதே எனது பொறுப்பு.

ஒரு மருத்துவமனையின் சிறந்த வடிவமைப்பு என்பது மனிதர்களை மையமாகக் கொண்டதாக இருக்க வேண்டும். நோயாளிகள் எந்தவிதக் குழப்பமும் இல்லாமல் தங்களுக்குத் தேவையான இடத்தை எளிதில் கண்டறிய வேண்டும். குடும்பத்தினர் ஆதரவுடன் இருப்பதாக உணர வேண்டும். அதே நேரத்தில், மருத்துவர்கள் மற்றும் சிகிச்சைக் குழுவினர் சிறப்பான மருத்துவச் சேவையை வழங்குவதற்கு உதவும் வகையில் மருத்துவமனையின் இடவசதிகள் அமைக்கப்பட வேண்டும்.

அப்போலோ தொடர்ந்து வளர்ந்து வரும் நிலையில், ஒவ்வொரு திட்டமும் அந்தப் பகுதி மக்களுக்குப் பயனுள்ளதாக இருக்க வேண்டும். எங்களுடன் பணியாற்றும் மக்களுக்கு அர்த்தமுள்ள வாய்ப்புகளை உருவாக்க வேண்டும். மேலும், மக்கள் தங்களது உடல்நலத்தைத் தங்களது கட்டுப்பாட்டுக்குள் எடுத்துக்கொள்ள உதவ வேண்டும்.

சிந்தனைமிக்க வடிவமைப்பு, அக்கறையுடன் வழங்கப்படும் மருத்துவச் சேவை மற்றும் இந்தியாவின் மருத்துவத் துறையின் சிறப்பு ஆகிய மூன்றையும் ஒருங்கிணைத்து உலகிற்கு நாம் என்ன சாதிக்க முடியும் என்பதை வெளிப்படுத்தும் மிகப்பெரிய வாய்ப்பு நமக்கு உள்ளது.” என்றார்.

 

சஞ்சய் லீலா பன்சாலி விவரித்திருக்கும் பிரம்மாண்டமான லவ் & வார் திரைப்படத்திற்கான உலகத்தைப் பிரதிபலிக்கும் வகையில், ரன்பீர் கபூரின் இரண்டு புதிய தோற்றங்களைப் படக்குழுவினர் வெளியிட்டுள்ளனர்.

சஞ்சய் லீலா பன்சாலியின் லவ் & வார் திரைப்படம் அனைவரும் ஆவலுடன் எதிர்பார்க்கும் மிகப் பிரம்மாண்டமான படங்களில் ஒன்றாகும். ரன்பீர் கபூர் - ஆலியா பட் - விக்கி கவுஷல் ஆகிய மூன்று முன்னணி நட்சத்திரங்களை ஒன்றிணைக்கும் இந்தப் படைப்பு, ரசிகர்களுக்குத் தனித்துவமான திரைப்பட விருந்தாக அமையவுள்ளது.

படத்தைப் பற்றிய எதிர்பார்ப்புகள் தொடர்ந்து அதிகரித்து வரும் நிலையில், ரன்பீர் கபூர் தோன்றும் பிரமிக்கவைக்கும் முதல் போஸ்டரில் பன்சாலியின் உலகத்தைப் பார்வையாளர்களுக்கு படக்குழுவினர் அறிமுகப்படுத்தியுள்ளனர்.

அந்தப் போஸ்டரில் ரன்பீர் கபூர் மிகவும் வசீகரமான தோற்றத்தில் ஒரு தனித்துவமான கதாபாத்திரத்தை நுட்பமாக வெளிப்படுத்துகிறார். பன்சாலியின் பிரத்யேகமான பிரம்மாண்டமும், தனித்துவமான விவரங்களும் இந்தப் போஸ்டரில் இடம்பெற்றுள்ளன. திரையில் அவர் ஒரு மாயாஜாலத்தை உருவாக்கத் தயாராகி இருக்கிறார் என்பதை இது உணர்த்துகிறது.

இந்த உற்சாகத்தை மேலும் அதிகரிக்கும் வகையில், படக்குழுவினர் இரண்டாவது போஸ்டரையும் வெளியிட்டுள்ளனர். இது ரசிகர்களை இப்படம் காட்சிப்படுத்தும் உலகத்திற்குள் இன்னும் ஆழமாக அழைத்துச் செல்கிறது. முதல் போஸ்டர் ஒரு பிரம்மாண்டமான மாற்றத்தை உணர்த்தியது என்றால், இரண்டாவது போஸ்டர் ரன்பீர் கபூரின் தோற்றத்துடன் உணர்ச்சிகரமான பின்னணியையும் விவரிக்கிறது. பன்சாலியின் வழக்கமான நேர்த்தியான சினிமா பாணியுடன், இயல்பான, அழகான, ஆழமான உணர்வுகளை இணைக்கும் வகையில் அமைந்து, முற்றிலும் புதியதொரு காட்சி அனுபவத்தை ரசிகர்களுக்கு வழங்குகிறது.

இரண்டு போஸ்டர்களிலும் இடம்பெற்ற ஆற்றல்மிக்க பின்னணி இசையானது, பன்சாலியின் பிரம்மாண்டம் மற்றும் உணர்வுகளை வெளிப்படுத்தும் தனித்துவமான பாணியைச் சிறப்பாக வெளிப்படுத்துகிறது. அத்துடன், இந்தக் கூட்டணி புதிய எல்லைகளை ஏற்படுத்தி, அதனைக் கடந்து செல்லப் போவதையும் நிரூபிக்கிறது.

திரையரங்குகளில் காதல் மற்றும் உணர்ச்சிகரமான கதை அம்சத்தை பன்சாலி ஜீவனுள்ளதாக உருவாக்குவதைக் காண்பது என்பது எப்போதும் கண்கொள்ளாக் காட்சியாக அமையும். தற்போது வெளியிடப்பட்டுள்ள இரண்டு போஸ்டர்களும் இணையத்தில் பெரும் பரபரப்பை ஏற்படுத்தியுள்ள நிலையில், இந்தப் பிரம்மாண்ட படைப்பிற்கான எதிர்பார்ப்பு புதிய உச்சத்தை எட்டியுள்ளது.

சஞ்சய் லீலா பன்சாலி இயக்கத்தில், ரன்பீர் கபூர், ஆலியா பட், விக்கி கவுஷல் ஆகியோரது நடிப்பில் உருவாகும் 'லவ் & வார்' திரைப்படம், 2027 ஆம் ஆண்டு ஜனவரி மாதம் 21 ஆம் தேதி முதல் தமிழ், தெலுங்கு, இந்தி ஆகிய இந்திய மொழிகளில் உலகம் முழுவதும் வெளியாகிறது.

 

இயக்குநர் பா.இரஞ்சித் இயக்கத்தில் உருவாகியுள்ள 'வேட்டுவம்' திரைப்படத்தை Learn and Teach Production நிறுவனத்துடன் இணைந்து பா.இரஞ்சித்தின் Neelam Productions தயாரித்துள்ளது.

 இப்படத்தின் உலகத்தை அறிமுகப்படுத்தும் 'World of Vettuvam' வீடியோ வெளியாகியுள்ளது.

'World of Vettuvam' வீடியோ, தமிழ் மட்டுமின்றி இந்தி, தெலுங்கு, மலையாளம் மற்றும் கன்னடம் ஆகிய மொழிகளிலும் வெளியாகியுள்ளது.

 இப்படத்தின் PAN Indian வெளியீட்டை முன்னிறுத்தும் வகையில், இந்தி பதிப்பிற்கு நடிகர் Pankaj Tripathi, தெலுங்கு பதிப்பிற்கு நடிகர் Rana Daggubati, மலையாள பதிப்பிற்கு நடிகர் Soubin Shahir, கன்னட பதிப்பிற்கு நடிகர் Kiccha Sudeep ஆகியோர் குரல் கொடுத்துள்ளனர். 

தமிழ் பதிப்பிற்கு இயக்குநர் பா.இரஞ்சித் குரல் கொடுத்துள்ளார்.

அபோகலிப்ஸ் பின்னணியில், பிரம்மாண்டமான ஆக்ஷன் காட்சிகளுடன் உருவாகியுள்ள 'வேட்டுவம்', பல்வேறு குழுக்களுக்கிடையேயான போட்டி, மோதல்கள் மற்றும் அவற்றால் உருவாகும் எதிர்பாராத சம்பவங்களை மையமாகக் கொண்டு உருவாகியுள்ளது. தனித்துவமான உலக அமைப்புடன் உருவாகியுள்ள இப்படம், பிரம்மாண்டமான காட்சியமைப்புகளையும் வலுவான ஆக்ஷன் களத்தையும் கொண்டுள்ளது.

படத்தில் இடம்பெறும் ஆக்ஷன் காட்சிகள் அடிமுறை மற்றும் மால்கம் உள்ளிட்ட பாரம்பரிய தற்காப்புக் கலைகளின் அடிப்படையில் வடிவமைக்கப்பட்டுள்ளன. இதற்காக படத்தில் நடித்துள்ள அனைத்து நடிகர்களும் முறையான தற்காப்புக் கலைப் பயிற்சியைப் பெற்றுள்ளனர்.

 இதன் மூலம் ஆக்ஷன் காட்சிகளுக்கு இயல்பான தன்மையையும், வித்தியாசமான திரை அனுபவத்தையும் உருவாக்கியுள்ளனர்.

ஆர்யா, தினேஷ், ஷபீர், சோபிதா துலிபாலா, கலையரசன் உள்ளிட்ட முன்னணி நடிகர்கள் நடித்துள்ள இப்படம், பிரம்மாண்டமான  அதிரடியான ஆக்ஷன் மற்றும் கமர்ஷியல் அம்சங்களுடன் உருவாகியுள்ளது.

'வேட்டுவம்' திரைப்படம் தமிழ், தெலுங்கு, மலையாளம், கன்னடம் மற்றும் இந்தி ஆகிய ஐந்து மொழிகளில் வெளியாகும் PAN Indian திரைப்படமாக உருவாகியுள்ளது.

 திரைப்படத்தின் அறிவிப்பு வெளியானது முதலே, அதன் பிரம்மாண்டமான உலகம் மற்றும் பா.இரஞ்சித்தின் இயக்கம் குறித்த எதிர்பார்ப்பு இந்தியத் திரையுலகில் கவனத்தை ஈர்த்துள்ளது. இந்திய அளவில் கவனம் பெற்றுவரும் இயக்குநராக பா.இரஞ்சித் இருப்பதால், 'வேட்டுவம்' திரைப்படத்தின் அறிவிப்பும் பல்வேறு திரையுலக வட்டாரங்களில் குறிப்பிடத்தக்க எதிர்பார்ப்பை உருவாக்கியுள்ளது.

இப்படத்தின் தொழில்நுட்பக் குழுவில் கலை இயக்குநர் S.S. மூர்த்தி, ஒளிப்பதிவாளர் ரூபேஷ் ஷாஜி, படத்தொகுப்பாளர் செல்வா R.K., இசையமைப்பாளர் G.V. பிரகாஷ் குமார் மற்றும் ஸ்டண்ட் இயக்குநர் திலீப் சுப்பராயன் ஆகியோர் இடம்பெற்றுள்ளனர்.

திரைக்கதையை  எழுத்தாளர் சந்தோஷ் நாராயணன் இணைந்து எழுதியுள்ளார். வசனம் -  ப்ராங்ளின்.

World of Vettuvam' வீடியோ மூலம் இப்படத்தின் தனித்துவமான உலகம் ரசிகர்களுக்கு  படத்தின் மீதான எதிர்பார்ப்பை மேலும் அதிகரிக்கும் வகையில் அமைந்துள்ளது.

 

ஓசை பிலிம்ஸ் கலைவளரி சக இரமணதாஸ், மற்றும் சுகந்தினி இரமணதாஸ் அவர்களின் தயாரிப்பிலும், கயல் வின்சன்ட், TJ.பானு, சுதர்சன் ரவீந்திரன், செளமி முனசிங்க, நிழல்கள் ரவி, அருள்தாஸ் ஆகியோரின் நடிப்பிலும், சுகிர்தன் கிறிஸ்துராஜா மற்றும் ஜெனோசன் ராஜேஸ்வர் ஆகியோரின் இயக்கத்தில் மூன்று மொழிகளில் உருவாகி அண்மையில் உலகமெங்கும் திரையரங்குகளில் வெளியாகி மக்கள் மனதில் வரவேற்பை பெற்ற வெற்றித்திரைப்படமாக மாறியிருந்தது.

திரையரங்குகளை தொடர்ந்து இந்தியாவில் அமேசான் பிரைம் வீடியோ, OTT Plus, Shortflix, Tentkotta, Roopahala போன்ற பல முன்னனி OTT தளங்களில் திரைப்படம் வெளியாகியிருந்தது. 

இந்நிலையில் ‘அந்தோனி’ திரைப்படம் இன்று இலங்கை திரைப்படக்கூட்டுத்தாபனத்தினூடாக 2027ம் ஆண்டின் சிறந்த சர்வதேச திரைப்படப்பிரிவில் ஆஸ்கார் விருது விழாவிற்கான தேர்வுக்குழுவிற்கு அனுப்பியிருப்பதாக படக்குழு தெரிவித்திருக்கின்றனர். 

உலமறிந்த மாபெரும் இசைமேதை The Maestro என்ற அழைக்கப்படும் இசைஞானி இளையராஜாவின் இசையில் வரலாற்றில் முதல் இலங்கை தமிழ் திரைப்படம் எனும் பெருமைய கொண்ட இப்படைப்பிற்கு உலகளாவிய ரீதியில் மாபெரும் அங்கீகாரம் கிடைக்கும் என பலராலும் எதிர்பார்க்கப்படுகின்றது.

 

மில்லினியல்ஸ் தலைமுறை யுவன் ஷங்கர் ராஜாவின் இசையுடன் இணைந்து வளர்ந்தது நாம் அறிந்ததே. இன்றைய ஜென் சி (Gen Z) தலைமுறையும் சென்னையில் சமீபத்தில் நடைபெற்ற பிரம்மாண்ட நிகழ்ச்சியில் யுவன் ஷங்கர் ராஜாவின் இசையை கொண்டாடியது அனைவரையும் மகிழ்ச்சியில் ஆழ்த்தியது. 

திரையிசை உலகில் யுவன் ஷங்கர் ராஜா தனது பயணத்தைத் தொடங்கி கிட்டத்தட்ட மூன்று தசாப்தங்கள் கடந்துள்ள நிலையிலும், யுவனின் இசை தொடர்ந்து தலைமுறைகளைக் கடந்து பயணித்து வருகிறது. ஒரு தலைமுறையின் நினைவுகளோடு கலந்த பாடல்களும் இசைக் கோவைகளும், இன்று மற்றொரு தலைமுறையால் கண்டறியப்பட்டு, பகிரப்பட்டு, அவர்களுக்கே உரியதாக கொண்டாடப்பட்டு வருகிறது.

செப்டம்பர் 19 அன்று நடைபெற்ற ‘Walking Through the Rainbow’ நிகழ்ச்சி இரு தலைமுறைகளையும் ஒரே அரங்கில் இணைத்தது. யுவன் ஷங்கர் ராஜாவின் பின்னணி இசைகள், இசை மையக்கருக்கள் மற்றும் இதுவரை வெளியிடப்படாத இசைப் படைப்புகள் என அனைத்தும் இணைந்த ஒரு முழுமையான சிம்பொனி கச்சேரியாக இந்த நிகழ்ச்சி அமைந்தது.

மிகப்பெரிய இசை மரபின் வாரிசாக, இசைஞானி இளையராஜாவின் மகனாகப் பிறந்த யுவன் ஷங்கர் ராஜா, தனக்கென முற்றிலும் தனித்துவமான இசை மொழியை தேர்ந்தெடுத்து அதில் தொடர்ந்து வெற்றிகரமாக பயணித்து வருகிறார்.

எலக்ட்ரானிக் இசை, ஹிப்-ஹாப், R&B, புதுமையான குரல் பயன்பாடுகள் மற்றும் பல்வேறு இசை வகைகளின் கலவை என, யுவனின் இசைப் பயணம் எப்போதும் பரிசோதனையையும் புதுமையையும் முன்னிறுத்தியதாகவே இருந்துள்ளது.

பல தருணங்களில், ஒரு டிரண்ட் செட்டராகவே யுவன் திகழ்ந்து வருகிறார். தமிழ் சினிமாவின் ரீமிக்ஸ் கலாச்சாரத்திற்குப் புத்துயிர் அளித்ததில் இருந்து, பின்னணி இசையைத் திரைப்படத்தையும் தாண்டி ரசிகர்கள் தனியாகக் கேட்டு ரசிக்கும் அலையாக மாற்றியது வரை, திரை இசை உருவாக்கப்பட்டு, வெளியிடப்பட்டு, நுகரப்படும் விதத்தின் எல்லைகளை யுவன் தொடர்ந்து விரிவாக்கினார்.

'வாக்கிங் த்ரூ தி ரெயின்போ' அந்தத் தேடலின் அடுத்த கட்டமாகும். இம்முறை, திரைக்குப் பின்னால் இருந்த பின்னணி இசை மேடையின் மையப் பகுதிக்கு வந்து, ஒரு முழுமையான சிம்போனி அனுபவத்தின் இதயத் துடிப்பாக மாறியது.

யுவனின் பின்னணி இசைக் கோர்வைகள் 'பேங்காங் 28 ஆர்கெஸ்ட்ரா' (Bangkok 28 Orchestra) கலைஞர்களால் பயிற்சி செய்யப்பட்டு வாசிக்கப்பட்டு, அவரது சினிமா இசைக்கு ஒரு முழுமையான சர்வதேச சிம்போனி பரிமாணத்தைக் கொடுத்தது. 'தி இந்தியன் கோரல் என்செம்பிள்' (The Indian Choral Ensemble), யுவனின் சொந்த இசைக்குழு மற்றும் இந்தியத் தொழில்நுட்பக் கலைஞர்கள் இணைந்து இந்த இசை நிகழ்ச்சியை முழுமைப்படுத்தினர்.

இசை, ஒலி அமைப்பு, மேடை வடிவமைப்பு, ஒளிப்பதிவுத் தொழில்நுட்பம் மற்றும் காட்சி வழிக் கதைசொல்லல் ஆகியவற்றை ஒருங்கிணைத்து, 'லூனர்ஸ் டேலண்ட் மேனேஜ்மென்ட்' (Luners Talent Management) நிறுவனம், 'நாய்ஸ் & கிரைன்ஸ்' (Noise & Grains) நிறுவனத்துடன் இணைந்து இந்நிகழ்ச்சியை மிகம்மாண்டமாகத் தயாரித்திருந்தது.

யுவனின் குழுவைச் சேர்ந்த ஜஃப்ரூன் நிஜார் மற்றும் அபிஷேக் ரங்கநாதன் ஆகியோரின் ஆக்கப்பூர்வமான பங்களிப்போடு, தயாரிப்புக் குழுவினர் இணைந்து இந்த நிகழ்ச்சியை அற்புதமாகச் வடிவமைத்திருந்தனர்.

"ரசிகர்கள் தனது இசையை முற்றிலும் வேறுபட்ட கோணத்தில் அனுபவிக்க வேண்டும் என்பதே யுவன் சாரின் விருப்பமாக இருந்தது. அதை நிறைவேற்ற நாங்கள் உருவாக்கிய ஒவ்வொன்றும் ரசிகர்களை அந்த இசை உலகிற்குள் ஆழமாகக் அழைத்துச் செல்வதையே நோக்கமாகக் கொண்டிருந்தது," என்று நிகழ்ச்சி இயக்குநர் கார்த்திக் ஸ்ரீனிவாஸ் கூறினார்.

"இது ஒரு தொடக்கம் மட்டுமே. மேலும் பல பின்னணி இசைக் கோர்வைகள், புதிய அத்தியாயங்கள் மற்றும் பிரமாண்டமான அனுபவங்களோடு இந்த இசைப் பயணம் அடுத்தடுத்த கட்டங்களுக்கு வளரும்," என்று தயாரிப்பு இயக்குநர் மகாவீர் தெரிவித்தார்.

 

அருட்செல்வர் ஏபி நாகராஜன் இயக்கத்தில் நடிகர் திலகம் சிவாஜி கணேசன் நடித்த திரைப்படம் எப்படிப்பட்ட வெற்றியை குவித்த திரைப்படம் என்பது எல்லோரும் அறிந்த ஒன்று

சிவாஜி, சாவித்திரி, டி எஸ் பாலையா முத்துராமன், நாகேஷ், தேவிகா ஆகியோர் நடித்துள்ள இப்படத்திற்கு கவிஞர் கண்ணதாசன் பாடல்கள் எழுத இசை அமைத்தவர் கே வி மகாதேவன்

மாபெரும் வெற்றி படமாக அமைந்த அந்தப் படத்தை நீண்ட இடைவேளைக்குப்  பிறகு ஸ்ரீ பால விநாயகர் பிக்சர்ஸ் சார்பில் ஜி. லதா மறு வெளியீடு செய்ய இருக்கிறார். அதை ஒட்டி திருவிளையாடல் படத்தினுடைய ட்ரெய்லர் வெளியீட்டு விழா வரும் அக்டோபர் மாதம் ஒன்றாம் தேதி  வியாழக்கிழமை நடிகர் திலகம் சிவாஜியின் 99 ஆவது பிறந்தநாள் அன்று காசினோ தியேட்டரில் நடைபெற இருக்கிறது

திருவிளையாடல் பட தயாரிப்பாளர் ஏ.பி. நாகராஜனின் மகனான ஏ.என். பரமசிவம், நடிகரும் படத் தயாரிப்பாளருமான சித்ரா லட்சுமணன், நடிகர் மகேந்திரன் , நடிகர் இளவரசு, நடிகை வடிவுக்கரசி, நடிகரும் இயக்குனருமான அண்ணாதுரை கண்ணதாசன், கதாசிரியரும் இயக்குனருமான பூபதி ராஜா , முனைவர் மருது மோகன் ஆகியோர் இந்த விழாவிலே கலந்து கொண்டு சிறப்புரையாற்ற இருக்கின்றனர்

 

இந்தியாவின் முன்னணி உணவக நிறுவனங்களில்  ஒன்றான வசந்த பவன் ஹோட்டல்ஸ் இந்தியா பிரைவேட் லிமிடெட் சார்பில், ஊழியர்களுக்கான சிறப்பு ரத்ததான முகாம் சென்னை சாலிகிராமத்தில் உள்ள விபி வேர்ல்டு (VB World) வளாகத்தில் நடைபெற்றது. இந்த முகாமில் 400-க்கும் மேற்பட்ட ஊழியர்கள் ஆர்வத்துடன் பங்கேற்று ரத்ததானம் செய்தனர்.

செப்டம்பர் 22 (செவ்வாய்க்கிழமை) காலை 10 மணி முதல் மாலை 4 மணி வரை நடைபெற்ற இந்த ரத்ததான முகாம், சமூக நலனுக்கு பங்களிக்கும் நோக்கிலும், ஊழியர்களிடையே தன்னார்வ ரத்ததானத்தின் முக்கியத்துவத்தை ஊக்குவிக்கும் வகையில் ஏற்பாடு செய்யப்பட்டது. கடந்த ஐந்து ஆண்டுகளாக தொடர்ந்து மேற்கொள்ளப்பட்டு வரும் இந்த முன்னெடுப்பு, சமூக அக்கறை மற்றும் சேவை மனப்பான்மையை வளர்ப்பதில் வசந்த பவனின் தொடர்ச்சியான செயல்பாடுகளை எடுத்துக்காட்டும் வகையில் அமைந்துள்ளது.

இந்த நிகழ்வில் வசந்த பவன் ஹோட்டல்ஸ் இந்தியா பிரைவேட் லிமிடெட் நிறுவனத்தின் தலைவர் திரு. ரவி முத்துக்கிருஷ்ணன் பங்கேற்றார். நிறுவனத்தின் இயக்குநர் திருமதி ரிஷிதா ரெட்டியும் முகாமில் கலந்து கொண்டார்.

நிகழ்வில் பேசிய வசந்த பவன் ஹோட்டல்ஸ் இந்தியா பிரைவேட் லிமிடெட் நிறுவனத்தின் தலைவர் திரு. ரவி முத்துக்கிருஷ்ணன், தன்னார்வ ரத்ததானத்தின் முக்கியத்துவத்தையும், சமூகத்தின் சுகாதாரத் தேவைகளுக்கு இதுபோன்ற கூட்டு முயற்சிகள் வழங்கும் பங்களிப்பையும் எடுத்துரைத்தார்.

“இந்த ரத்ததான முகாமில் 400-க்கும் மேற்பட்ட ஊழியர்கள் பங்கேற்றிருப்பது மிகுந்த மகிழ்ச்சியளிக்கிறது. ஊழியர்களின் ஆர்வமும் சமூக அக்கறையும் இந்த முயற்சியின் வெற்றிக்கு முக்கிய காரணமாக அமைந்துள்ளது. இதை மேலும் விரிவுபடுத்தும் வகையில், அடுத்த கட்டமாக 1,000 ரத்ததானங்களை இலக்காகக் கொண்டு செயல்பட்டு வருகிறோம். மேலும் பல ஊழியர்கள் தன்னார்வத்துடன் முன்வந்து இந்த நற்பணியில் இணைவார்கள் என நம்புகிறோம்,” என்று அவர் தெரிவித்தார்.

“ரத்தம் கொடுப்போம்; நம்பிக்கையை வழங்குவோம்” என்ற கருத்தை மையமாகக் கொண்ட இந்த முயற்சி, ஒருவரின் சிறிய பங்களிப்புகூட உதவி தேவைப்படும் மற்றொருவரின் வாழ்க்கையில் மிகப்பெரிய நம்பிக்கையை ஏற்படுத்த முடியும் என்பதை எடுத்துக்காட்டுகிறது.

இத்தகைய சமூக அக்கறை கொண்ட செயல்பாடுகள் மூலம், ஊழியர்களை பணிக்கு அப்பாற்பட்டு சமூகத்தின் நலனுக்காக பங்களிக்கவும் வசந்த பவன்  தொடர்ந்து ஊக்குவித்து வருகிறது.