படப்பிடிப்பு முடிந்த பிறகும் சில கதாபாத்திரங்கள் நடிகர்களின் மனதை விட்டு எளிதில் நீங்குவதில்லை. நடிகை ஸ்ரீதேவிக்கு ‘ஹைக்கூ’ திரைப்படம் அப்படியொரு அனுபவமாக அமைந்துள்ளது. தெலுங்கில் அறிமுகமான ‘கோர்ட்: ஸ்டேட் வெர்சஸ் நோபடி’ படத்தின் மூலம் கவனம் ஈர்த்த ஸ்ரீதேவி, யுவராஜ் சின்னசாமி இயக்கத்தில், அக்டோபர் 23 அன்று உலகம் முழுவதும் திரையரங்குகளில் வெளியான ‘ஹைக்கூ’ திரைப்படத்தின் மூலம் தமிழ்த் திரையுலகில் அறிமுகமாகியுள்ளார் . பத்திரிகையாளர்கள், ஊடகத்தினருக்காகத் திரையிடப்பட்ட முன்னோட்டக் காட்சிகள் மற்றும் திரையரங்குகளில் படம் பார்த்த ரசிகர்களும் தனது நடிப்பை பாராட்டி வருவது மகிழ்ச்சியளிப்பதாக தெரிவித்துள்ளார் ஸ்ரீதேவி. 

படம் குறித்து ஸ்ரீதேவி பகிர்ந்து கொண்டதாவது, “‘ஹைக்கூ’ படத்தில் என்னுடைய கதாபாத்திரம் ரசிகர்களுக்கு நிச்சயம் பிடிக்கும் என எதிர்பார்த்தேன். நான் எதிர்பார்த்தது போலவே, படத்தின் முன்னோட்டக் காட்சிகளிலேயே, குறிப்பாகப் பத்திரிகையாளர்கள் மற்றும் ஊடகத்தினரிடமிருந்தும் ரசிகர்களிடம் இருந்தும் நல்ல வரவேற்பு கிடைத்து வருகிறது. ஒரு நடிகையாக நம் பணியை ரசிகர்கள் கொண்டாடுவதுதான் நமக்கு மனநிறைவு தரும். அந்த உணர்வை ‘ஹைக்கூ’ திரைப்படம் வெளியாவதற்கு முன்பும் வெளியான பின்பும் கொடுத்திருக்கிறது”.

மேலும், “இயக்குநர் யுவராஜ் கதையைச் சொன்னபோதே என் கதாபாத்திரத்தில் உணர்வுப்பூர்வமான பல அடுக்குகள் இருப்பதை உணர்ந்தேன். சில நாட்களில் படப்பிடிப்பை முடித்துவிட்டு வீட்டுக்குத் திரும்பினாலும், டப்பிங் பணிகளை முடித்த பிறகும்கூட அந்தக் கதாபாத்திரத்திலிருந்து என்னால் எளிதாக வெளிவர முடியவில்லை. அந்தக் கதாபாத்திரத்தை இன்னும் என்னுள் சுமந்து கொண்டிருக்கிறேன். அந்த வகையில், ‘ஹைக்கூ’ திரைப்படத்தில் நடித்த அனுபவம் எனக்கு பொக்கிஷம். இந்த வாய்ப்பை எனக்கு கொடுத்த தயாரிப்பாளர்களுக்கும் இயக்குநருக்கும் உடன் பணிபுரிந்த அனைவருக்கும் எனது மனமார்ந்த நன்றிகள்” என்றார்.

யுவராஜ் சின்னசாமி எழுதி இயக்கியிருக்கும் இப்படத்தில் ஏகன், ஸ்ரீதேவி மற்றும் ஃபெமினா ஜார்ஜ் ஆகியோர் முன்னணி கதாபாத்திரங்களில் நடித்துள்ளனர். இவர்களுடன் அதிர்ச்சி அருண், சுப்பிரமணிய சேது, அதியமான், மைம் கோபி மற்றும் இந்துமதி மணிகண்டன் உள்ளிட்ட பலரும் முக்கியக் கதாபாத்திரங்களில் நடித்துள்ளனர்.

விஷன் சினிமா ஹவுஸ் நிறுவனத்தின் சார்பில் டாக்டர் டி. அருளானந்து மற்றும் மேத்யூ அருளானந்து ஆகியோர் இப்படத்தைத் தயாரித்துள்ளனர். சித்து குமார் இசையமைத்துள்ள இப்படத்திற்கு பிரியேஷ் குருசாமி ஒளிப்பதிவு செய்துள்ளார். சக்தி பிரணீஷ் பி படத்தொகுப்புப் பணிகளை மேற்கொண்டுள்ளார். ஹரிஹரன் ராம் கூடுதல் திரைக்கதையில் பங்களித்துள்ளார். தமிழக வெளியீட்டுப் பணிகளை சக்தி ஃபிலிம் ஃபேக்டரியின் பி. சக்திவேலன் மேற்கொண்டுள்ளார்.

 

வசீகரமான தோற்றம் மற்றும் திறமையான நடிப்பால் ரசிகர்களை ஈர்த்துள்ள நடிகை ஃபெமினா ஜார்ஜ், ‘ஹைக்கூ’ படத்தின் மூலம் ஆழமான உணர்வுகளை வெளிப்படுத்தும் கதாபாத்திரத்தில் நடித்துள்ளார். ஏகன், ஸ்ரீதேவி மற்றும் ஃபெமினா ஜார்ஜ் முதன்மை கதாபாத்திரத்தில் நடித்துள்ள இந்தத் திரைப்படம் இன்று உலகம் முழுவதும் திரையரங்குகளில் வெளியாகியுள்ளது. பெண்களின் உணர்வுகள் தலைமுறைகளைக் கடந்தும் மாறாமல் இருப்பது குறித்தும், யுவராஜ் சின்னசாமி இயக்கியுள்ள இப்படத்தில் தனக்குக் கிடைத்துள்ள முக்கியத்துவம் வாய்ந்த கதாபாத்திரம் குறித்தும், தமிழ்த் திரையுலகில் அறிமுகமாவது குறித்த அனுபவங்களையும் பகிர்ந்துகொள்கிறார் நடிகை ஃபெமினா ஜார்ஜ்.

தனது கதாபாத்திரம் குறித்துப் பேசிய நடிகை ஃபெமினா ஜார்ஜ் பகிர்ந்து கொண்டதாவது, “தமிழ்த் திரையுலகில் அறிமுகமாவது எனது கனவாக இருந்தது. அந்த வாய்ப்பு ‘ஹைக்கூ’ போன்ற நம்பிக்கையளிக்கும் படத்தின் மூலம் கிடைத்திருப்பதுடன், உணர்வுப்பூர்வமான பல அடுக்குகளைக் கொண்ட முக்கியத்துவம் வாய்ந்த கதாபாத்திரத்தில் நடிக்கவும் வாய்ப்பு கிடைத்திருப்பது மகிழ்ச்சி. எனது கதாபாத்திரம் பெண்களின் ஆழமான உணர்வுகளைப் பிரதிபலிக்கிறது. காலம் மாறும்போது பெண்களின் இயல்பும் எதிர்பார்ப்புகளும் மாறிவிடுவதாகப் பலரும் நினைக்கிறார்கள். ஆனால், இத்தனை மாற்றங்களுக்குப் பின்னாலும் சில உணர்வுகள் காலத்தால் அழியாமல் அப்படியே நிலைத்திருக்கின்றன என்பதே எனது கருத்து.

ஒரு பெண்ணின் உணர்வுகள், தான் பெற வேண்டும் என்று விரும்பும் அன்பு, ஓர் ஆணிடம் அவள் எதிர்பார்க்கும் குணங்கள் ஆகியவை தலைமுறைகள் மாறினாலும் பெரிதாக மாறுவதில்லை. இதுவே ‘ஹைக்கூ’ படத்தில் என் கதாபாத்திரத்தின் சுருக்கம். இதுபோன்ற உணர்வுகள் பெரும்பாலும் பெண் இயக்குநர்களின் பார்வையில் படமாக்கப்படுவதை நாம் பார்த்திருக்கிறோம். ஆனால், இயக்குநர் யுவராஜ் சின்னசாமி எனது கதாபாத்திரத்தைப் புரிதலுடனும் உணர்வுப்பூர்வமான அணுகுமுறையுடனும் கையாண்டிருப்பது மிகவும் மகிழ்ச்சியளிக்கிறது.

என் மீது நம்பிக்கை வைத்து இந்த வாய்ப்பு கொடுத்த தயாரிப்பாளர்கள், இயக்குநர் மற்றும் ஒட்டுமொத்த படக்குழுவினருக்கும் எனது நன்றியைத் தெரிவித்துக்கொள்கிறேன். ‘ஹைக்கூ’ படத்தைப் பார்த்துவிட்டு ரசிகர்கள் முகத்தில் புன்னகையுடனும், கண்களில் லேசான கண்ணீருடனும், திரையரங்கை விட்டு வெளியேற வேண்டும் என்று விரும்புகிறேன். அந்த உணர்வுகள் திரையரங்கை விட்டு வெளியேறிய பிறகும் அவர்களுடன் இருக்க வேண்டும். என்னைப் பொறுத்தவரை, ஒரு திரைப்படத்தின் அழகே அதுதான். அது நமக்குள் இருக்கும் ஏதாவது ஒரு உணர்வை தூண்டி, மகிழ்ச்சியான மனதுடன் நம்மை வீட்டுக்கு அனுப்ப வேண்டும்” என்றார். 

யுவராஜ் சின்னசாமி எழுதி இயக்கியிருக்கும் இப்படத்தில் ஏகன், ஸ்ரீதேவி மற்றும் ஃபெமினா ஜார்ஜ் ஆகியோர் முன்னணி கதாபாத்திரங்களில் நடித்துள்ளனர். இவர்களுடன் அதிர்ச்சி அருண், சுப்பிரமணிய சேது, அதியமான், மைம் கோபி மற்றும் இந்துமதி மணிகண்டன் உள்ளிட்ட பலரும் முக்கியக் கதாபாத்திரங்களில் நடித்துள்ளனர்.

விஷன் சினிமா ஹவுஸ் நிறுவனத்தின் சார்பில் டாக்டர் டி. அருளானந்து மற்றும் மேத்யூ அருளானந்து ஆகியோர் இப்படத்தைத் தயாரித்துள்ளனர். சித்து குமார் இசையமைத்துள்ள இப்படத்திற்கு பிரியேஷ் குருசாமி ஒளிப்பதிவு செய்துள்ளார். சக்தி பிரணீஷ் பி படத்தொகுப்புப் பணிகளை மேற்கொண்டுள்ளார். ஹரிஹரன் ராம் கூடுதல் திரைக்கதையில் பங்களித்துள்ளார். தமிழக வெளியீட்டுப் பணிகளை சக்தி ஃபிலிம் ஃபேக்டரியின் பி. சக்திவேலன் மேற்கொண்டுள்ளார்.

 

'ரெபெல் ஸ்டார்' பிரபாஸ் - இயக்குநர் ஹனு ராகவபூடி - மைத்ரி மூவி மேக்கர்ஸ் - டி-சீரிஸ் கூட்டணியில் தயாராகி, பான் இந்திய அளவில் பெரும் எதிர்பார்ப்பில் உள்ள 'ஃபௌஜி' திரைப்படத்திலிருந்து, 'ஃபைல் நம்பர் 25' என்ற பெயரில் சக்திவாய்ந்த வரலாற்றுப் பின்னணியைக் கொண்ட முன்னோட்டம் வெளியாகியுள்ளது. தேசபக்தியின் காவியக் கதையாகத் தயாராகியுள்ள இந்தத் திரைப்படம் 2027 மார்ச் 19ஆம் தேதி முதல் திரையரங்குகளில் வெளியாகிறது.

படைப்பாற்றல் மிக்க திரைப்பட இயக்குநரான ஹனு ராகவபூடி இயக்கத்தில், மைத்ரி மூவி மேக்கர்ஸ் நிறுவனத்தின் தயாரிப்பில், டி-சீரிஸ் நிறுவனம் வழங்கும் பிரம்மாண்டமான பீரியட் ஆக்‌ஷன் திரைப்படமான 'ஃபௌஜி'யில், 'ரெபெல் ஸ்டார்' பிரபாஸ் இதுவரை ஏற்றிராத ஒரு கதாபாத்திரத்தில் நடித்திருக்கிறார். இந்தத் திரைப்படத்தைத் தயாரிப்பாளர்கள் நவீன் யெர்னேனி, Y. ரவிசங்கர், பூஷன் குமார் ஆகியோர் இணைந்து தயாரித்துள்ளனர். இந்தப் படத்தின் தலைப்பு மற்றும் வெளியீட்டுத் தேதி தொடர்பான போஸ்டர்கள் ஏற்கெனவே ரசிகர்களிடையே வலுவான தாக்கத்தை ஏற்படுத்தியுள்ளன. இந்நிலையில், பிரபாஸின் பிறந்தநாளை முன்னிட்டு, தயாரிப்பாளர்கள் 'ஃபைல் நம்பர் 25' எனும் சக்திவாய்ந்த புதிய முன்னோட்டத்தை வெளியிட்டுள்ளனர். இது அவரது கதாபாத்திரத்தின் அடையாளம், புத்திசாலித்தனம், அசாதாரணமான நோக்கம் ஆகியவற்றைப் பற்றிய சுவாரசியமான விவரங்களை வெளிப்படுத்துகிறது.

இரண்டாம் உலகப் போரின் பின்னணியில் அமைந்துள்ள இந்த முன்னோட்டம், 1942 மே 29ஆம் தேதி பெர்லினில் நேதாஜி சுபாஷ் சந்திர போஸ் - அடால்ஃப் ஹிட்லர் ஆகியோருக்கு இடையே நடைபெற்ற வரலாற்றுச் சிறப்புமிக்க சந்திப்புடன் தொடங்குகிறது. இந்தியாவில் பிரிட்டிஷ் காலனி ஆதிக்கத்திற்கு எதிரான போராட்டத்தில், போஸ் ஜெர்மனியின் ஆதரவைக் கோருகிறார். இது, கிட்டத்தட்ட இரண்டு நூற்றாண்டு கால அடக்குமுறைக்குப் பிறகு சுதந்திரம் பெறுவதற்கான சாத்தியக்கூறுகள் குறித்த விறுவிறுப்பான உரையாடலுக்கு வழிவகுக்கிறது. இந்தியாவால் பிரிட்டிஷ் பேரரசை வெல்ல முடியுமா என்று ஹிட்லர் கேள்வி எழுப்புகிறார். அதற்குச் சுபாஷ் சந்திர போஸ், 'சுதந்திரம் அடைவதற்கான உறுதியை ஒருபோதும் அணைக்க முடியாது' என்று உறுதியாகக் கூறுகிறார்.

ராணுவ வலிமையைவிட உளவுத்துறை வலிமைமிக்கதாக நிரூபிக்க முடியும் என்று போஸ் வாதிடும்போது, இந்த உரையாடல் எதிர்பாராத சுவாரசியமான திருப்பத்தை அடைகிறது. தனது கருத்தை வலுப்படுத்தும் வகையில், கவனமாகத் திட்டமிடப்பட்ட செயல்பாடுகள் மூலம் பிரிட்டிஷ் உளவுத்துறைக்குள் பெரும் குழப்பத்தை ஏற்படுத்திவரும் ஓர் அசாதாரணமான இந்திய உளவாளியின் கதையை அவர் அறிமுகப்படுத்துகிறார். இந்த மர்மமான நபர், தனது அடையாளத்தை வெளிப்படுத்தாமல், ராணுவப் படைகளைத் திசைதிருப்பி, முக்கியப் பணிகளைச் சீர்குலைத்து, காலனித்துவ நிர்வாகத்தை மீண்டும் மீண்டும் சாமர்த்தியமாக முறியடித்தார் என கூறப்படுகிறது.

இந்தக் காட்சி, அந்தக் கதாபாத்திரத்தின் தனித்துவமான தகவல் தொடர்பு அமைப்பின் மூலம் அவருக்கு மற்றொரு வசீகரமான பரிமாணத்தை வழங்குகிறது. பகவத் கீதையால் ஈர்க்கப்பட்ட அந்த ரகசியக் குறியீடு, ஜெர்மனியின் 'எனிக்மா' குறியீட்டைவிடவும் புரிந்துகொள்வதற்கு மிகவும் கடினமானது என விவரிக்கப்படுகிறது. அந்த உளவாளியின் செல்வாக்கு அதிகரித்து வந்தபோதிலும், பிரிட்டிஷார் அவனது உண்மையான அடையாளத்தை அறியாமல் இருப்பதாக போஸ் வெளிப்படுத்துகிறார். இதன் மூலம், அந்த உளவாளி நிழலில் இயங்கும் ஒரு வலிமைமிக்க சக்தியாகச் சித்தரிக்கப்படுகிறார்.

'ஃபைல் நம்பர் 25' முன்னோட்டத்தின் மிகவும் ஈர்க்கக்கூடிய தருணங்களில் இந்த அடையாள வெளிப்பாடும் ஒன்றாகும். பிரிட்டிஷாரால் 'ஃபௌஜி' என அறியப்படும் அந்த வீரனின் உண்மையான பெயர் புதிராகவும் மர்மமாகவும் உள்ளது. 1932 முதல் காலனித்துவ அதிகாரிகளால் தேடப்பட்டுவரும் அவன், தனது தாய்நாட்டைப் பாதுகாப்பதையே நோக்கமாகக் கொண்ட அச்சமற்ற புரட்சியாளனாகச் சித்தரிக்கப்படுகிறான். பிடிபடாத அந்த உளவாளி தற்போது கல்கத்தாவில் பிரிட்டிஷ் ஆட்சிக்கு எதிரான தனது போராட்டத்தைத் தொடர்கிறான் என்றும் போஸ் விரிவாக எடுத்துரைக்கிறார்.

அந்தக் காட்சியின் இறுதியில் பிரபாஸின் அதிரடியான திரைத் தோற்றம் இடம்பெறுகிறது. காலனித்துவ அதிகாரத்திடம் சரணடைய மறுக்கும் இரக்கமற்ற புரட்சிவீரனாக அவர் உருமாறுகிறார். உதடுகளுக்கு இடையே ஒரு சிகரெட்டையும், கையில் ஒரு பெரிய துப்பாக்கியையும் ஏந்தியபடி, அவர் அப்பட்டமான ஆக்ரோஷத்தையும் எதிர்ப்பையும் வெளிப்படுத்துகிறார். பிரிட்டிஷாருக்குக் கடுமையாகச் சவால் விடுக்கும் அவரது தோற்றம் இந்த முன்னோட்டத்திற்கு முன்னதாய் அமைகிறது. மேலும், இந்தத் திரைப்படத்தில் பார்வையாளர்கள் எதிர்பார்க்கக்கூடிய கம்பீரமான திரைத் தோற்றம் மற்றும் தீவிரமான ஆக்‌ஷன் காட்சிகளின் சிறு தொகுப்பையும் இந்த முன்னோட்டம் வழங்குகிறது.

உடல் வலிமை மற்றும் போர்க்களத்தின் வீரதீரச் செயல்களைக் கடந்து, கதாநாயகனைப் பரந்த கண்ணோட்டத்தில் கட்டமைக்க முயல்வதே 'ஃபைல் நம்பர் 25' முன்னோட்டத்தைத் தனித்துவமாக்குகிறது. ரகசிய நடவடிக்கைகள், உளவுப் போர், குறியீட்டுத் தகவல் தொடர்பு மற்றும் வெளிப்படுத்தப்படாத அடையாளம் ஆகியவற்றுக்கு அளிக்கப்படும் முக்கியத்துவம், கதையில் சுவாரசியமான மர்ம அடுக்குகளை அறிமுகப்படுத்துகிறது. இரண்டாம் உலகப் போரின் பின்னணியை இந்திய சுதந்திரப் போராட்டத்துடன் இணைப்பதன் மூலம், இந்த முன்னோட்டம் 'ஃபௌஜி'யைத் தனித்துவமான வரலாற்றுப் பின்னணியும் கற்பனைக்கு அப்பாற்பட்ட மையக் கதாபாத்திரமும் கொண்ட பீரியட் ஆக்‌ஷன் திரைப்படமாக நிலைநிறுத்துகிறது.

இயக்குநர் ஹனு ராகவபூடி வரலாற்றுத் தொடர்புகள், உளவு, தேசபக்தி மற்றும் தாக்கத்தை ஏற்படுத்தும் பிரம்மாண்டமான சண்டைக் காட்சிகள் ஆகியவற்றை ஒன்றிணைத்து, பிரபாஸை வழக்கத்திற்கு மாறான ஒரு கதாபாத்திரத்தில் நடிக்க வைத்திருப்பது இந்த முன்னோட்டத்தின் மூலம் தெரியவருகிறது. இந்த முன்னோட்டம் கதாநாயகனின் உலகத்தைப் பற்றிய ஒரு சிறிய பார்வையை மட்டுமே வழங்குகிறது. அவரது தோற்றம், செயல்படும் விதம், பிரிட்டிஷ் பேரரசால் பிடிக்க முடியாத எதிரியாக அவரை உருவாக்கிய நிகழ்வுகள் ஆகியவை குறித்த பல கேள்விகளுக்கு இது விடையளிக்காமல் விட்டுவிடுகிறது.

'ஃபௌஜி' திரைப்படத்தில் இமான்வி கதாநாயகியாக நடிக்கிறார். இவர்களுடன் அனுபம் கேர்,மிதுன் சக்கரபோர்த்தி, ஜெயப்பிரதா, பானு சந்தர் ஆகியோர் முக்கிய வேடங்களில் நடித்துள்ளனர். சுதீப் சட்டர்ஜி ISC ஒளிப்பதிவு செய்துள்ள இந்தத் திரைப்படத்திற்கு விஷால் சந்திரசேகர் இசையமைத்துள்ளார். படத்தொகுப்புப் பணிகளை கோத்தகிரி வெங்கடேஸ்வர ராவ் மேற்கொள்ள, தயாரிப்பு வடிவமைப்புப் பணிகளை அனில் விலாஸ் ஜாதவ் கவனித்துள்ளார்.

இந்த முன்னோட்டம், விறுவிறுப்பான பீரியாடிக் ஆக்‌ஷன் திரைப்படத்திற்கான எதிர்பார்ப்பை அதிகரித்துள்ளது. இந்தத் திரைப்படம் தமிழ், தெலுங்கு, மலையாளம், கன்னடம், இந்தி மற்றும் பெங்காலி ஆகிய மொழிகளில் 2027 மார்ச் 19ஆம் தேதி முதல் திரையரங்குகளில் வெளியாகிறது.

நடிகர்கள்:

பிரபாஸ், இமான்வி, மிதுன் சக்கரபோர்த்தி, அனுபம் கேர், ஜெயப்பிரதா, பானு சந்தர் மற்றும் பலர்.

தொழில்நுட்பக் குழு:

எழுத்து மற்றும் இயக்கம்: ஹனு ராகவபூடி

தயாரிப்பு நிறுவனம்: மைத்ரி மூவி மேக்கர்ஸ்

வழங்குபவர்கள்: குல்சன் குமார், பூஷன் குமார் மற்றும் டி-சீரிஸ் 

தயாரிப்பாளர்கள்: நவீன் யெர்னேனி, Y. ரவிசங்கர் மற்றும் பூஷன் குமார்

ஒளிப்பதிவு: சுதீப் சட்டர்ஜி ISC

இசை: விஷால் சந்திரசேகர்

தயாரிப்பு வடிவமைப்பு: அனில் விலாஸ் ஜாதவ்

படத்தொகுப்பு: கோத்தகிரி வெங்கடேஸ்வர ராவ்

VFX: R. C. கமலக்கண்ணன்

நடன இயக்குநர்: பிரேம் ரக்ஷித்

ஆடை வடிவமைப்பாளர்கள்: ஷீத்தல் இக்பால் சர்மா, டி. விஜய் பாஸ்கர்

மக்கள் தொடர்பு: யுவராஜ்

*Rebel Star Prabhas, Hanu Raghavapudi, Mythri Movie Makers, T Series Presents’ Most-Awaited Pan India Project Fauzi File No 25 Glimpse Packs A Powerful Historical Punch & Promises An Epic Tale Of Patriotism*

 

Rebel Star Prabhas is gearing up to present a never-before-seen character in Fauzi, the ambitious period action drama is directed by creative filmmaker Hanu Raghavapudi, produced by Mythri Movie Makers, and presented by T-Series. The film is bankrolled by Naveen Yerneni, Y Ravi Shankar, and Bhushan Kumar. The project has already made a solid impression with its title and release date posters. On the occasion of Prabhas’ birthday, the makers unveiled File No 25, a powerful new glimpse that reveals intriguing details about the identity, intelligence, and extraordinary mission of his character.

 

Set against the backdrop of World War II, the glimpse opens in Berlin on May 29, 1942, with a historic meeting between Netaji Subhas Chandra Bose and Adolf Hitler. Bose seeks Germany’s support in the fight against British colonial rule in India, setting the stage for a gripping exchange about the possibility of freedom after nearly two centuries of oppression. Hitler questions whether India can overcome the British Empire, but Bose firmly asserts that the determination to achieve independence cannot be extinguished.

 

The conversation takes an intriguing turn when Bose argues that intelligence can prove more powerful than military strength. To reinforce his point, he introduces the story of an extraordinary Indian operative who has been creating havoc for British intelligence through carefully planned operations. This mysterious individual has reportedly diverted military forces, disrupted strategic missions, and repeatedly outsmarted the colonial administration without revealing his identity.

 

The glimpse adds another fascinating dimension to the character through his ingenious communication system. Inspired by the Bhagavad Gita, the secret code is described as even more difficult to decipher than Germany’s Enigma code. Bose’s revelation that the British remain unaware of the operative’s true identity, despite his growing impact, establishes him as a formidable force operating in the shadows.

 

The identity reveal is among the most compelling moments of File No 25. Known to the British as Fauzi, the soldier’s real name remains a mystery. Wanted by the colonial authorities since 1932, he is portrayed as a fearless rebel who has made it his mission to protect his motherland. Bose further reveals that the elusive operative is currently in Calcutta, continuing his fight against British rule.

 

Prabhas makes an explosive entry towards the end of the glimpse, transforming into a ruthless rebel soldier who refuses to surrender to colonial authority. With a cigarette between his lips and a massive firearm, the actor exudes raw aggression and defiance. His fierce challenge to the British brings the glimpse to an explosive conclusion, offering a glimpse of the commanding screen presence and intense action audiences can expect from the film.

 

What distinguishes File No 25 is its attempt to build the protagonist around more than physical strength and battlefield heroics. The emphasis on covert operations, intelligence warfare, coded communication, and an undisclosed identity introduces an intriguing layer of mystery to the narrative. By combining a World War II setting with the Indian freedom struggle, the glimpse positions Fauzi as a period action drama with a distinctive historical backdrop and a larger-than-life central character.

 

Hanu Raghavapudi appears to be crafting an unconventional role for Prabhas, bringing together historical references, espionage, patriotism, and high-impact action. The glimpse offers only a glimpse into the protagonist’s world, leaving several questions unanswered about his origins, his methods, and the events that shaped him into the British Empire’s most elusive adversary.

 

Fauzi stars Imanvi as the female lead, alongside senior actors Anupam Kher, Mithun Chakraborty, Jaya Prada, and Bhanu Chandar in pivotal roles. The technical team includes cinematographer Sudeep Chatterjee, music composer Vishal Chandrasekhar, production designer Anil Vilas Jadhav, and editor Kotagiri Venkateswara Rao.

 

The glimpse raises expectations for a compelling period action spectacle, which is set to arrive in cinemas on March 19th,2027, in Telugu, Hindi, Kannada, Malayalam, Tamil and Bengali.

 

Cast: Prabhas, Imanvi, Mithun Chakraborty, Anupam Kher, Jaya Prada, Bhanu Chandar and others.

 

Technical Crew:

Writer, Director: Hanu Raghavapudi

Produced By: Mythri Movie Makers

Presented By: Gulshan Kumar, Bhushan Kumar & T-Series

Producers: Naveen Yerneni, Y Ravi Shankar, and Bhushan Kumar

DOP: Sudeep Chatterjee ISC

Music: Vishal Chandrasekhar

Production designer: Anil Vilas Jadhav

Editor: Kotagiri Venkateswara Rao

Lyrics: Krishna Kanth

Choreographer: Prem Rakshit

Costume Designers: Sheetal Iqbal Sharma, T Vijay Bhaskar

VFX: RC Kamala Kannan

Publicity Designers: Anil-Bhanu

PRO: Yuvraaj

https://www.youtube.com/watch?v=6Xk1XvhUGPM

 

கொரியாவின் எல்லைப் பகுதியில் உள்ள ஒரு அமைதியான கடலோர கிராமத்தில் (Hope Harbor) திடீரென விசித்திரமான சம்பவங்களும் விபத்துகளும் நடக்கின்றன. அங்குள்ள கால்நடைகள் மர்மமான முறையில் இறந்து கிடக்கின்றன. ஆரம்பத்தில் இதை ஏதோ ஒரு பெரிய புலியின் தாக்குதல் என்று நினைக்கும் போலீஸ் அதிகாரி பம்-சியோக் (வாங் மின்) மற்றும் உள்ளூர் வேட்டைக்காரர்கள், அதைத் தேடிச் செல்கின்றனர். ஆனால், அது புலி அல்ல; வேற்றுக்கிரக மோதலுடன் தொடர்புடைய ஒரு பயங்கரமான மான்ஸ்டர் (Creature) என்பது தெரியவருகிறது. அந்த அசுரனிடமிருந்து கிராம மக்களையும் தங்களையும் அவர்கள் எப்படிப் பாதுகாக்கப் போராடுகிறார்கள், இறுதியில் என்ன நடக்கிறது என்பதே படத்தின் மீதிக்கதை.

முதன்மைக் கதாபாத்திரங்களில் நடித்துள்ள கொரிய நடிகர்கள் மற்றும் மைக்கேல் ஃபாஸ்பெண்டர், அலிசியா விகந்தர் போன்ற சர்வதேச நட்சத்திரங்களின் நடிப்பு பாராட்டத்தக்கது.

படத்தின் முதல் 90 நிமிடங்கள் மிகவும் விறுவிறுப்பாகவும், அட்ரினலின் எகிற வைக்கும் திகில் மற்றும் சஸ்பென்ஸ் காட்சிகளுடன் மிரட்டியிருக்கிறார்கள். ஹாங் கியுங்-பியோவின் ஒளிப்பதிவும், பின்னணி இசையும் காட்சிகளுக்குள் நம்மை இழுத்துச் செல்கின்றன.

'தி வெயிலிங்' (The Wailing) பட புகழ் இயக்குனர் நா ஹாங்-ஜின், இந்த மான்ஸ்டர் கதையை கையாண்ட விதம் அருமை. அவரது டார்க் ஹியூமர் (Dark Comedy) மற்றும் ஆக்ஷன் காட்சிகள் படத்திற்குப் பெரும் பலம்.

'ஹோப்' (Hope) திரைப்படம் தியேட்டர்களில் Dolby தரத்தில் பார்த்து ரசிக்க வேண்டிய ஒரு தனித்துவமான படம். ஒரு பிரமாண்டமான ஆக்ஷன்-ஹாரர் படத்தை ரசிக்க விரும்புபவர்கள் தாராளமாக இந்தத் திரைப்படத்தைப் பார்க்கலாம்.

 

நா ஹாங்-ஜின் எழுதி இயக்கியுள்ள இந்தப் படம், பிரம்மாண்டமான அளவில் உருவாக்கப்பட்ட ஒரு அறிவியல் புனைவு (sci-fi) மற்றும் அரக்கர்கள் குறித்த திரைப்படமாகும்! மர்மமான உயிரினம் ஒன்றின் தாக்குதலுக்கு உள்ளாகும் ஒரு கிராமப்புறச் சமூகத்தைச் சுற்றி இதன் திரைக்கதை அமைக்கப்பட்டுள்ளது! அந்த உயிரினத்தின் பிடியிலிருந்து மக்களைக் காப்பாற்றும் பொறுப்பு, உள்ளூர் காவல் துறைத் தலைவருக்கும் அவரது உதவியாளருக்கும் வந்து சேர்கிறது. அதிரடி, நாடகம், நகைச்சுவை, சிலிர்ப்பூட்டும் தருணங்கள் என அனைத்தும் சரியான விகிதத்தில் கலந்த ஒரு கதையோட்டம் இதில் உள்ளது.

சுருக்கம்

'ஹோப் ஹார்பர்' (Hope Harbour) எனும் சிறிய நகரத்தில் கதை நடக்கிறது. முள்வேலிகள், தடுப்புகள் மற்றும் கண்ணிவெடிகளால் சூழப்பட்ட அந்த நகரத்திற்கு, எல்லைக்கு அப்பாலிருந்து அல்ல, வானத்திலிருந்து ஆபத்து வருகிறது! வேற்றுலக உயிரினங்களின் படையெடுப்பால் அந்த நகரம் நிலைகுலைந்து போகிறது; மக்களும் பெரும் துயரத்திற்கு ஆளாகிறார்கள்! எங்கும் ரத்தமும் குழப்பமும் நிறைந்த சூழலில், காவல் துறைத் தலைவர் பம்-சியோக் (ஹ்வாங் ஜங்-மின்) மற்றும் அவரது குழுவினரான சுங்-கி (ஜோ இன்-சுங்), சுங்-ஏ (ஹோயியோன்) ஆகியோர் அந்த அரக்கர்களை எதிர்த்துப் போராடத் தங்கள் முழு முயற்சியையும் மேற்கொள்கிறார்கள்!

வேற்றுலக உயிரினங்கள் ஏன் பூமியைத் தாக்கின என்பதற்கான காரணத்தை இந்தப் படம் வெளிப்படுத்தவில்லை; அதே சமயம், படத்தின் இறுதிக்காட்சி, இதன் தொடர்ச்சி (sequel) வரக்கூடும் என்பதற்கான குறிப்பை வழங்குகிறது!

மைக்கேல் ஃபாஸ்பெண்டர், அலிசியா விகாண்டர் மற்றும் டெய்லர் ரஸ்ஸல் ஆகியோர் வேற்றுலக உயிரினங்களாக நடித்துள்ளனர்.

படக்குழு

எழுத்து மற்றும் இயக்கம் - நா ஹாங்-ஜின்; நடிகர்கள் - ஹ்வாங் ஜங்-மின், ஜோ இன்-சுங், ஹோயியோன், மைக்கேல் ஃபாஸ்பெண்டர், அலிசியா விகாண்டர், டெய்லர் ரஸ்ஸல்; ஒளிப்பதிவு - ஹாங் கியுங்-ப்யோ; இசை - மைக்கேல் ஏபெல்ஸ்.

இந்தப் படம் கேன்ஸ் திரைப்பட விழாவில் திரையிடப்பட்டது. அமெரிக்காவில் வெளியான சர்வதேசத் திரைப்படங்களிலேயே, இந்தப் படம் மிகப்பெரிய தொடக்கத்தைப் (opening) பெற்றுள்ளது.

 

‘சிவப்பு மஞ்சள் பச்சை’ படத்தின் ‘உசுரே’, ‘மயிலாஞ்சியே’, ‘இது தான்’, ‘ஜோ’ படத்தின் ‘உருகி உருகி’, ‘ஆரோமலே’ படத்தின் ‘எப்படி வந்தாயோ’ என ரசிகர்களின் மனதில் நீங்கா இடம்பிடித்த பல பாடல்களை கொடுத்தவர் இசையமைப்பாளர் சித்து குமார். காதலை உணர்வுப்பூர்வமாக இசை மூலம் வெளிப்படுத்துவதிலும் இவர் திறமையாளர் என்பதை ‘தீராக் காதல்’ போன்ற படங்களிலும் நிரூபித்துள்ளார். 

தற்போது, யுவராஜ் சின்னசாமி எழுதி இயக்கியுள்ள ‘ஹைக்கூ’ படத்திற்கு இசையமைத்துள்ளார். காதல் கலந்த நகைச்சுவைப் படமாக உருவாகியுள்ள இப்படம், இன்று (அக்டோபர் 23) உலகம் முழுவதும் திரையரங்குகளில் வெளியாகியுள்ளது. படத்தின் பாடல்கள் ஏற்கெனவே இசை ரசிகர்களிடையே வரவேற்பைப் பெற்றுள்ள நிலையில், படத்தை முன்னோட்டக் காட்சிகளில் பார்த்த விமர்சகர்கள் மற்றும் ரசிகர்களிடமிருந்தும் பாடல்கள், பின்னணி இசை ஆகியவற்றுக்குப் பாராட்டுகள் கிடைத்து வருகின்றன. இதனால் சித்து குமார் மகிழ்ச்சியடைந்துள்ளார்.

‘ஹைக்கூ’ படத்தின் இசைப் பயணம் குறித்துப் பேசிய இசையமைப்பாளர் சித்து குமார் பகிர்ந்து கொண்டதாவது, “யுவராஜ் சின்னசாமி ‘ஹைக்கூ’ படத்தின் கதையைச் சொன்னபோதே, அதில் இசைக்கு மிகப்பெரிய வாய்ப்பு இருப்பதை என்னால் உணர முடிந்தது. அதே நேரத்தில், சில சவால்களும் இருந்தன. காதல் கதைகள் எப்போதுமே இசையமைப்பாளர்களுக்கு ஒரு வரப்பிரசாதம். ஏனெனில், மனதில் நிற்கும் இனிமையான மெலடிகளை உருவாக்குவதற்குப் பல வாய்ப்புகள் கிடைக்கும். அதேசமயம், கதாபாத்திரங்களின் உணர்வுகளுக்குத் துணையாக இசை இருக்க வேண்டுமே தவிர, அவற்றைத் தாண்டி ஆதிக்கம் செலுத்திவிடக் கூடாது.

‘ஹைக்கூ’ படத்தைப் பொறுத்தவரை, இசை திரைக்கதையின் ஒரு அங்கமாக இருக்க வேண்டும் என்பதில் கவனமாக இருந்தோம். கிட்டத்தட்ட படத்தில் வரும் ஒரு கதாபாத்திரத்தைப் போல மெளனமாக இசை செயல்பட வேண்டும் என்பதே எங்களது நோக்கம். இதற்காகப் பல்வேறு இசை வடிவங்களையும், மாற்றங்களையும் முயற்சி செய்து பார்த்தேன். ஒவ்வொரு பாடலும், ஒவ்வொரு இசைக் குறிப்பும் கதையின் உணர்வுகளுக்கும் அதன் நகர்வுக்கும் உதவ வேண்டும் என்பதில் உறுதியாக இருந்தோம். இதற்காகப் பல்வேறு முயற்சிகளை மேற்கொண்டு, படத்துக்குப் பொருத்தமான இசையை உருவாக்குவதற்கான சுதந்திரத்தை வழங்கிய இயக்குநருக்கும் தயாரிப்பாளர்களுக்கும் நன்றி.

உலகப் புகழ்பெற்ற புடாபெஸ்டில் இப்படத்தின் பின்னணி இசையைப் பதிவு செய்யும் வாய்ப்பு கிடைத்தது மிகப்பெரிய வரப்பிரசாதம். இசைஞானி இளையராஜா, இசைப்புயல் ஏ.ஆர். ரஹ்மான் உள்ளிட்ட பல இசை மேதைகள் தங்களது மகத்தான இசைப் படைப்புகளை உருவாக்கிய இடத்தில் எங்களது படத்தின் பின்னணி இசையையும் பதிவு செய்தது சிறப்பான அனுபவமாக இருந்தது.

படத்தின் முன்னோட்டக் காட்சிகளைப் பார்த்தவர்களிடமிருந்து பாடல்களுக்கும் பின்னணி இசைக்கும் கிடைத்துவரும் வரவேற்பு உண்மையிலேயே மகிழ்ச்சியளிக்கிறது. மிகுந்த கவனத்துடனும் அக்கறையுடனும் இந்தப் படத்தின் இசையை உருவாக்கியிருக்கிறோம். ‘ஹைக்கூ’ படத்தைத் திரையரங்குகளில் பார்க்கும்போது, ரசிகர்களுக்கு அழகான இசை அனுபவம் கிடைக்கும் என்று நம்புகிறேன்” என்றார்.

யுவராஜ் சின்னசாமி எழுதி இயக்கியிருக்கும் இப்படத்தில் ஏகன், ஸ்ரீதேவி மற்றும் ஃபெமினா ஜார்ஜ் ஆகியோர் முன்னணி கதாபாத்திரங்களில் நடித்துள்ளனர். இவர்களுடன் அதிர்ச்சி அருண், சுப்பிரமணிய சேது, அதியமான், மைம் கோபி மற்றும் இந்துமதி மணிகண்டன் உள்ளிட்ட பலரும் முக்கியக் கதாபாத்திரங்களில் நடித்துள்ளனர்.

விஷன் சினிமா ஹவுஸ் நிறுவனத்தின் சார்பில் டாக்டர் டி. அருளானந்து மற்றும் மேத்யூ அருளானந்து ஆகியோர் இப்படத்தைத் தயாரித்துள்ளனர். சித்து குமார் இசையமைத்துள்ள இப்படத்திற்கு பிரியேஷ் குருசாமி ஒளிப்பதிவு செய்துள்ளார். சக்தி பிரணீஷ் பி படத்தொகுப்புப் பணிகளை மேற்கொண்டுள்ளார். ஹரிஹரன் ராம் கூடுதல் திரைக்கதையில் பங்களித்துள்ளார். தமிழக வெளியீட்டுப் பணிகளை சக்தி ஃபிலிம் ஃபேக்டரியின் பி. சக்திவேலன் மேற்கொண்டுள்ளார்.

 

தமிழ் சினிமாவில் தரமான படைப்புகளை தொடர்ந்து வழங்கி வரும் ஆர். ரவீந்திரன் தலைமையிலான டிரைடென்ட் ஆர்ட்ஸ் நிறுவனம் தனது 22வது திரைப்படத்தை தொடங்கியுள்ளது. இப்படத்தை டிரைடென்ட் ஆர்ட்ஸ் மற்றும் 6 டைமென்ஷன்ஸ் பிலிம்ஸ் & மீடியா எல் எல் பி பேனர்களில் சுல்தான் ஜசானி மற்றும் சேத்தன் தியோலேகர் ஆகியோரோடு இணைந்து ஆர். ரவீந்திரன் தயாரிக்கிறார்.

இன்னும் பெயரிடப்படாத இப்படத்தை பிரபல கன்னட இயக்குநரும் பாடலாசிரியருமான ஹரி சந்தோஷ் இயக்க சசிகுமார் நாயகனாக நடிக்கிறார். சுவாசிகா, நரேன், அஞ்சலி நாயர், நந்திதா ஸ்வேதா, ஹரிஷங்கர், ஹரீஷ் பேரடி, தேனப்பன், வையாபுரி, ஆனந்த் நாக் மற்றும் வசந்தி குரு உள்ளிட்டோர் முக்கிய வேடங்களில் நடிக்கின்றனர்.

படப்பிடிப்பு சென்னையில் தொடங்கி உள்ள நிலையில் பல்வேறு இடங்களில் தொடர்ந்து நடைபெறவுள்ளது. திரைப்படம் குறித்து பேசிய இயக்குநர் ஹரி சந்தோஷ், "இது ஒரு புதுமையான குடும்ப திரில்லர் வகையை சேர்ந்த கதை ஆகும். ஒரு திரில்லரில் இதர அம்சங்களை சரியான விகிதங்களில் சேர்த்து பார்வையாளர்கள் ரசிக்கும் வண்ணம் வழங்கவுள்ளோம். தமிழில் எனது முதல் திரைப்படத்திற்காக டிரெடென்ட் ஆர்ட்ஸ் மற்றும் சசிகுமார் உள்ளிட்டோரோடு இணைவது மிக்க மகிழ்ச்சி," என்றார். 

கிருஷ் ஜே நாக்ரேச்சா இந்த படத்தின் இணை தயாரிப்பாளர் ஆவார். சஞ்சய் விஜய்ராகவன் கிரியேட்டிவ் தயாரிப்பாளராக பணியாற்றுகிறார். ஜிப்ரான் இசையைமக்க, அரவிந்த் சிங் ஒளிப்பதிவு செய்கிறார். படத்தொகுப்பு: சான் லோகேஷ், கலை: துரைராஜ், உடைகள் வடிவமைப்பு: துர்கா, ஒப்பனை & சிகை அலங்காரம்: மாலிக், , சண்டைப் பயிற்சி: அபிஷேக், பப்ளிசிட்டி டிசைன்ஸ்: வியாகி, பாடல்கள்: கார்த்திக் நேத்தா, வசனம்: மந்த்ரா, மக்கள் தொடர்பு: நிகில் முருகன், கிரியேட்டிவ் புரோமோஷன்ஸ்: ஹரிஹரன் ஜெ (லக்ஸெரான் ஸ்டூடியோஸ்), மார்க்கெட்டிங் & புரோமோஷன்ஸ்: ஏகேடி‍ ‍ ‍- லின்க்.

டிரைடென்ட் ஆர்ட்ஸ் மற்றும் 6 டைமென்ஷன்ஸ் பிலிம்ஸ் பேனர்களில்  ஆர். ரவீந்திரன், சுல்தான் ஜசானி மற்றும் சேத்தன் தியோலேகர் தயாரிப்பில் ஹரி சந்தோஷ் இயக்கத்தில்  சசிகுமார், சுவாசிகா, நரேன், நந்திதா ஸ்வேதா, அஞ்சலி நாயர் நடிக்கும் குடும்ப திரில்லர் திரைப்படத்தின் பணிகளை விரைவில் நிறைவு செய்து வெளியிட படகுழுவினர் திட்டமிட்டுள்ளனர். 

 

திரைத்துறை ஜாம்பவான்கள் கலந்து கொள்ளும் பிரம்மாண்ட கலை நிகழ்ச்சிகளை வெற்றிகரமாக தயாரித்து, உருவாக்கி, நடத்துவதன் மூலம் இந்திய ஊடக வெளியில் தனக்கென ஒரு முக்கிய இடத்தைப் பிடித்துள்ள முன்னணி ஊடகத் தயாரிப்பு மற்றும் திறமை மேலாண்மை நிறுவனமான நாய்ஸ் அண்டு கிரைன்ஸ் (Noise and Grains), திரைப்பட தயாரிப்பில் களம் இறங்கி தனது முதல் படைப்பாக 'கோயம்பத்தூர் மாப்பிள்ளை' திரைப்படத்தை உருவாக்கியுள்ளது. உலகெங்கும் உள்ள திரையரங்குகளில் வரும் டிசம்பர் 24 அன்று வெளியாகவுள்ள இப்படத்தை தமிழ்நாடு முழுவதும் ஏ ஜி எஸ் சினிமாஸ் நிறுவனம் வெளியிடுகிறது. 

நாய்ஸ் அண்டு கிரைன்ஸ் ‍பேனரில் கார்த்திக் ஸ்ரீநிவாஸ் மற்றும் மகாவீர் அசோக் தயாரித்துள்ள 'கோயம்பத்தூர் மாப்பிள்ளை' திரைப்படத்தை 'கிஷோர் ராஜ்குமார் எழுதி, இயக்கி, நாயகனாகவும் நடித்துள்ளார். பிரபல மலையாள நடிகையும் 'கொட்டுக்காளி' தமிழ் படத்தில் நடித்தவருமான‌ அன்னா பென் நாயகியாக நடிக்க, கே.எஸ். ரவிகுமார், பொன்வண்ணன், விஜி சந்திரசேகர், சித்தப்பு சரவணன், விநோதினி வைத்தியநாதன், லொள்ளு சபா மனோகரன், CWC மோனிஷா பிளஸ்ஸி, வாட்ஸப் மணி, நக்கலைட்ஸ் ரஞ்சித் உள்ளிட்டோர் முக்கிய பாத்திரங்களில் நடிக்கின்றனர்.

திரைப்படம் குறித்து பேசிய இயக்குநரும் நாயகனுமான கிஷோர் ராஜ்குமார், "வெறும் 29 நாட்களில் 'கோயம்பத்தூர் மாப்பிள்ளை' படப்பிடிப்பை முடித்துள்ளோம். குண்டாக இருப்பவர்களை நகைச்சுவை வேடங்களில் சித்தரித்து நிறைய படங்கள் வந்துள்ள நிலையில், உடல் எடை அதிகமாகக் கொண்ட பாத்திரத்தை நாயகனாக வைத்து எடுக்கப்பட்ட திரைப்படம் இது. அந்த வேடத்தில் நானே நடிப்பது மகிழ்ச்சி.  அனைத்து தரப்பு ரசிகர்களும் குடும்பத்துடன் கண்டு ரசிக்கும் வைகையில் இப்படம் உருவாகியுள்ளது, தொடக்கம் முதல் இறுதி வரை கலகலப்புக்கு பஞ்சம் இல்லாத வகையில் இந்த திரைப்படம் இருக்கும்," என்று தெரிவித்தார். 

தொடர்ந்து பேசிய அவர், "காதலும் நகைச்சுவையும் நிரம்பிய‌ கதை இது. படம் முழுக்க ஃபீல் குட் உணர்வை ரசிகர்களுக்கு தரும் வகையில் திரைக்கதை வடிவமைக்கப்பட்டுள்ளது. ஜோடி பொருத்தம் குறித்து பேசும் இந்த கலகலப்பான படம் நாயகிக்கு முக்கியத்துவம் தரும் வகையில் இருக்கும். மிகவும் திறமையான நடிகை என பெயரெடுத்த அன்ன பென் உடன் பணியாற்றியதில் மகிழ்ச்சி. இந்த வாய்ப்பை எனக்களித்த நாய்ஸ் அண்டு கிரைன்ஸ் நிறுவனத்திற்கு மனமார்ந்த நன்றி," என்றார்.

இப்படத்தின் ஒளிப்பதிவாளராகவும் இணை எழுத்தாளராகவும் பிரவீன் பாலு பங்காற்ற, படத்தொகுப்பை ராம் பாண்டியன் கையாண்டுள்ளார். இவர்கள் இருவரும் சதீஷ் நாயகனாக அறிமுகமாகி கிஷோர் ராஜ்குமார் இயக்கிய 'நாய் சேகர்' படத்திலும் பணியாற்றியது குறிப்பிடத்தக்கது. கலகலப்பான பாடல் ஒன்றுக்கு பிருந்தா மாஸ்டர் நடனம் அமைத்துள்ளார். ஶ்ரீ சசிகுமார் கலை இயக்குநர் ஆவார். ஆடை வடிவமைப்பு - கிருத்திகா சேகர், நிர்வாக தயாரிப்பு - எஸ். என். அஸ்ரப்/நரேஷ் தினகரன்.

நாய்ஸ் அண்டு கிரைன்ஸ் பேனரில் கார்த்திக் ஸ்ரீநிவாஸ் மற்றும் மகாவீர் அசோக் தயாரிப்பில் கிஷோர் ராஜ்குமார் எழுதி, இயக்கி, நாயகனாக நடித்துள்ள 'கோயம்புத்தூர் மாப்பிள்ளை' அனைத்து தரப்பு ரசிகர்களையும் மகிழ்ச்சியில் ஆழ்த்துவதற்காக டிசம்பர் 24 அன்று திரையரங்குகளில் வெளியாகவுள்ளது.